ადამინის ცხოვრება შეიძლება ერთ წამში ისე შეიცვალოს, რომ მისი გამოსწორება კი არა, პრობლემის დაძლევაც შეუძლებელი გახდეს. ხანდახან კი დგება ისეთი მომენტი, როდესაც მთელი ქვეყანა ფეხზე უნდა დადგეს, რომ რამე შეიცვალოს...
მაკა ტუღუში ოზურგეთის რაიონის სოფელ კონჭკათში დაიბადა. 33 წლის ასაკში მხედველობა დაკარგა და შრომის უუნარო გახდა. მისი ორი ყველაზე დიდი ოცნება – საკუთარი ოჯახის შექმნა და პედაგოგის კარიერა, რომლისკენაც მიილტვოდა მთელი სიცოცხლე, დასამარდა. ახლა მისთვის მთავარია, რომ სულით არ დაეცეს და განაგრძოს ბრძოლა სიცოცხლის თითოეული წამისთვის!
სისხლში შაქრის გადამეტებული რაოდენობის და ფილტვების უკმარისობის გამო, მაკა ოთხჯერ ხშირად კომაში ვარდება. მან მხედველობა დაკარგა, გადაიტანა ინსულტი, ხოლო შეძენილი С ჰეპატიტი ართულებს მის ისედაც რთულ მდგომარეობას.
მაკას არ შეუძლია საკუთარი ძალებით გადაადგილება, საშინელი ტკივილები არ ასვენებენ, უიმედობისგან და სოცოდაობისგან იტანჯება. კიდევ კარგი, რომ მის გვერდით არის მისი ძმა – ირაკლი, რომელიც უვლის საწოლს მიჯაჭვულ დას, ხოლო მისი მორალური მხარდაჭერა სიკვდილისგან იცავს მაკას.
თავად ირაკლი ტუღუშის ცხოვრების გზაც ძალზე ნაღვლიანია. როდესაც იგი ჩვენს ფონდში დახმარებისსათხოვნელად მოვიდა, ცრემლებს ვერ იკავებდა როდესაც თავის ისტორიას გვიყვებოდა.
კვირაში სამჯერ მაკა რაიონულ საავადმყოფოში გადასხმებზე დაჰყავს, რომელიც სოფლიდან 20 კილომეტრითაა დაშორებული. საშინელი გზები, ავტომანქანაში გამუდმებული ნჯღრევა ავადმყოფისთვის ძალზე სახიფათოა, ხოლო ტრანსპორტირების ხარჯი მძიმე ტვირთად აწვება ირაკლის. მაგრამ ერთადერთი ახლობელი ადამიანის სიცოცხლის შესანარჩუნებლად ირაკლი ყველაფერზეა წამსვლელი. რას არ გააკეთებ საკუთარი დისთვის, რათა ამ უკანასკნელმა იცოცხლოს. რომ არა ირაკლი, მაკა უკვე ცოცხალი არ იქნებოდა …
თუმცა, ირაკლის ჰქონდა შესაძლებობა მიეტოვებინა ეს “ტვირთი”, უცხოეთში წასულიყო და მატერიალურად უზრუნველყოფილი და წარმატებული სპორტსმენი ყოფილიყო. რამდენიმე წლის წინ მან მსოფლიო რეკორდი დაამყარა შტანგის აწევაში (https://www.youtube.com/watch?v=e2VG3LVfBWQ) და თურქეთიდან წინადადება მიიღო ტურნირებში ამ ქვეყნის სახელით გამოსულიყო და ახალგაზრდა ძალოსნების გაეწვრთნა. რა თქმა უნდა, გამომუშავებული თანხა მას შეეძლო გამოეგზავნა ოჯახში დისთვის მომვლელის დაქირავებისა და მედიკამენტების შესაძენად … მაგრამ, მან ჩათვალა, რომ ეს იქნებოდა სამშობლოს ღალატი. მას არ შეეძლო ასეთი ნაბიჯის გადადგმა, რადგან საქართველოს სიყვარულმა ყველაფერი დანარჩენი გაფარა. აი, ასე დარჩა იგი საკუთარ სოფელში სნეულ დასთან ერთად და რის ვაი–ვაგლახით უმკლავდება მისი ოჯახის მძიმე ხვედრს.
ახლა ირაკლის წინაშე გადაუჭრელი პრობლემა დგას – როგორ გაუხანგრძლივოს სიცოცხლე მისთვის საყვარელ ადამიანს?! სად იშოვოს მისი მკურნალობისთვის აუცილებელი თანხა, მითუმეტეს რომ მწირი შემოსავალი არც წამლებზე, არც ჰიგიენურ საშუალებებზე და არც რაიონულ საავადმყოფოში სატრანსპორტო ხარჯებზე არ ჰყოფნის.
მეგობრებო, ტუღუშების ოჯახს მატერიალურად ძალიან უჭირს, გამოავლინეთ სიკეთე და დაეხმარეთ მათ, გაუხანგრძლივეთ სიცოცხლე ამ უსასოო ახალგაზრდა ქალს! თქვენ შეგიძლიათ გაიღოთ მისთვის საკვები პროდუქტები, ჰიგიენური საშუალებები, პამპერსები. თუ გაქვთ საშუალება ფინანსური დახმარება აღმოუჩინოთ მას, თანხა შეგიძლიათ ჩარიცხოთ ჩვენი ფონდის ანგარიშზე GE15TB7194336080100003 ან GE64BG0000000470458000 (დანიშნულება : მაკა ტუღუში) ან პირდაპირ ჩვენი ფონდის საიტიდან https://chernovetskyifund.ge/ge/.
ასევე შესაძლებელია თანხა ჩარიცხოთ სწრაფი გადახდის ტერმინალებიდან
NovaTechnology, TBCpay და ExpressPay. განყოფილებაში “ქველმოქმედება” აირჩიეთ ჩვენი ფონდი.
დეტალური ინფორმაციის მიღება შეგიძლიათ ტელეფონებზე:
032 219 33 21
+995 577 92 40 45
(გადახდის წესები შეგიძლიათ იხილოთ ბმულზე https://goo.gl/GY2Gus)
ჩვენი ცხოვრება სხვა არაფერია, თუ არა სწრაფვა სიკეთისკენ! ღმერთი თქვენსკენ!