სწორედ ეს სიტყვები მითხრა 15 წლის სანდრომ, რომელიც მალე(8 ივნისს), თავის დაბადების დღეს აღნიშნავს. ამჯერად, ყველაზე სანატრელი საჩუქრით, პერსონალური კომპიუტერით! ვიღაცისთვის ეს, შესაძლოა, სრულიად ჩვეულებრივი ნივთიც იყოს, მაგრამ სანდრო, მან ნამდვილად გააბედნიერა. სევდიანი თვალები სიხარულით გაუბრწყინდა, მის მოწყენილ სახეზე კი ღიმილმა გამოანათა! ეს სწორედ თქვენი, ჩვენი მკითხველების, დამსახურებაა! თქვენ სანდროს აჩუქეთ, ალბათ პირველი მის ცხოვრებაში, მისთვის მნიშვნელოვანი და ძვირფასი ნივთის მფლობელობის ბედნიერება!

ჯერ კიდევ გუშინ, ბიჭი მეზობელთან დარბოდა, ონლაინ გაკვეთილების მოსასმენად, ან უბრალოდ, კომპიუტერული თამაშით გასართობად. მის საბრალო, მარტოხელა დედას, საიდან ექნებოდა ისეთი ფუფუნების საგნის შეძენის შესაძლებლობა, როგორიც ნოუთბუქია! რომელ გადჯეტზე შეიძლებოდა საუბარი, როცა ექვსი თვის ნენესთვის ხელოვნურ კვებასაც კი ვერ ყიდულობდნენ!

ოჯახს თავი ძლივს გაჰქონდა, ბავშვები შიმშილობდნენ, და ამგვარ მდგომარეობას უკვე მიჩვეულებიც იყვნენ. დაკარგა რა, ყოველგვარი იმედი იმისა, რომ ვინმე დაეხმარებოდა, ამ სამი მშვენიერი ბავშვის სასოწარკვეთილმა დედამ, ანამ, მიმართა ჩვენს ფონდს. თუმცა ის აღიარებს, რომ არ ელოდა, საერთოდ ვინმე თუ გამოეხმაურებოდა... ქალს უკვე აღარც ეჯერა, რომ ასეთი რამ შესაძლებელი იყო.

მაგრამ ჩერნოვეცკის ფონდის ვებგვერდზე პოსტის გამოქვეყნების შემდეგ, ყველაფერი შეიცვალა!  ჩვენი კეთილი მკითხველების, თქვენი დამსახურებით! - ბავშებმა ნორმალურად კვება დაიწყეს, სანდრომ საჩუქრად კომპიუტერი მიიღო, რომელსაც ასე ძალიან ნატრობდა, ნინო კი, ახალ თოჯინებს აღარ შორდება.

        - გვიამბეთ, როგორ შეიცვალა თქვენი ცხოვრება მას შემდეგ, რაც თქვენს შესახებ სტატია გამოვაქვეყნეთ? 

        ანა: ჩვენი ცხოვრება სასწაულებრივად შეიცვალა. თქვენ ვერ წარმოიდგენთ, თქვენი რამდენად მადლობელი ვარ. თქვენმა ფონდმა ჩვენთვის ძალიან ბევრი გააკეთა, და ამას ვერასდროს დავივიწყებ! ჩემი შვილები, ბოლოს და ბოლოს, აღარ შიმშილობენ, სანდროს კი კომპიუტერი აჩუქეს, რომელზეც ასე ძალიან ოცნებობდა! სანდრო სიხარულით ცას ეწია, ვეღარანაირად ვერ ვაშორებ კომპიუტერს. სულ რაღაცას აკეთებს. ძალიან კმაყოფილია და ეზოში, ყველას უყვება, რამხელა საჩუქარი გაუკეთეთ.

    ჩემი შვილები ბედნიერები არიან, დედას კი სხვა რა ენდომება, თუ არა მათი ბედნიერი სახეების დანახვა. ადრე, რომ ვუყურებდი, ტირილი მინდოდა - მათ თვალებში, მუდამ მხოლოდ შიმშილსა და შიშს ვხედავდი... მერწმუნეთ, დედისთვის ეს ყველაზე საშინელი გრძნობაა!.. ხედავდე, რომ შენს შვილებს შიათ, და არ იცოდე, რა გზას მიმართო... მაგრამ თქვენი დახმარებით, ჩვენ ამ ყველაფერს გავუმკლავდით!

          - ბევრი ახალი მეგობარი შეიძინეთ? ფონდის გარდა, ვინ დაგეხმარათ, მათი სახელები ხომ არ გახსოვთ?

       ანა: უამრავი. კერძოდ თქვენი ფონდიდან. სიმართლე რომ გითხრათ, არ მახსოვს მათი გვარები, მაგრამ ისინიც ჟურნალისტები არიან. ნინო, არაჩვეულებრივი გოგონა, მოდიოდა, გვეხმარებოდა, ბავშვებისთვის ტკბილეული მოჰქონდა. კიდევ დავითი, ძალიან კარგი ბიჭი, ყველაფერს აკეთებდა იმისთვის, რომ დაგვხმარებოდნენ. საერთოდ, ძალიან, ძალიან ბევრი ახალი მეგობარი შევიძინე, გულისხმიერი ადამიანები, რომლებიც მოდიოდნენ და გვეხმარებოდნენ.

        განსაკუთრებით ორი ახალგაზრდა გოგონა დამამახსოვრდა, ერთს თეონა ერქვა, მეორეს არ უთქვამს თავის სახელი, ბევრი პროდუქტი მოგვიტანეს, სათამაშოები ბავშვებს, ფულიც კი დაგვიტოვეს.

       კიდევ ერთი ქალბატონი იყო, რომელმაც უბრალოდ დამირეკა, მითხრა, რომ რაღაც მომიტანა, და გარეთ გამოსვლა მთხოვა. როცა გამოვედი, კარებთან ზღვა პროდუქტი დამხვდა! ზეთი, ბურღულეული, პური, ბავშვებისთვის სტკბილეული,  ჰიგიენის საშუალებები, უამრავი რამ მოგვიტანა.

       ეს ყველაფერი, ისიც, რომ უცხო ადამიანები მოვიდნენ ჩვენს დასახმარებლად, თქვენი დამსახურებაა. სწორედ თქვენ უამბეთ ყველას, ჩვენი ტრაგედიის შესახებ.

      - ანა, სტატიის გამოქვეყნების შემდეგ, ხელისუფლება დაინტერესდა თქვენი ოჯახის მდგომარეობით? დაგეხმარათ ვინმე?

      ანა: ხელისუფლება? საყვარელო, განა ეს ხელისუფლებაა? ხანდახან ისეთი შთაბეჭდილება მრჩება, რომ სიღარიბის გამო, მე და ჩემს ოჯახს ადამიანებად საერთოდ არ გვთვლიან. იმის მაგივრად, რომ რამე მოეცათ, პირიქით, წაგვართვეს... მაგალითად მრავალშვილიანობის დახმარება, იმის გამო რომ 76 000 ქულა მაქვს, არადა 70 000 - ზე  მეტი არ უნდა მქონდეს. ამჟამად ჩვენი ოთხსულიანი ოჯახის მთელი შემოსავალი, 150 ლარს შეადგენს.

       თქვენ რომ არა, დიდი ხანია შიმშილით დავიხოცებოდით. კიდევ ერთხელ გეტყვით, ჩემს მადლიერების გრძნობას სიტყვებით ვერ გამოვხატავ! თქვენ სიკვდილს გადაგვარჩინეთ, და ამას აკეთებთ ყოველდღიურად. იმიტომ, რომ სახელმწიფოს ჩვენ არ ვჭირდებით...

        აი, მაგალითად გუშინ, გაზის კომპანიის თანამშრომლები მოვიდნენ და ბუნებრივი აირი ჩაგვიჭრეს, 600-ლარიანი დავალიანების გამო. ვემუდარებოდი, ვეუბნებოდი, რომ ნელ-ნელა გადავიხდიდი, მაგრამ მათ ხომ ადამიანობა არ გააჩნიათ. არ ვიცი, ბავშვებს ზამთარში რა ეშველებათ, ნენე და ნინო ხომ ჯერ ძალიან პატარები არიან. წყლის გაცხელების საშუალება ახლაც არა მაქვს . გული მტკივა, რომ ადრე, როდესაც მუშაობა შემეძლო, საჭირო ვიყავი ჩემი ქვეყნისთვის, ახლა კი აღარაფერს წარმოვადგენ!

     - გვითხარით, კიდევ რა გჭირდებათ. ჩვენი მკითხველები გულისხმიერი ადამიანები არიან, ხომ იცით, შეეცდებიან, რომ დაგეხმარონ.

       ანა: ძალიან ბევრი რამ მჭირდება, მაგრამ თქვენ უკვე ძალიან დაგვეხმარეთ, და უზომოდ მადლობელი ვარ ამისთვის! უხერხულია კიდევ რამე რომ გთხოვოთ, ისედაც უკვე ამდენი გააკეთეთ ჩვენთვის.  მადლობელი ვიქნები, მთელი ცხოვრების მანძილზე და დაუღალავად ვილოცებ თქვენთვის! დედაჩემიც ყოველდღე აღნიშნავს, როგორი კარგი ადამიანები ხართ.

       - პირადად თქვენთვის, რას ნიშნავს ეს მხარდაჭერა ადამიანების მხრიდან?

       ანა: სიმართლე გითხრათ, უკვე აღარც მჯეროდა, რომ ჯერ კიდევ არსებობენ ისეთი ადამიანები, ვისაც სხვის გასაჭირი ისევე ახლოს მიაქვს გულთან, როგორც საკუთარი. საქმე იმაშია, რომ ადრეც ძალიან ბევრ სხვადასხვა ორგანიზაციას მივმართე, მაგრამ არანაირი დახმარება არ მიმიღია. რეკავდნენ, კითხვარებს ავსებდნენ, მაგრამ დახმარებას ამაოდ ველოდით. უბრალოდ თავს გვაჩვენებდნენ, რომ გვეხმარებიან, გვატყუებდნენ. მე კი ველოდებოდი. როდესაც მოგწერეთ, მაშინაც არაფრის იმედი არ მქონდა. მაგრამ თქვენ, სრულიად საპირისპირო დაგვიმტკიცეთ. თქვენს გარდა, არავინ დაგვხმარებია... თქვენი დამსახურებით,  ისევ ადამიანების სიკეთის რწმენა დამიბრუნდა.

    - სწორედ ეს სიტყვებია, ჩვენთვის იმის მოტივაცია, რომ კვლავ დავეხმაროთ ადამიანებს. ანა, ბავშვებს რა მოეწონათ საჩუქრებიდან ყველაზე მეტად?

       ანა: სანდროსთვის, ეს უდიდესი დღესასწაულია! თქვენ ვერ წარმოიდგენთ, როგორ გაუხარდა, როდესაც კომპიუტერი მოუტანეთ. თანაც, ეს ზუსტად მის დაბადების დღეს რომ დაემთხვა! დიდი ხანია, ჩემი შვილი, ასეთი ბედნიერი არ მინახავს! ჩვენმა მდგომარეობამ, ძალიან იმოქმედა მასზე, უცებ გაიზარდა და დასერიოზულდა. მაგრამ ახლა, მე მის თვალებში სწორედ იმ წმინდა, ბავშვურ სიხარულს  ვხედავ, და სულ ვევედრები უფალს, რაც შეიძლება დიდხანს აცოცხლოს და გააძლიეროს ისეთი ადამიანები, როგორიც ხართ თქვენ და თქვენი ფონდის მეგობრები!

       და ნინო? უბრალოდ გიჟდება თავის ახალ თოჯინებზე, სულ თამაშობს. მაშინაც კი, როდესაც საჭმელად ვსხდებით, თოჯინები თან მოაქვს, მათთან ერთად იძინებს და მთელი ღამე არ უშვებს ხელიდან.

      - ნინო, დედიკომ გვითხრა, რომ ახალი თოჯინები გაჩუქეს, ბედნიერი ხარ?

        ნინო(3 წლის): კიიიიი! ძალიან მიხარია და ძალიან მიყვარს ჩემი ახალი მეგობრები! ისეთი ლამაზები და რბილები არიან! ვაჭმევ კიდევაც და კაბებსაც ვურეცხავ წყალში. ნენესაც ისინი ძალიან მოსწონს.

       სანდრო(15 წლის): უმაგრესია, ძალიან დიდი მადლობა! ახლა შემიძლია ონლაინ გაკვეთილებზე დასწრება, თორემ სულ მეზობელთან მიწევდა სირბილი. მით უმეტეს, რომ ახლა, სასწავლო წელი დასასრულს უახლოვდება და საკონტროლოები და ტესტირებები გვაქვს. ამისთვის კომპიუტერი ძალიან მჭირდებოდა. მეცადინეობის გარდა, ვთამაშობ კიდევაც, ჩემს დაიკოებს მულტფილმებს ვაყურებინებ. თავს მანამდე არ მანებებენ, სანამ არ ჩავურთავ.

       - სანდრო, გვითხარი, თავს ბედნიერად გრძნობ? 

       სანდრო(15 წლის): რა თქმა უნდა! ჩემი ყველაზე დიდი ოცნება იყო, ჩემი, პირადი კომპიუტერი მქონოდა. ვიცოდი, ჩემს მშობლებს არ ჰქონდათ იმის საშუალება, რომ ეყიდათ. რა კომპიუტერის, ნენეს კვებისთვისაც კი არ გვქონდა ფული. 8 ივნისს ჩემი დაბადების დღეა, და სიმართლე გითხრათ, თქვენ მე ყველაზე ბედნიერი დაბადების დღე მაჩუქეთ! ოცნება ამიხდინეთ!

----

      და თუ კი გიმძიმთ საყოფაცხოვრებო სირთულეებისა და გადაუჭრელი საკითხების გამო, - რამდენიმე წამით, ყურადღება ჩვენს პოსტებზე გადაიტანეთ. 

        ან უმჯობესია, უბრალოდ  დაურეკოთ ნებისმიერ ჩვენს ბენეფიციარს, ყველა თქვენი პრობლემა დაგავიწყდებათ და უმნიშვნელოდ მოგეჩვენებათ, იმასთან შედარებით, ვისაც დაეხმარეთ მისთვის ცხოვრების ყველაზე მძიმე მომენტში. ამასთან შედარებით, ჩვენი პრობლემები არაფერია!.. სწორედ ესაა ნამდვილი გაჭირვება! ის თქვენს წინაშეა! უფალს მადლობა შესწირეთ იმისთვის, რაც გაგაჩნიათ! თქვენ მსოფლიოში უბედნიერესი ადამიანი ხართ! გახსოვდეთ ეს, და დაეხმარეთ გაჭირვებულებს. 

        ყოველთვის, როცა მორიგი გაჭირვებულის ნომერს აკრიფავთ, აუცილებლად დაგლოცავთ უფალი. თქვენ ამას იგრძნობთ! გთხოვთ, შემდგომშიც დაეხმაროთ ამ ოჯახებს, ესაა საუკეთესო ღვთისმსახურება!

         თქვენი სიკეთე -  შანსია, თქვენც ყველაფერში ბედნიერი რომ იყოთ! 

           მეგობრებო, კიდევ ერთხელ, დიდი მადლობა თითოეულ თქვენთაგანს!

   თანხა შეგიძლიათ ჩარიცხოთ: 

(დანიშნულება: სტაჟაძეების ოჯახი)

 ვებ-გვერდიდან: https://chernovetskyifund.ge/ge/projects/570-stajadze/

       სწრაფი ჩარიცხვის ტერმინალებიდან:  OPPA, TBCpay და ExpressPay.

       ფონდის დამატებითი ვალდებულებებსა და უფლებებს შეგიძლიათ გაეცნოთ ბმულზე: https://goo.gl/GY2Gus)

      ვიფიქროთ იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ ჩვენს სულზე და ვუახლოვდებით უფალს!