ჩერნოვეცკის საქველმოქმედო ფონდი

დიდია უფალი და მე მაინც ბედნიერი ვიქნები!

დაბადებიდან ავადმყოფი ლანა, ყოველდღე მეორე სართულზე აჰყავთ 89 წლის ლამარა ბებიას და 58 წლის ემა დედას...
1,918.88 ₾
165
დონორები
შეგროვებულია
დასრულებულია

საითაც მინდა, იქით გავქროლდები!

არა, ამას პატარა ბავშვი კი არ ამბობს, რომელსაც ველოსიპედი უყიდეს, არამედ ზრდასრული, შეზღუდული შესაძლებლობის მქონე ქალი, რომელიც, თქვენი დახმარების წყალობით, თითქოს ხელახლა დაიბადა.

ვიღაცას ახალი საგაზაფხულო კაბა უხარია, ვიღაც ბედნიერია იმით, რომ მეგობრებთან ერთად კაფეში ჯდომა შეუძლია, ჩვენი გმირი - 34 წლის ლანა კი ვერ იჯერებს, რომ ასე გაუმართლა - როგორც იქნა, დიდი ხნის ოცნება აუსრულდა და ახლა დამხმარე ეტლი აქვს! „საითაც მინდა, იქით გავქროლდები!“ - ხუმრობს ქალი. მას ხომ ბევრი არაფერი სჭირდება. დედას და ბებიას მასთან გამკლავების ძალა აღარ შესწევთ, არადა, ის ისეთი ხალისიანი, ისეთი აქტიურია...

„მას შემდეგ, რაც ჩემს ცხოვრებაში ჩერნოვეცკის ფონდი გამოჩნდა“, - ამბობს ლანა, - „თითქოს ხელახლა დავიბადე. თუ მანამდე ვერ მამჩნევდნენ და ჩემი არ ესმოდათ, ახლა ყველაფერი შეიცვალა! სამსახურიც კი შემომთავაზეს, წარმოგიდგენიათ? თითქოს სიზმარში ვარ! ეს როგორ გამოგივიდათ? ჩემთვის სრულიად გაუგებარია! ყოველდღე მადლობას ვწირავ უფალს, რომ მე თქვენ გიპოვეთ, თქვენ კი - მე! მადლობა ღმერთს ამდენი კეთილი ადამიანისთვის! იცით, ზოგჯერ სრულიად უცხო ადამიანები საკუთარი ოჯახის წევრებივით ხდებიან. განა ეს ღვთისგან არ არის? განა თქვენი თავი მან არ გამომიგზავნა?“

იმ სიხარულის სიტყვებით გადმოცემა, რომელიც ლანას ოჯახში გამეფდა, უბრალოდ შეუძლებელია. ჩვენი ფონდის საქმიანობის მთელ არსს მაშინვე მიხვდებით, როგორც კი მის ღიმილს შეხედავთ! აქ საუბარი იმაზე არაა, რომ ხალხს მატერიალურად ეხმარებით, - რაც თავისთავად ძალიან მნიშვნელოვანია; საუბარი იმაზეა, რომ მივიწყებული ხალხისთვის ღიმილის მოგვრა უფალს გაახლოებთ! ამაშია მთელი აზრი! ეს არის მთელი ჩვენი ცხოვრება! ეს არის ჩვენი ფონდის საქმიანობის არსი - სხვების ტანჯვის გაზიარებით უფალთან მიახლოება!  

დაათვალიერეთ სურათები, წაიკითხეთ ინტერვიუ და იგრძენით, როგორ გავსებენ ეს სიტყვები მაცოცხლებელი ძალით, სიყვარულით და სიცოცხლის გაგრძელებისა და სიკეთის კეთების სურვილით!

რვა თვის წინ, როდესაც ლანას ოჯახს პირველად ვესტუმრეთ, მისი ჯანმრთელობა და ფინანსური მდგომარეობა მეტად მძიმე იყო. ახალგაზრდა ქალი ნორმალურად ფუნქციონირებად ეტლზე ოცნებობდა, რომლის საყიდელი ფულიც ოჯახს არ ჰქონდა. აღარაფერს ვამბობთ მისთვის სასიცოცხლოდ აუცილებელ წამლებზე და სისტემატურ სამედიცინო გამოკვლევებზე.

(https://chernovetskyifund.ge/ge/projects/finished/608-maziashvili/description/)

ლანა მარცხენა ფეხის დეფექტით დაიბადა: ის რამდენიმე სანტიმეტრით გრძელია მარჯვენაზე. ექიმების შეცდომის გამო მისი მდგომარეობა კიდევ უფრო გაუარესდა და ქალი დამხმარე ეტლს პატარაობიდანვე მიეჯაჭვა. დროთა განმავლობაში, მენჯ-ბარძაყის სახსრის დეფექტის გამო, კიფო-სქოლიოზი განვითარდა და ხერხემლის გამრუდება წარმოუდგენელი სისწრაფით მოხდა.

ლანამ ჩვენს ფონდს კეთილი ხალხის დახმარების იმედით მიმართა და თქვენ მისი იმედი ნამდვილად გაამართლეთ! ჩვენი ფონდი გულწრფელ მადლობას გიხდით ყველას, ვინც ლანას გასაჭირის მიმართ გულგრილი არ დარჩა, ვინ მას თუნდაც ერთხელ დაურეკა და დახმარების ხელი გაუწოდა! დიდი მადლობა ყველას!

ლანა, მოგვიყევით, როგორ შეიცვალა თქვენი ცხოვრება ჩვენი პოსტის გამოქვეყნების შემდეგ?

ლანა: ფონდის დახმარებით, ეტლისთვის ფულის შეგროვება შევძელით, რამაც ახალი სიცოცხლე მაჩუქა. კეთილი ხალხის წყალობით, ყველაზე დიდი ოცნება ამიხდა და მათი უზომოდ მადლიერი ვარ. გარდა ამისა, ქველმოქმედების დახმარებით, სრული გამოკვლევის ჩატარებაც შევძელი.  

ამხელა თანხის დამოუკიდებლად შეგროვებას ვერაფრით შევძლებდი, არადა, ეს გამოკვლევა ჩემთვის სასიცოცხლოდ მნიშვნელოვანი იყო. ძვირადღირებული წამლებიც მივიღე; ჩვენს ოჯახს გაზქურა აჩუქეს, რითაც ძალიან გაგვახარეს.

– იყო თუ არა ვინმე, ვინც დაგირეკათ ან გესტუმრათ? ვინმეს განსაკუთრებით ხომ არ აღნიშნავდით?

ლანა: ძალიან ბევრი მირეკავდა და კეთილი სიტყვებით მამხნევებდა, თანამიგრძნობდა. მათი უზომოდ მადლიერი ვარ და მიხარია, რომ ამქვეყნად ასეთი კეთილი ხალხი არსებობს.

– ლანა, ჩვენს პოსტს ხელისუფლება ხომ არ გამოხმაურებია?

ლანა: სამწუხაროდ, ხელისუფლების მხრიდან არანაირი მხარდაჭერა არ მაქვს. როგორც იცით, ადგილობრივ ორგანოებს დახმარების თხოვნით ბევრჯერ მივმართე, მაგრამ სამწუხაროდ... ჩემმა მეგობარმა სოციალურ ქსელებში თხოვნა განათავსა და იმდენს მაინც მიაღწია, რომ ლიფტი მეორე სართულზე გაჩერებულიყო. ისევ და ისევ, კეთილი ხალხი დამეხმარა.

– რამდენადაც მახსოვს, სამსახურის შოვნაზე ოცნებობდით. თქვენს ცხოვრებაში რამე ხომ არ შეცვლილა?

ლანა: დიახ, მას შემდეგ მალევე, რაც ფონდს მივმართე, საქართველოს ბანკიდან დამიკავშირდნენ და ოპერატორის თანამდებობა შემომთავაზეს. სახლიდან ვმუშაობ, რაც ჩემთვის ძალიან კომფორტულია. რაც მთავარია, ახლა ფულის შოვნა დამოუკიდებლად შემიძლია და დედას და ბებიასაც ვეხმარები.

ემა, რას ნიშნავს ეს დახმარება და მხარდაჭერა პირადად თქვენთვის?

ემა (ლანას დედა):ეს ჩემთვის უდიდესი ბედნიერებაა! რა შეიძლება იყოს იმაზე უკეთესი, ვიდრე შენს შვილს ბედნიერს ხედავდე?! დიდი მადლობა საჩუქრებისთვის, მხარდაჭერისთვის, ყურადღებისთვის... უფალი, გფარავდეთ, კეთილო ხალხო!  

ლამარა ბებო, თქვენ როგორ ხართ?

ლამარა:ასაკის გამო სახსრები მტკივა და მაღალი წნევა მაქვს, მაგრამ არ ვჩივი. ჩემთვის ყველაზე მთავარი ჩემი საყვარელი შვილიშვილის ჯანმრთელობა და კეთილდღეობაა. ის ჩემთვის ყველაფერია!

ლანა, იქნებ კიდევ გაქვთ რაიმე სახის პრობლემა, რომლის გადაჭრაშიც ჩვენს მკითხველებს შეუძლიათ დახმარება?

ლანა:მიუხედავად იმისა, რომ ჩემს ცხოვრებაში ბევრი რამ უკეთესობისკენ შეიცვალა, კიდევ ბევრი პრობლემა დაგვრჩა. თქვენც კარგად ხედავთ, რა საშინელ მდგომარეობაშია ჩვენი ბინა: კედლები ნესტიანი და დაობებულია, ცხელი წყალი დღემდე არ გვაქვს, არც წყლის გამაცხელებლის ფული გვაქვს... ასევე, ძალიან მინდა კომპიუტერული პროგრამები ან მინანქრის ტექნიკა ვისწავლო, რადგან სამკაულების კეთება ძალიან მიყვარს და დიდ სიამოვნებას მანიჭებს. მათ გაყიდვას შევძლებდი, რაც დამატებით შემოსავალს მომიტანდა.

კიდევ რაზე ოცნებობთ?

ლანა:ყველაზე მეტად ოპერაციის გაკეთებაზე ვოცნებობ, რომელიც მდგომარეობას გამიუმჯობესებს; მაგრამ, სამწუხაროდ, ამ ოპერაციას ჩვენს ქვეყანაში არ აკეთებენ. ერთხელ, ჩემმა ექიმმა, გიორგი გეგიამ, ერთი ექიმი გამაცნო თურქეთიდან - ჩაათაი ოზთურქი, რომელმაც ოპერაციის სტამბოლში გაკეთება შემომთავაზა, მაგრამ ჩემთვის ის უზომოდ ძვირია - 50,000 დოლარი. სამწუხაროდ, ეს ჩემთვის აუხდენელი ოცნებაა და ეს ძალიან კარგად მესმის, მაგრამ მაინც იმედი მაქვს.

ძვირფასო მეგობრებო, შეიძლება თქვენ შორის არიან ისეთებიც, ვინც ლანას ოჯახი პირველად გაიცნო და გაქვთ იმის შესაძლებლობა და სურვილი, რომ მის გასაჭირს გამოეხმაუროთ. მას ჯერ კიდევ ბევრი პრობლემა აქვს. შეხედეთ ლანას მოღიმარ სახეს - ეს მშვენიერი სულის ადამიანია, ჭკვიანი, ნიჭიერი, რომელსაც ძალიან რთული ბედი ერგო! ქალი კეთილი ხალხის დახმარებამ ისე გაახარა და გაათბო, იმხელა იმედი ჩაუსახა გულში, რომ ის უფრო მეტსაც შეძლებს! ნუ გაჩერდებით! ზოგჯერ ისე გინდა, რომ ადამიანს დაეხმარო!.. ისინი ხომ უნებურად იმას გაჯერებენ, რომ ყველაფერი არც ისე ცუდადაა, რადგან ფიზიკურად ჯანმრთელი ხარ, ყველაფერი გაქვს, რაც გჭირდება, ყოფითი პრობლემებიც, ასე თუ ისე, მოგვარებულია.... მაგრამ ლანას მსგავსი ადამიანების დახმარებით, ჩვენ სულიერი ზრდის შესაძლებლობა გვეძლევა. თქვენი სიკეთისთვის ღმერთი გადაგიხდით! თქვენ კიდევ უფრო მეტს შეიძენთ! სხვის გასაჭირს გვერდს ნუ აუვლით! გაიზიარეთ იგი, რადგან ერთი ადამიანისთვის და მისი ოჯახისთვის ის ზოგჯერ გაუსაძლისი ხდება, ერთად კი მის გადალახვას ან, თუნდაც, შემსუბუქებას მაინც შევძლებთ!

მოინახულეთ ნანა, გაიგეთ, რით შეგიძლიათ მისი დახმარება, გული გაუხსენით მას და უფალი თავის გულს თქვენც გაგიხსნით! კეთილი საქმეები შეუმჩნეველი არასდროს რჩება!

მისი მისამართია: თბილისი, დიდი დიღმის რაიონი, იოანე პეტრიწის ქ. №4, ბინა 40 (IIსართული.)

მეგობრებო, კიდევ ერთხელ, დიდი მადლობა ყველას!

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000

(დანიშნულება: ლანა მაზიაშვილი).

თანხის გადმორიცხვა შეგიძლიათ ჩვენი ვებ-გვერდის მეშვეობითაც: https://chernovetskyifund.ge/ge/projects/finished/608-maziashvili

ასევე, თანხის ჩარიცხვა შესაძლებელია OPPA, TBCpay და ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

ერთი ზარი გადაარჩენს სიცოცხლეს: 0901 200 270

მსგავსი პროექტები: