ღმერთო, შენ ხომ, ყველაფერი შეგიძლია! დედიკო ამბობს, რომ შენ ბავშვები ძალიან გიყვარს! მეც პატარა ვარ! გთხოვ, შემომხედე! გააკეთე ისე, რომ ჩემს ძამიკოსთან ერთად სირბილი შევძლო! ცოტა ხანს მაინც! ძალიან, ძალიან გთხოვ!!!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებსაც მონაწილეობა მიიღონ ღვთისნიერ საქმეში!

„დეიდა, ძალიან დავიღალე მუცელზე და მუხლებზე ხოხვით, - წუწუნებს ალექსანდრე. - სულ გადატყავებული და სისხლიანი მაქვს მუხლები. მუხლებზე მეტად კი, გული მტკივა! ძალიან მტკივა გული! მართლა! დედიკო ამბობს, რომ თურქეთში დამეხმარებიან. მაგრამ, ჩვენ ღარიბები ვართ! ფულის გარეშე კი, არავინ მიმკურნალებს! იქნებ, თქვენ დაითანხმოთ?“

„ლუკაც დადის, გაბრიელიც, ბარბარეც... ყველა ბავშვი დადის ჩემს გარდა. რატომ? რატომ?!“ - მეკითხება 6 წლის ალექსანდრე! უცებ, თითქოს, ვერც მამჩნევდა, ბიჭუნამ მთელი გულით მიმართა უფალს: „ღმერთო, შენ ხომ, ყველაფერი შეგიძლია! დედა ასე ამბობს... და კიდევ იმას ამბობს, რომ შენ ბავშვები გიყვარს! მეც ხომ, ჯერ პატარა ვარ! შემომხედე! დამეხმარე, ჩემს ძამიკოსთან ერთად მეც რომ ვირბინო! ცოტა ხანს მაინც დამეხმარე, ძალიან გთხოვ!“ - სულს და გულს აქსოვს ამ სიტყვებში ბავშვი. იმხელა ემოცია ისმის მის ხმაში! ყველაზე გასაოცარი კი ის არის, რომ ეჭვის ნატამალიც კი არ ჩანს! არასდროს მინახავს, ბავშვი ასე გულწრფელად რომ ლოცულობდეს! ალბათ, ნაადრევად იზრდებიან ბავშვებიც ამხელა ტკივილის გამო... რა სამწუხაროა... როდესაც ბავშვს წართმეული აქვს ბავშვობა! „იცი, ჩემი დედიკოც მთელი დღე ლოცულობს და მამა გაბრიელის ზეთს მაცხებს. მეუბნება, რომ ის პატარა ბავშვებზე ზრუნავს!“ - მიხსნის ალექსანდრე.

ერთი წამით მაინც წარმოიდგინეთ, როგორ სტკივა პატარა გული, როდესაც უყურებს, როგორ დარბიან და თამაშობენ სხვა ბავშვები. მას კი, ხოხვისგან გადატყავებული აქვს მუხლები და კეთილ სახეზე სიმწრის ცრემლები ჩამოსდის.
სიარული რომ შეძლოს, ალექსანდრეს სჭირდება მყესების ოპერაცია, რომელიც კეთდება საზღვარგარეთ. 100-პროცენტიან შედეგს იძლევა, მაგრამ საქართველოში ვერავინ აკეთებს! ექიმები ჰკიდებენ ხელს, ჯანდაცვის სამინისტროსგან თანხა რომ მიიღონ, მაგრამ ბავშვს უბრალოდ ტყუილად აწვალებენ! აუცილებლად არის თურქეთში წასაყვანი! ამ ოჯახს კი, ძალიან უჭირს...

„დავიღალე მუხლებზე ხოხვით. ჩემი დედიკო ოპერაციისთვის ფულს როდის შეაგროვებს?“

„ჩემს დაიკოს ძალიან ვეცოდები და ჩემზე ზრუნავს. მეც მინდა, მასზე ზრუნვა შემეძლოს“

ალექსანდრე (6 წლის): როდესაც დედამ ექიმთან წამიყვანა, მერე კი სახლში დავბრუნდით, ყური მოვკარი, მამას რომ ეუბნებოდა: „ექიმმა თქვა, რომ ოპერაციის მერე მაშინვე შეძლებს სიარულს. მაგრამ რა ვქნათ, ოპერაციის ფული რომ არ გვაქვს?" - გეფიცებით, დედამ მამას ზუსტად ეს სიტყვები უთხრა. ეგონათ, რომ მე მეძინა. დედა სულ ტირის და ამიტომ, მეც არაფერს ვეკითხები. ვგრძნობ, რომ ჩემს გამო ტირის, ფული რომ არ აქვს და ვერ მიკეთებს ოპერაციას. დიდი რომ გავიზრდები, ექიმი გამოვალ და უფასოდ გავუკეთებ ოპერაციას ყველა იმ ბავშვს, ვისაც ფული ჩემსავით არ აქვს. არ მინდა, რომ სხვა ბავშვიც ჩემსავით იტანჯებოდეს. დედას ვკითხე, ჩემი ოპერაციისთვის რამდენი ფულია საჭირო? ცრემლები წამოუვიდა და არაფერი მიპასუხა. უბრალოდ ჩამეხუტა.

„ფეხზე დადგომას ვცდილობ, მაგრამ არაფერი გამომდის. გუშინ რომ ვცდილობდი, წავიქეცი და მაგიდას დავარტყი თავი. მეტკინა! მაგრამ ტკივილის მოთმენა ვისწავლე!“

ღმერთო, გეხვეწები, დაეხმარე ჩემს დედიკოს, ოპერაციის ფული რომ ჰქონდეს. ოპერაციის მერე, სიარულს შევძლებ და უბედნიერესი ვიქნები.

მეგობრებო, ახლა მხოლოდ ჩვენზეა დამოკიდებული, პატარა ალექსანდრე სიარულს შეძლებს, თუ არა. 1 ლარიც კი, ძალიან მნიშვნელოვანია. იქნებ, ამ თვეში, ერთი მაისურით ნაკლები შევიძინოთ. ტანსაცმელი ხომ, გაცვდება და უკვალოდ გაქრება. სიკეთე კი, ერთადერთი რამ არის, რომელიც უკვალოდ არასდროს ქრება. ერთად დავეხმაროთ პატარა ალექსანდრეს, სხვა ბავშვებივით რომ შეძლოს ცხოვრება. 

თუ გსურთ, მოინახულოთ და ამ უკეთილშობილეს ბავშვს დახმარება პირადად გაუწიოთ, მისი მისამართია: კასპის რაიონი, სოფელი აღაიანი. 

არ დაგავიწყდეთ ამ პოსტის გაზიარება, რათა მისი გასაჭირის შესახებ შეიტყონ თქვენმა მეგობრებმაც! ეს ძალიან მნიშვნელოვანია!

ჩვენი ფონდის ანგარიში:

საქართველოს ბანკი GE64BG0000000470458000

თი ბი სი ბანკი GE15TB7194336080100003

ლიბერთი ბანკი GE42LB0115113036665000 

(დანიშნულება: ალექსანდრე მახათაძე)

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.