„ჩემს ცოლად შერთვას აპირებდა. მე უკვე ქორწილისთვის ვემზადებოდი. მთელ მსოფლიოში ყველაზე ბედნიერი გოგო, ერთ დღესაც, ყველაზე უბედურ გოგოდ ვიქეცი. დიახ… როდესაც მე მისი საცოლე ვიყავი, ერთ დილას გავიგე, რომ ცოლად სხვა მოიყვანა. ღმერთმა განსაჯოს!“

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

ერთ დროს სიცოცხლით სავსე გოგონა, ახლა, უსინათლო მარტოხელა ქალია, რომელიც ისეთ პირობებში ცხოვრობს, რომ მიუსაფარ ძაღლსაც კი გაუძნელდება იქ ყოფნა. ამ საკითხს, ამავე სტატიაში, ოდნავ მოგვიანებით დავუბრუნდებით, ჩვენო ძვირფასო მკითხველო. მანამ კი, მსურს, რომ ნანას დრამატულ ცხოვრებაზე გიამბოთ.

მრავალი წლის წინ, ახალგაზრდობაში, მას ძლიერ შეუყვარდა ერთი ვაჟი. რომელიც ასევე მისი რეგიონიდან იყო, ისიც წესიერი, მშრომელი ახალგაზრდა. უკვე, ოჯახის შექმნაზე იყო საუბარი.

ნანა შალამბერიძე (54 წლის): მაშინ, ძალიან ახალგაზრდა და ლამაზი ვიყავი. ცხოვრებით ვტკბებოდი. სიყვარულისგან მეცხრე ცაზე დავფრინავდი. მე ის ისეთი სიყვარულით მიყვარდა, როგორიც რომანებშია. უკვე იმაზე ვფიქრობდი, ქორწილში რა უნდა ჩამეცვა. ბევრ შვილზე ვოცნებობდი. ისიც მეუბნებოდა, რომ ვუყვარდი. ერთად ვაწყობდით მომავლის გეგმებს.

და აი, ერთ დილით ვიგებ, რომ ცოლი მოიყვანა. ცა ჩამომემხო თავზე და მიწა გამომეცალა ფეხქვეშ….

დღეს კი, ნანა ამ სამყაროში, ყველაზე მარტოსული ქალია. მისი სიყვარული, ახალგაზრდობაში, იმდენად ძლიერი აღმოჩნდა, რომ ვეღარ შეძლო სხვის შეყვარება. ან იქნებ, ვინ იცის, განა ვერ შეძლო, არამედ პირველი სიყვარულის ერთგული დარჩა…

დიახ… პირველი სიყვარული… პირველი… რომელიც უკანასკნელად იქცა.

ამ საშინელი ღალატის შემდეგ, ნანა გარეთ აღარ გადიოდა, ადამიანების ნდობა დაკარგა. სიცოცხლით სავსე გოგონა ნელ–ნელა ჭკნებოდა ზუსტად ისე, როგორც ყვავილი, წყლისა და მზის სხივების გარეშე. ამ ყველაფერს ისიც დაემატა, რომ ნანას დედა, ავადმყოფობის გამო, ლოგინად ჩავარდა.

ნანა ერთადერთი შვილი იყო ოჯახში, ამიტომ ლოგინად ჩავარდნილ დედას, სრულიად მარტო უვლიდა ახალგაზრდა გოგონა. ათი წლის განმავლობაში გაგრძელდა ასე. დიახ… ადამიანის ცხოვრებაში, ახალგაზრდობის ყველაზე საუკეთესო ათი წელი, ნანამ მხოლოდ სახლის კედლებში გაატარა. გოგონა ვერ მიდიოდა ვერც ზღვაზე, ვერც მთაში, ვერც კინოში, თანატოლების დაბადების დღის წვეულებებსაც ვერ ესწრებოდა, რადგან ლოგინად ჩავარდნილ დედას, წყლის მიმწოდებელიც კი არავინ ჰყავდა ოჯახში, ნანას გარდა.

ცხოვრებამ, ფაქტობრივად, დაუნდობლად გათელა ნანა. სტრესის, დამცირებისა და ნერვიულობის შედეგად, ნანა დღითიდღე კარგავდა მხედველობას, მაგრამ უსახსრობის გამო, ექიმის მიერ გამოწერილი წამლების ყიდვა ვერ შეძლო. დღეს, ნანა ფაქტობრივად, უსინათლოა ორივე თვალით. მხოლოდ ლანდებს ხედავს.

გარდა ამისა, სტრესის ფონზე, მის ორგანიზმში დარღვევები დაიწყო, რამაც სხვადასხვა ორგანო „ჩაითრია“, შედეგად კი, საბრალო ქალმა წონაში მატება დაიწყო და დღეს, მას გადაადგილება უჭირს როგორც სიბრმავის, ასევე მძიმე წონის გამო.

სწორედ ეს ყვავილები, ნანამ ჯერ კიდევ ახალგაზრდობაში დარგო პირველად. მხედველობის დაკარგვის შემდეგ კი, ბუნებრივია, ვერც წყალს უსხამდა და ვერც სხვა პროცედურებს ატარებდა, რაც მცენარეებს სჭირდებათ. ამის მიუხედავად, ისინი მაინც ამოვიდნენ მიწიდან და მაინც აყვავილდნენ. პატრონს არ უღალატეს. დიახ… ყვავილები ბევრ ადამიანზე უფრო ერთგულნი არიან…

ზესტაფონის რაიონის ულამაზესი სოფელი ცხრაწყარო. სახლი, რომელშიც ნანა ცხოვრობს, მისი წინაპრების მიერ არის აშენებული, ვინ მოსთვლის, რამდენი საუკუნის წინ.

ერთ დროს, ამ ეზოში, ბავშვების ჟრიამული ისმოდა, უფროსები კი დღესასწაულებზე, დიდ სუფრებს შლიდნენ.

საღამოობით კი, კოცონთან, ცეკვა–სიმღერაში ეჯიბრებოდნენ ერთმანეთს.

მაშინ, ტელეფონები არ არსებობდა და ტელევიზორიც მხოლოდ შავ–თეთრ კადრებს აჩვენებდა. სოფლებში, ქალაქიდან ხუთ თვეში ერთხელ ჩამოსული ფოტოგრაფის მიერ ფირზე გადაღებული კადრებიც მხოლოდ შავ–თეთრი იყო… სამაგიეროდ, თავად ცხოვრება იყო ფერადი.

ეჰ… ერთ დროს დიდებული სახლისგან, ახლა, ესღა შემორჩა.

ეს მეორე სართულია. იატაკზე ფეხის დადგმა საკმარისია, რომ მთლიანად ჩაიმტვრეს.

ამიტომ, საბრალო ქალმა, ჯერ კიდევ წლების წინ, საკუჭნაო გადააკეთა საცხოვრებელ ოთახად.

შვიდი კვადრატული მეტრი ფართობი, ჩატეხილი ფანჯარა, დაჟანგებული საწოლი და მე-20 საუკუნიდან შემორჩენილი საათის წიკწიკი, რომელიც არღვევს სევდიან მდუმარებას.

უსინათლო ქალი, ძლივს ანთებს გაზის ქურას, ჩაი რომ მოიდუღოს. ვინ მოსთვლის, რამდენჯერ დაიწვა ხელი ცეცხლზე.

ფონდის ჟურნალისტი: დროის უკან დაბრუნება რომ შეგეძლოთ, რას შეცვლიდით თქვენს ცხოვრებაში?

ნანა შალამბერიძე: ჩემს სიყვარულს, ჩემს გულს არ მივცემდი იმ ადამიანს, რომელიც ამას არ იმსახურებდა. 

ფონდის ჟურნალისტი: ვერ შეძელით მისი პატიება?  

ამ კითხვას, „პასუხად“, დუმილი მოჰყვა. დუმილი… რომელიც ხმამაღლა ყვიროდა…

ნანა შალაბერიძე: „ისე დავტოვებ ამ სამყაროს, რომ ვერც დედა გავხდი და ვერც ბებია… რა იქნებოდა, ჩემთვისაც დაეძახათ ბავშვებს: „დედიკო“. რა იქნებოდა, სიბერეში, შვილიშვილები ჩამესვა კალთაში და ზღაპრები მომეყოლა. რა იქნებოდა, ისე დამეტოვა ეს სამყარო, რომ საფლავზე, ყვავილების მომტანი მყოლოდა ვინმე.“

ფონდის ჟურნალისტი: „ქალბატონო ნანა, დარწმუნებული ვარ, ის ადამიანიც წაიკითხავს ამ სტატიას. 30 წლის შემდეგ, პირველად, რას ეტყოდით მას?“

(პაუზა… დუმილი… უსინათლო თვალებში კი – ტკივილიანი ცრემლები…)

და ბოლოს, დიდი ძალისხმევის შედეგად, ჩურჩულით წარმოთქმული მხოლოდ ერთი სიტყვა – „გაპატიე“.

ფონდის მეგობრებო, მხოლოდ ეს ერთი სიტყვა – „გაპატიე“, ვფიქრობ, საკმარისია იმის მისახვედრად, როგორი დიდებული ადამიანია ნანა. დიახ… მხოლოდ ეს ერთი ჯადოსნური სიტყვა საკმარისია იმის მისახვედრად, რომ უდიდესი უსამართლობაა ამ ღვთისნიერი ქალის ცხოვრება ასეთ არაადამიანურ პირობებში. 

„გაპატიე“ – ამ დიდებული სიტყვის მერე, რა დავამატო მე, ფონდის ჟურნალისტმა ამ სტატიას? ახლა ხომ, ყველა სხვა სიტყვა გახუნდა.

დიახ… ახლა, სიტყვები საჭირო აღარ არ არის. ახლა, მთავარია ქმედება. ფონდში გვჯერა, რომ თითოეული ადამიანი, რომელიც ამ სტატიას წაიკითხავს, თავის წილ დახმარებას გაუწევს ამ გმირ ქალს.

შემოგვიერთდით, ერთად ავაშენოთ „სიყვარულის სამყარო“.

თუ გსურთ, მოინახულოთ ოჯახი და დახმარება პირადად გაუწიოთ, მათი მისამართია: ზესტაფონის მუნიციპალიტეტი, სოფელი ცხრაწყარო.

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

ბიბლია 

„ვინც ღარიბს კეთილად ეპყრობა, უფალს სესხს აძლევს და ის გადაუხდის მას მისი სიკეთისთვის“ (იგავები 19:17). 

მეგობარო, როგორც კი სხვა ადამიანისა და მისი ტკივილის წინაშე პასუხისმგებლობას იგრძნობ — სწორედ იმ მომენტში სრულიად სხვა — ღვთისთვის ახლობელი ადამიანი გახდები! 

ჩვენ ყოველთვის კონტაქტზე ვართ! 

თუ იცნობთ ვინმეს, ვინც ძალიან მძიმე მდგომარეობაში იმყოფება — ღარიბი ან სნეულია, აუცილებლად შეგვატყობინეთ ამის შესახებ! 

შეავსეთ ფორმა ვებგვერდზე — ბმული, დაგვირეკეთ ნომერზე +995322193321 ან მოგვწერეთ ელექტრონულ ფოსტაზე [email protected] 

უფალი უდავოდ გადაგიხდით მადლობას ამ საქციელისთვის! ჩვენი დახმარება ხომ აბსოლუტურად რეალურია და ძალზედ ახლოა ნებისმიერი დატანჯული ადამიანისთვის! 

წაიკითხეთ ჩვენი ახალი ამბები ექიმებისა და დაავადებების შესახებ. შეიძლება ამან სიკვდილისგანაც კი გიხსნათ. ჩვენ ყველაფერს ვაკეთებთ იმისთვის, რომ უბედურება არ შეეხოს თქვენს ოჯახებს! 

ჩვენი ფონდის ანგარიში:

(დანიშნულება: შალამბერიძეების ოჯახი).

თანხის გადარიცხვა შეიძლება ჩვენი ვებგვერდიდანაც: «საქართველოს ბანკი» (bogpay.ge), «თიბისი ბანკი» (tbcpay.ge), «ლიბერთი ბანკი» (PayGe), PayPal (paypal.me).

თანხის გადარიცხვა შეიძლება ტერმინალებიდანაც ExpressPay, TBCpay. განყოფილებაში «ქველმოქმედება» იპოვეთ ჩვენი ფონდი (დამატებით უფლებებსა და მოვალეობებსშეგიძლიათ გაეცნოთ ბმულზე https://goo.gl/GYGus).

თქვენ შეგიძლიათ ვინმეს სიცოცხლე გადაარჩინოთ და ღმერთს დაუახლოვდეთ! გაგზავნეთ შეტყობინება ნომერზე 97100.

სპეციალურ ნომერზე: 0901200270 განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია! დალოცვილები ყოფილიყავით!

კორ.: ნინი