ბავშვი, რომელიც 500 გრამი დაიბადა, სიკვდილს სასწაულებრივად გადაურჩა, გაიზარდა და სიმპათიური ბიჭი დადგა. თუმცა 6 წლის დავითისთვის ახლა გადაწყდება, ფეხზე გაივლის თუ მთელი ცხოვრება ეტლს იქნება მიჯაჭვული. ღვთისნიერო ადამიანებო, დრო მხოლოდ 13 მარტამდე გვაქვს. ბავშვის მომავალი თქვენს ხელშია. არ გასწიროთ თქვენს იმედად მყოფი პატარა ანგელოზი.

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

დავითმა დედის მუცელში მხოლოდ 5 თვე დაჰყო… როდესაც ბავშვი დაიბადა, მისი წონა მხოლოდ 500 გრამს შეადგენდა. ექიმები გადარჩენის იმედს არ აძლევდნენ საბრალო დედას.

უფალმა ნამდვილი სასწაული მოახდინა და ბიჭუნას ამქვეყნად სიცოცხლე შეუნარჩუნა

გადიოდა კვირები, თვეები, წლები, ბიჭუნა იზრდებოდა და მისი გამომეტყველება სულ უფრო მეტად სათნო ხდებოდა. საკმარისი იყო, ერთხელ შეგეხედათ ბავშვისთვის და მაშინვე მიხვდებოდით, რომ მის გადარჩენაში უფლის და დედა ღვთისმშობლის ხელი ერია. თუმცა ნაადრევად დაბადებამ თავისი შედეგი მაინც გამოიღო და ბიჭუნას სიარული არ შეეძლო. ორივე ფეხზე მყესები ისე ჰქონდა დაჭიმული, რომ მუხლში გაშლაც კი არ შეეძლო. 

საბრალო ბავშვი 6 წლის განმავლობაში მხოლოდ იატაკზე დახოხავდა და გაუსაძლისი ტკივილებით იტანჯებოდა

ცოტა ხნის წინ, აჭარის ჯანდაცვის სამინისტრომ სრულიად დააფინანსა  ბავშვის ძვირადღირებული ოპერაცია. ბიჭუნა სამშობლოში რამდენიმე დღის წინ დაბრუნდა, მაგრამ ახლა რეაბილიტაცია ესაჭიროება.

ია (ბავშვის დედა): „ძალიან მადლიერი ვარ აჭარის ჯანდაცვის სამინისტროსი. როგორც კი შეიტყვეს ჩემი შვილის მდგომარეობა, მაშინვე დააფინანსეს ოპერაცია. მაგრამ ბავშვს ხანგრძლივი რეაბილიტაცია სჭირდება. მე კი არ მაქვს ამის საშუალება. დავითის გარდა კიდევ ორი მცირეწლოვანი შვილი მყავს. ქობულეთის რაიონის სოფელ აჭყვისთავში ვცხოვრობთ, ფაქტობრივად, მთის ფერდობზე. ახლა ისეთი თოვლია, რომ სასწრაფო დახმარების მანქანის გამოძახება რომ დამჭირდეს ჩემი შვილისთვის, აქ ვერ ამოვა და  ცალკე ეს მზაფრავს.“

ია (ბავშვის დედა): ამას ემატება დიდი დარდი იმაზეც, რომ 13 მარტს როგორ წავიყვანო საზღვარგარეთ ჩემი საბრალო ბიჭუნა, როდესაც ელემენტარულად ექიმის კონსულტაციის თანხაც კი არ მაქვს. გული მიკვდება… ჩემი ბიჭუნა უიღბლო ვარსკვლავზე დაიბადა, თუმცა „500-გრამიანმა ბავშვმა“ იმდენი იბრძოლა სიცოცხლისთვის, რომ გადარჩა, ახლა კი უფულობის გამო ჩემი შვილის მომავალი სასწორზე დევს. მხოლოდ კეთილი ადამიანების იმედი მაქვს. მჯერა, ისინი არ გაგვწირავენ“.

აი, ეს ორტეზები დამზადდა ბავშვისთვის, რომ ოპერაციის შემდგომ ეტარებინა.

პატარა დავითი ჯერ კიდევ არ გამოსულა ოპერაციის შემდგომი ნერვული აშლილობისა და სტრესისგან. საბრალო ბავშვმა არ იცის, რომ სწორედ ახლა წყდება მისი ბედი – მთელი ცხოვრება ეტლს იქნება მიჯაჭვული თუ ფეხზე გავლას შეძლებს. 

ფონდის ერთგულო მეგობრებო, საქმე იმაშია, რომ ბავშვი 13 მარტს აუცილებლად ისევ საზღვარგარეთის კლინიკაშია წასაყვანი, სხვა შემთხვევაში შეიძლება არა მარტო ოპერაცია ჩაიყაროს წყალში, არამედ ბიჭუნას მდგომარეობა შეიძლება იმაზე მეტად დამძიმდეს, ვიდრე ეს ოპერაციამდე იყო. რა ქნას საბრალო დედამ? როგორ მოაგროვოს საზღვარგარეთ წასასვლელად თვითმფრინავის ფული, შემდეგ კი ძვირადღირებული გამოკვლევების, კონსულტაციების, მკურნალობის, რეაბილიტაციის და კიდევ უამრავი სამედიცინო პროცედურის სამყოფი ფული, რაც ჯამურად დიდ თანხას აღწევს. ეს ერთი მთლიანი ჯაჭვია და საკმარისია, რომელიმე მათგანი გამოტოვოს ბავშვმა ან დაგვიანებით გაუკეთდეს და იქ დამთავრდება მისი ფეხზე დადგომის იმედი.

კეთილო ადამიანებო, არ უნდა დავუშვათ, რომ ამ პატარა ანგელოზის ცხოვრება ისევე ტრაგიკულად წარიმართოს, როგორც მისი საბრალო მამის. ღმერთმა დაიფაროს ყველა ბავშვი განსაცდელისგან.

სამწუხაროდ, დავითის მამამ 3 წლის წინ ნაადრევად დატოვა წუთისოფელი. ერთ ავბედით დღეს, მოულოდნელად ხე წაიქცა და მის მანქანას დაეცა, სადაც ის იჯდა. მერე კი… მერე კი… მერე საშინელება მოხდა… სამი პატარა ბავშვით მარტო დარჩა საბრალო ქალი, თუმცა გმირულად გაუძლო ყველანაირ განსაცდელს და ისე მფარველობდა შვილებს, როგორც ძუ ლომი იცავს თავის ნაშიერთ. ახლა კი საბრალო დედას უკანასკნელი ძალებიც გამოელია… 

ქართველებო, ჩვენ ხომ ყველაზე კარგად გამოგვდის ერთმანეთის გვერდში დგომა ყველაზე კრიტიკულ სიტუაციაში. მართალია, პატარა ქვეყანა ვართ, მაგრამ სამაგიეროდ, ჩვენი გულებია დიდი. მოდით, ამჯერადაც ერთ მუშტად შევიკრათ და პატარა დავითისთვის ვიბრძოლოთ. მით უფრო, რომ უცხოელი ექიმები იმედს იძლევიან, საჭირო მკურნალობის შემთხვევაში ბავშვი ფეხზე გაივლის. არ მივატოვოთ ობოლი ბიჭუნა და საბრალო ქვრივი ქალი ბედის ანაბარად უცხო ქვეყნის მიწაზე. გახსოვდეთ, დრო მხოლოდ 13 მარტამდეა! გახსოვდეთ, რომ თქვენ მიერ გაღებული თუნდაც 1 ლარით, ანგელოზი ბიჭუნას მომავალი წყდება. 

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია: ქობულეთის მუნიციპალიტეტი, სოფელი აჭყვისთავი.

ჩვენი ფონდის ანგარიში:

 (დანიშნულება: რომანაძეების ოჯახი)

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

თანხის ჩარიცხვა ასევე შესაძლებელია ტერმინალებიდან: ExpressPay, TBCpay, PayBox (OPPA). ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება–მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!

კორ.: ნინი