უკვე მეორე თვეა, რაც რეანიმაციაში სიკვდილ–სიცოცხლის ზღვარზეა ახალგაზრდა ქართველი ბიჭი, გიორგი! მისი მკურნალობა ყოველდღიურად 900 ლარი უჯდება საბრალო დედას.

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

თბილისის რეანიმაციაში სიკვდილ-სიცოცხლის ზღვარზეა 37 წლის გიორგი ჯიჯელავა. მისი მდგომარეობა კრიტიკულია. მწვავე პანკრეატიტმა მძიმე გართულებები გამოიწვია. ბოლო რამდენიმე კვირის განმავლობაში, მას უკვე სამი ოპერაცია ჩაუტარდა და ექიმები არ გამორიცხავენ იმას, რომ მეოთხეც გახდეს საჭირო. ნეკროზი კვლავაც ანადგურებს შიდა ორგანოებს და ყოველი დაკარგული დღე შეიძლება დაუჯდეს სიცოცხლის ფასად.

სასიკვდილო დაავადება შეუმჩნევლად მიეპარა. გიორგი ცხოვრობდა, როგორც ბევრი სხვა ქართველი ბიჭი: მუშაობდა, დაქორწინებას აპირებდა, ალკოჰოლს ზედმეტად არ მოიხმარდა. თავი ცუდად რომ იგრძნო, ქუთაისის საავადმყოფოში გადაიყვანეს, მაგრამ დაავადება იმდენად სწრაფად პროგრესირებდა, რომ ექიმებმა გადაწყვიტეს მისი თბილისში გადაყვანა.

რთულად დასაჯერებელია, მაგრამ ამ ორ ფოტოს შორის — ორ თვეზე ნაკლები დროა გასული. შეუცნობელ არს გზანი უფლისანი! გაუფრთხილდით საკუთარ თავს, მეგობრებო!      

რეანიმაციაში ერთი დღის ღირებულება 900 ლარია. ოჯახისთვის, რომელსაც არ აქვს არც სტაბილური შემოსავალი, არც სახელმწიფოსგან იღებს რაიმე დახმარებას, ეს წარმოუდგენელი თანხაა. ძალები უკვე იწურება. ახლობლებმა და დედამ გაყიდეს ყველაფერი, რაც შეეძლოთ. გიორგის ხომ, სიცოცხლე ძალიან უნდა!

„მე იტალიიდან ჩამოვფრინდი, სიკვდილის პირას მყოფი შვილის გვერდით რომ ვყოფილიყავი,“ – ამბობს დედა, მარინე, და ისე ტირის, რომ სიტყვების გარჩევაც კი ძნელია.

გიორგის დედა, 58 წლის მარინე ჯიჯელავა, საზღვარგარეთ – იტალიაში – 12 წლის განმავლობაში მუშაობდა ძიძად, მომვლელად, დამლაგებლად. მთელი ამ წლების განმავლობაში, ის საქართველოში ფულს აგზავნიდა და შვილებს ინახავდა. მაგრამ, როდესაც შვილი ავად გაუხდა, ყველაფერი მიატოვა და დაბრუნდა. დღეს, ის საავადმყოფოში ცხოვრობს – მუდმივი შიშის ქვეშ, რომ შეიძლება ყველაზე საშინელი სიტყვები მოისმინოს…

„მე, მხოლოდ ის მყავს. არ არის დაქორწინებული, შვილები არ ჰყავს. მარტო ცხოვრობდა, მუშაობდა, არასდროს წუწუნებდა. ახლა კი უმწეოა, სულ მილებშია გახლართული. მე კი… ყველაფერი მკურნალობაში, ტრანსპორტსა და წამლებში დაიხარჯა…“ – ამბობს  თვალცრემლიანი მარინე.

დაავადება დაუნდობელი აღმოჩნდა და ფულიც უკვე იწურება. ყველაფერი გაყიდულია, ყველაფერი ჩაბარებულია, ყველაფერი გიორგის გადასარჩენად დაიხარჯა.

„ჩვენ მეტი აღარაფერი შეგვიძლია…“ – დედის ეს სიტყვები, შეიძლება შვილისთვის განაჩენი აღმოჩნდეს.

ოჯახმა წერილით მიმართა საქართველოს ჯანდაცვის სამინისტროს დაფინანსების თხოვნით, მაგრამ პასუხი ჯერ კიდევ არ მიუღიათ. იქ, არ ჩქარობენ… ეს კი იმას ნიშნავს, რომ ახლა, გიორგის კომიდან გამოყვანა და სიცოცხლის შენარჩუნება მხოლოდ ჩვენ შეგვიძლია, მეგობრებო. საშინელება კი ის არის, რომ ნაადრევად კომიდან გამოსვლა შეიძლება სიცოცხლის ფასად დაუჯდეს მას. საჭიროა კიდევ 1–2 თვე. ზუსტად რამდენი ხანი დასჭირდება – ქართველ ექიმებს განსაზღვრა უჭირთ. ასეთ მდგომარეობაში, გიორგის უცხოეთში გადაყვანა სიცოცხლისთვის საფრთხის შემცველია.

დაავადების მიზეზებს ექიმები ვერ ასახელებენ. გიორგის ისეთი არაფერი აწუხებდა, რაც ამდენად მძიმე პანკრეატიტის განვითარებას გამოიწვევდა.

დღეს, ოჯახი დახმარებას უკვე არა მხოლოდ მკურნალობისთვის, არამედ გადარჩენისთვის ითხოვს. იმისათვის, რომ გიორგი რეანიმაციაში დარჩეს. იმისათვის, რომ კიდევ ერთი, შესაძლოა გადამწყვეტი ოპერაცია ჩაუტარდეს.

„ღმერთო, გთხოვ! ჩემს შვილს დაეხმარე … ის ხომ, ისეთი ახალგაზრდაა…“

მარინე უმწეოდ დგას ექიმების წინაშე და არ იცის, მომდევნო დღის თანხა როგორ გადაიხადოს. დღეში 900 ლარი არის გიორგის სიცოცხლის ფასი. ფასი, რომლის გადახდაც დედას უკვე აღარ შეუძლია. გთხოვთ, დაეხმარეთ გიორგი ჯიჯელავას. ახლა, ეს უკვე არა მხოლოდ მკურნალობისთვის, არამედ სიცოცხლისთვის, უკანასკნელი შანსისთვის ბრძოლაა.

ჩვენ ინტერნეტში ამ ვერაგი დაავადების შესახებ ინფორმაცია მოვიძიეთ. მეგობრებო, წაიკითხეთ და იყავით ძალიან ფრთხილად!

რა არის მწვავე პანკრეატიტი?

მწვავე პანკრეატიტი — პანკრეასის ქსოვილის სწრაფი, მოულოდნელი ანთებაა. მას თან ახლავს მუცლის არეში ძლიერი, სარტყელისებრი მიმართულების ტკივილი და ზოგიერთ შემთხვევაში, შეიძლება დააზიანოს მეზობელი ან თუნდაც, შორეული ორგანოები და ქსოვილები. საწყის ეტაპზე პათოლოგიური პროცესი არის ასეპტიკური (ინფექციის გარეშე), მაგრამ შემდეგ, დაზიანებული ქსოვილების მეორადი ინფიცირება არის შესაძლებელი.

მსუბუქი ფორმების შემთხვევაში, თუ მკურნალობა დროულად დაიწყო, პაციენტი გამოჯანმრთელდება. მაგრამ მძიმე ფორმები შეიძლება ფატალური შედეგით დასრულდეს. დაავადების პირველი სიმპტომების გამოვლენისთანავე სამედიცინო დახმარების მიღება აჩქარებს დიაგნოსტიკას და აუმჯობესებს პროგნოზს.

პანკრეატიტით ხშირად იტანჯებიან მამაკაცები, მაგრამ ავადდებიან ქალებიც. პაციენტების საშუალო ასაკი დამოკიდებულია დაავადების მიზეზებზე და ფართო სპექტრში 30-დან 70 წლამდე მერყეობს.

ნაწლავის (გასტროინტესტინალური ტრაქტის) მწვავე დაავადებებს შორის პანკრეატიტი იკავებს მესამე ადგილს — ის ყველა სასწრაფო ქირურგიული შემთხვევების 12–13%-ს შეადგენს.

მკურნალობა

მსუბუქი ფორმის დროს, მკურნალობა სტაციონარში, ქირურგიულ განყოფილებაში ტარდება. თუ გართულებები არ არის, რომლებიც ოპერაციულ  ჩარევას საჭიროებს, კონსერვატიულ მკურნალობას მოიცავს:

• შიმშილს;
• კუჭის შიგთავსის ამოღებას (ზონდის მეშვეობით);
• სიცივეს მუცლის არეში;
• ტკივილგამაყუჩებელებისა და სპაზმოლიტიკების მიღებას;
• დეტოქსიკაციურ თერაპიას (შიდა ვენურ ინფუზიას).

მწვავე პანკრეატიტის საშუალო სიმძიმის მკურნალობა ასევე ძირითადად კონსერვატიულია, მაგრამ ტარდება რეანიმაციის განყოფილებაში. იგი მოიცავს ყველა იმ ღონისძიებას, რომლებიც გამოიყენება დაავადების მსუბუქი ფორმის თერაპიაში. დამატებით გამოიყენება:

• სისხლის გამათხელებელი პრეპარატები;
• საშუალებები, რომლებიც კუჭქვეშა ჯირკვლის სეკრეციას აქვეითებს;
• ანტიოქსიდანტები და ანტიჰიპოქსანტები;
• მასიური ინფუზიური დეტოქსიკაცია.

  

კუჭქვეშა ჯირკვალში ან მის გარშემო არსებულ ორგანოებში ტოქსიკური ნივთიერებებით სავსე სითხის დაგროვების შემთხვევაში, შესაძლოა საჭირო გახდეს ლაპაროსკოპია, პათოლოგიური ფოკუსის სანაციის (გამორეცხვისა და დეზინფექციის) მიზნით.

კუჭქვეშა ჯირკვლის მძიმე ანთება მოითხოვს ინტენსიურ თერაპიას სპეციალიზებულ სტაციონარში. ზემოთ აღნიშნულ სამკურნალო ღონისძიებებს ემატება სპეციალიზებული თერაპია:

• ჰემოსორბცია, პლაზმაფერეზი;
• ინფუზიური თერაპია ცირკულირებადი სისხლის მოცულობის შესასწორებლად;
• დეზაგრეგანტები.

თუ ნაღვლის სადინრებში, პანკრეონეკროზის ორბიტებში, აბსცესებსა ან კისტებში, კუჭქვეშა ჯირკვალში ან მის გარშემო ორგანოებში სითხე გროვდება, პაციენტს უტარდება ქირურგიული ჩარევა, რომლის მოცულობა დამოკიდებულია გართულების სახეზე:

• ნეკრექტომია;
• კუჭქვეშა ჯირკვლის ნაწილობრივი რეზექცია (ამოკვეთა);
• ღრუს დრენირება ენდოსკოპის დახმარებით;
• კისტის მარსუპიალიზაცია;
• სამკურნალო-დიაგნოსტიკური ლაპაროსკოპია.

რეაბილიტაცია

პაციენტებს, ვინც მწვავე პანკრეატიტი გადაიტანა, უნდა დაენიშნოთ მკაცრი დიეტა: აკრძალულია ალკოჰოლის, ცხიმიანი, შემწვარი და მჟავე საკვების მიღება — როგორც სისტემატურად, ასევე ერთჯერადად, დიდი რაოდენობით. აკრძალულია სუფრასთან მრავალფეროვანი კერძებისა და სასმელების მირთმევა, ჭარბი კვება.

ოპერაციის შემდეგ რეაბილიტაცია დამოკიდებულია ჩარევის სახეზე და დიეტის გარდა შეიძლება მოიცავდეს:

• ფიზიკური აქტივობის შეზღუდვას;
• მხარდამჭერ მკურნალობას;
• ფიზიოთერაპიას;
• სანატორიულ-კურორტულ მკურნალობას.

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია:  მარტვილის მუნიციპალიტეტი, სოფელი ტალერი (საკუთარი სახლი).

ყოველ ჯერზე, როდესაც ვინმეს დახმარება შეგიძლიათ, უბრალოდ დაეხმარეთ და გაიხარეთ, რომ ღმერთი თქვენი მეშვეობით პასუხობს ვიღაცის ლოცვებს!

მეგობრებო, კიდევ ერთი თხოვნა გვაქვს: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გულისხმიერება გამოიჩინოთ და მოგვწეროთ ამის შესახებ ელექტრონულ მისამართზე: [email protected]

ჩვენი ფონდის ანგარიში:

(დანიშნულება: ჯიჯელავების ოჯახი).

თანხის ჩარიცხვა შესაძლებელია ჩვენი ვებ–გვერდის მეშვეობით: „საქართველოს ბანკი“ (bogpay.ge), „TBC ბანკი“ (tbcpay.ge), „ლიბერთი ბანკი“ (PayGe), PayPal (paypal.me).

თანხის ჩარიცხვა ასევე შესაძლებელია ტერმინალებიდან: ExpressPay, TBCpay. ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.