ელზა (41 წლის): „ფონდის ყველა მეგობარს საქართველოში აუცილებლად უთხარით, რომ ამ საშინელ ტკივილს ვეღარ ვუძლებ. სუნთქვა სულ უფრო მიჭირს დღითი დღე, მეორე მხრიდან კი დიაბეტი მკლავს. ჩვენს ოჯახს ხომ ფული საერთოდ არ აქვს. მე კი მკაცრად, ექიმის დანიშნულების მიხედვით მჭირდება კვება“.

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

დაუსრულებელი ტანჯვაა ელზას ცხოვრება. სქოლიოზის მძიმე ფორმით არის დაბადებული. მისი ხერხემალი იმდენად არის გამრუდებული, რომ მუდმივი ტკივილისგან ქალს თვალთ უბნელდება, ფილტვები ეკეტება და თავისუფლად ამოსუნთქვას ვერ ახერხებს.

უზარმაზარი კუზი ძილის, სუნთქვისა და სიარულის საშუალებას არ აძლევს

ელზა (41 წლის): „ამ ტკივილს ვეღარ ვუძლებ. გუშინ თვალი ვერ მოვხუჭე! ღმერთს რა შევცოდე ასეთი, რომ დაბადებიდან ასე ვიტანჯები? ამხელა ტანჯვა რით დავიმსახურე?“

მიუხედავად ხერხემლის ტკივილისა, ელზას ძველ, დანგრეულ ტახტზე სძინავს. მთელი ღამე ტკივილებისგან კვნესის. წამლები არ შველის, ექიმთან წასასვლელი ფული კი არ აქვს. შშმ პირის და დედის პენსია არის მისი ერთადერთი შემოსავალი. მაგრამ ეს თანხა საკმარისი არ არის მკურნალობისთვის.

ელზა: „შეიძლება მოვკვდე, წამალი დროულად თუ არ მივიღე. ვფიქრობ, ჯოჯოხეთში მოხვედრისაც კი არ მეშინია სიკვდილის შემდეგ, რადგან აქ უკვე გამოვცადე!“

ამ საბრალო ქალს დიაბეტიც აქვს. არ აქვს სისხლში შაქრის დონის საზომი ჩხირები, არც მედიკამენტები, არც მათი შეძენის საშუალება. ორიოდე დღის წინ ელზას გული წაუვიდა და კარგა ხანს ვერ მოვიდა გონს. ალბათ, გესმით, ეს რასაც ნიშნავს. ყველაზე დიდი საშინელება მოხდება მაშინ, თუკი ერთხელაც კომაში ჩავარდება და ვეღარასოდეს გაიღვიძებს.

ელზა: „ასეთ ცხოვრებას სიკვდილი მირჩევნია… როდის უნდა დასრულდეს ჩემი ტანჯვა? ჩემი ერთადერთი იმედი, კეთილი ადამიანები არიან, ვინც ჩემს დაავადებებთან პირისპირ მარტოს არ დამტოვებს. თქვენ გარდა, დახმარებას არსაიდან ველი!

ფოტო ოჯახის არქივიდან

თანდაყოლილი ტერფმრუდობაც აქვს ელზას. მას გადაადგილება ახლაც უჭირს. ქალი სწორ გზაზეც ხშირად ვარდება – ფეხები ეკეცება ტკივილისა და დაძაბულობის გამო.

შეხედეთ, რა პირობებში ცხოვრობს ეს ოჯახი: ჩამტვრეული ფანჯრები, დაბზარული კედლები, მათ ელემენტარული პირობებიც კი არ აქვთ.

ავადმყოფობის მიუხედავად, ელზა მოხუც დედას ეხმარება, როგორც შეუძლია: შეშას აგროვებს, ღუმელს ანთებს და წყალი მოაქვს.

ნინა, ელზას დედა (73 წლის): „ჩემს შვილს საერთოდ არავინ ჰყავს ჩემ გარდა. მე რომ მოვკვდები, რა ეშველება? მინდა, სანამ ცოცხალი ვარ, ჩემი გოგო ფეხზე დავაყენო. მაგრამ, როგორ? ჩემი პენსია საკვები პროდუქტების საყიდლადაც ძლივს კმარა“.

მეგობრებო, ასეთ ისტორიებს იმიტომ გიამბობთ, რომ უფალს გაუხსნათ გული და საკუთარი გასაჭირივით გულთან ახლოს მიიტანოთ სხვისი გასაჭირი. ეს ერთადერთი გზაა, რომლითაც ღმერთი შესაძლებლობას გვაძლევს, დავანახოთ მას, როგორია ჩვენი სულიერი მდგომარეობა.

ამ სახლიდან წამოსვლისას მომეჩვენა, რომ აქ ყოველგვარმა ამქვეყნიურმა უბედურებამ დაიდო ბინა, ელზამ ბავშვური გულწრფელობით, ღრმად ჩამხედა თვალებში და მითხრა: „რა კარგი ხარ! გეტყობა, რომ სამსახურში ბევრნაირი გასაჭირი გაქვს ნანახი… იცი, ჩემი მოხუცი დედა ყოველდღე სიკვდილზე ლაპარაკობს. მაგრამ, მარტო თუ დავრჩები, ერთ დღესაც კი ვერ ვიცოცხლებ. ჩემ შესახებ ფონდში უამბე ყველას. დამირეკეთ მაინც… მეც ხომ ადამიანი ვარ, მერე რა, რომ არავის ვჭირდები… ახლა ხომ აღარ მიმატოვებ? არ დამივიწყებ? თუ მოვკვდები, გთხოვ, მოდი ჩემს დაკრძალვაზე. დღეიდან შენთვისაც ვილოცებ ყოველდღე!“

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია: ადიგენის მუნიციპალიტეტი, სოფელი უდე.

ყოველ ჯერზე, როდესაც ვინმეს დახმარება შეგიძლიათ, უბრალოდ დაეხმარეთ და გაიხარეთ, რომ ღმერთი თქვენი მეშვეობით პასუხობს ვიღაცის ლოცვებს!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

მეგობრებო, კიდევ ერთი თხოვნა გვაქვს თქვენთან: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: [email protected]

ჩვენი ფონდის ანგარიში:

(დანიშნულება: ჩილაშვილების ოჯახი)

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

თანხის ჩარიცხვა ასევე შესაძლებელია ტერმინალებიდან: ExpressPay, TBCpay, PayBox (OPPA). ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!