ჩერნოვეცკის საქველმოქმედო ფონდი

აჩუქეთ მოხუცებს შობის დღესასწაული!

«ნეტარ იყვნენ მოწყალენი, რამეთუ იგინი შეიწყალნენ“.
2,631.65 ₾
143
დონორები
შეგროვებულია
მოწყალება ღვთის არსის თვისება და ერთ-ერთი უმნიშვნელოვანესი ქრისტიანული სათნოებაა. ეს  არის მოყვასისადმი სიყვარულის გამოვლინება და ჭეშმარიტ რწმენასთან ერთად, აუცილებელი პირობაა ადამიანის სულის ცხონებისა: «ნეტარ იყვნენ მოწყალენი, რამეთუ იგინი შეიწყალნენ“... ეს ციტატა „მათეს სახარებიდან“ განსაკუთრებულ მნიშვნელობას იძენს სწორედ წინა საშობაო დღეებში!...როდესაც ჩვენ ამ ადამიანების მოსანახულებლად მივდივართ, მათ საცხოვრებელში, რომელსაც რთულია სახლი თუ ბინა უწოდო,   ერთი და იგივე სურათს ვხედავთ: ოდნავ მბჟუტავი ნატურა, ობმოკიდებული კედლები,  დამწუხრებული და დაღვრემილი სახეები, სასოწარკვეთილი გამომეტყველება და... სამწუხარო დასასრულის მოლოდინი.   
ამ „სახლების“ მაცხოვრებლები ხანდაზმული ადამიანები არიან, ზოგჯერ მათი ზუსტი ასაკის დადგენაც კი შეუძლებელია. თუ კარგად ჩავხედავთ მათ გატანჯულ თვალებში, აუცილებლად დავინახავთ განვლილი ცხოვრების იმ რთულ, მაგრამ საინტერესო გზას, რომელიც გამოიარეს და რომელსაც გულისფანცქალით იხსენებენ. 
რა დასამალია და... ბევრი ჩვენგანი გაურბის მარტოხელა მოხუცებთან ურთიერთობას. რამდენ ახალგაზრდას ვიცნობთ, რომლებიც ფიქრობენ, რომ არასდროს დაბერდებიან ან თუ ოდესმე დაბერდებიან, შვილები და შვილიშვილები მოუვლიან... მაგრამ არავინ იცის რა და როგორ იქნება ხვალ, ხომ გსმენიათ - ღვთის გზები შეუცნობელია! 
ჩვენ ვცდილობთ, რომ მხოლოდ პოზიტიური ემოციებით დავიტვირთოთ თავი. ეს უკვე ერთგვარ „მოდად“ იქცა და მის დევნაში, ხშირად შეგნებულად ვარიდებთ თვალს იმ მწარე სინამდვილეს, რომელიც ჩვენს ირგვლივ არის.  გვინდა თუ არა, ეს სინამდვილე არსებობს და მას თვალი უნდა გავუსწოროთ. დიახ, სავსებით შესაძლებელია, რომ თქვენს გვერდით ვიღაც შიმშილობს, ვიღაც სასოწარკვეთისგან სტირის, ვიღაც კი - სიცოცხლის უკანასკნელ წუთებს ითვლის... 
გვაპატიეთ, რომ სევდიანი სტატუსი გამოგვივიდა, მაგრამ ამის შესახებ თუ ხმამაღლა არ ვისაუბრეთ, თუ არ მივაქციეთ ამ პრობლემას ყურადღება, ჩვენს ცხოვრებას ფასი არ ექნება! 
ჩვენ ამ თემაზე ხშირად ვამახვილებთ ყურადღებას.  ახლა კი, ამ შობის წინა დღეებში, კიდევ ერთხელ გვინდა მოგიწოდოთ, რომ არ დავივიწყოთ ჩვენი თანამოქალაქეები - მარტოხელა საწოლს მიჯაჭვული  მოხუცები! მოდით, ამ ყველაზე ნათელი დღესასწაულის მოლოდინში, გავუთბოთ მათ გულები,  შევწიროთ საშობაო ნობათი
თუ თქვენ მზად ხართ, რომ გამოიჩინოთ თანაგრძნობა და დახმარების ხელი გაუწოდოთ მარტოხელა ხანდაზმულ ჩვენს ბენეფიციარებს, თანხა შეგიძლიათ გადარიცხოთ ჩვენი ფონდის ანგარიშზე GE15TB7194336080100003 ან  GE64BG0000000470458000 (დანიშნულება:  საშობაო საჩუქრები) ან ჩარიცხოთ პირდაპირ ჩვენი საიტიდან 
თქვენ, ასევე, შეგიძლიათ თანხის გადარიცხვა სწრაფი გადახდის ტერმინალებიდან NovaTechnology, TBCpay და ExpressPay. განყოფილებაში „ქველმოქმედება“ აირჩიეთ ჩვენი ფონდი (გადახდის წესები იხილეთ შემდეგ მისამართზე: https://goo. gl/GY2Gus). 
თვით ყველაზე კეთილშობილური ადამიანური გამარჯვებაც კი ერთგვარ მზეს ჰგავს, რომლის ერთი ნახევარი სინათლის სხივებს აშუქებს, ხოლო მეორე - ბნელს. მხოლოდ ქრისტეს გამარჯვებაა მზის მსგავსი, ნათელი სხივების გადმომღვრელი ყოველივეზე, რაც მის ქვეშაა. მხოლოდ ქრისტეს გამარჯვება აღავსებს ადამიანთა გულებს სრული სიხარულით. მხოლოდ ეს არის გამარჯვება, რომელშიც არ არის ნიშნისგება და ბოროტება.
გფარავდეთ უფალი!

თეგები:
#შინ მოვლა

მსგავსი პროექტები: