ღმერთო, ღმერთო, სიკვდილის როგორ მეშინია! როგორ მინდა სიცოცხლე! სულ რაღაც 23 წლის ვარ…

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

ამ სიტყვებს მოხუცი ქალი კი არა, ცრემლებითა და ტკივილით  ჩურჩულებს 23 წლის მარიამი, ცრემლიანი თვალებითა და აკანკალებული ტუჩებით უყურებს კამერას.

ახალგაზრდა გოგონასგან, რომელიც ახლა, სადედოფლო კაბას უნდა ირგებდეს, მეგობრებთან ერთად იცინოდეს და სამომავალო გეგმებს აწყობდეს, აუტანელია ასეთი სიტყვების მოსმენა. ეს უსამართლობაა! სასტიკი უსამართლობა! ტკივილი! ასეთ ასაკში, არავინ უნდა ელოდოს სიკვდილს.

მარიამი – 23 წლისაა. ასეთ ასაკში ზოგი ოჯახს ქმნის, ზოგი კარიერას აწყობს, ცალმხრივ ბილეთებს ყიდულობენ და ეწაფებიან ცხოვრებას, მას კი მხოლოდ ერთი ბილეთი სჭირდება გერმანიაში წასასვლელად, რომ არ მოკვდეს.

„თითქოს, ჯერ კიდევ გუშინ ვიყავი ასეთი!“

[მარცხნივ – მარის ხედავთ, სანამ ასე დამძიმდებოდა მისი მდგომარეობა, მარჯვნივ კი ისეთია, როგორიც ახლა.]

მარიამი სამზარეულომდე მისვლასაც კი ვერ ახერხებს. ის ეტლში ზის. ფეხზე დგომა არ შეუძლია, დედის დახმარების გარეშე გადაადგილება არ შეუძლია ეტლითაც კი. ყოველი მოძრაობა ტკივილს აყენებს. სიკვდილის ეშინია, მისთვის შეუძლებელია ერთი ნაბიჯის გადადგმაც კი. ერთმა არასწორმა მოძრაობამ შეიძლება გოგონა მოკლას. ყოველი მისი ფიქრი კი იმაზეა, თუ რამდენი ხნის სიცოცხლე დარჩა.

მძიმე დაავადება აქვს: არტერიოვენური მალფორმაცია – სისხლძარღვების განვითარების თანდაყოლილი დეფექტი, რა დროსაც არტერიები და ვენები კაპილარული ქსელის გვერდის ავლით, ანომალიურად უკავშირდება ერთმანეთს.

რვა წლის ასაკიდან მისი ორგანიზმი თითქოს ხორცსაკეპ მანქანაშია გატარებული: შეშუპებები, წყვეტები, თრომბები, ღრძილებიდან სისხლმდენა, შიში. შიში, რომელიც არასდროს ტოვებს.

დღეს ის ცოცხალია. მაგრამ, მკურნალობის გარეშე – ხვალინდელი დღე შეიძლება აღარც გათენდეს მისთვის.

 „უბრალოდ სიცოცხლე მინდა … არა რაიმე დიადი მიზნისთვის. უბრალოდ – ტკივილის გარეშე სუნთქვა. უბრალოდ, გარეთ გასვლა. უბრალოდ, კიდევ ერთი ახალი დღე… ეს ისეთი უსამართლობაა… უიმედოდ ვარ დარჩენილი. იცით, რას ნიშნავს, როდესაც საკუთარი სიცოცხლის გადასარჩენად ფული არ გაქვს?“ – ამბობს მარიამი და ცრემლებს ღვრის. არა თეატრალურად, არამედ გულამოსკვნილი ტირის. როგორც ადამიანი, რომელიც უკვე ერთხელ დაემშვიდობა სიცოცხლეს და ამის ხელმეორედ გაკეთება არ სურს.

8 წლის ასაკიდან მოყოლებული, ვენებზე ათი ოპერაცია აქვს ჩატარებული, ბოლო 2024 წლის აგვისტოში გაკეთდა, მისი ფეხები თრომბებისგან და ანევრიზმებისგან გაიწმინდა. მუდმივად იღებს ფარისებრი ჯირკვლის მედიკამენტებს, მათ გარეშე, შეიძლება ქალის სასქესო ორგანოების ონკოლოგია განუვითარდეს. 2024 წლის აგვისტოში, თვე–ნახევარი გაატარა გერმანიაში. გერმანელი ექიმები ამბობენ, რომ წმენდა და მედიკამენტები სისტემატურად ესაჭიროება. ისეთი ოპერაციები, რაც მარის სჭირდება, საერთოდ არ კეთდება საქართველოში.

საქართველოს ჯანდაცვის სამინისტრომ და თბილისის მერიამ 2024 წელს, მისი ბოლო ოპერაციისთვის დაახლოებით 10 000 დოლარი გამოყო. ახალი ოპერაციისთვის კი, ამოწურულია ლიმიტი, ამიტომ სახელმწიფოს დაფინანსებას ვერ მიიღებენ, სანამ ბოლო დაფინანსებიდან ერთი წელი არ გავა.

მაგრამ, მარის არ აქვს ამდენი დრო. ის 8 სექტემბერს უნდა იყოს გერმანიაში, ოპერაცია რომ გაუკეთონ. თუ ამ დროისთვის საკმარისი თანხა არ შეგროვდება, საავადმყოფო უარს იტყვის ოპერაციის გაკეთებაზე.

მის გვერდით დედაა. ლია 50 წლისაა. თავად აქვს დიაბეტი, ერთი თვალით თითქმის ვერაფერს ხედავს. მაგრამ, ყოველდღე უჭირავს შვილს ხელი. ყოველი ღამით უსმენს – სუნთქავს თუ არა?

 „ნეტავ შემეძლოს მის ნაცვლად დავწვე – დავწვებოდი. მაგრამ, ვერაფერს ვშველი. ვერც ფულით, ვერც ძალისხმევით…“ – ჩურჩულებს ლია და სახეს ხელებში მალავს. მან არ იცის, როგორ უნდა გააგრძელოს ცხოვრება, თუ არ შეგროვდა თანხა.

მარიამის მამა ოჯახთან ერთად არ ცხოვრობს, ის არანაირ პასუხისმგებლობას არ იღებს საკუთარ შვილზე და ფინანსურადაც არ ეხმარება. მარიამი დედასთან ერთად, სხვის სახლში ცხოვრობს. სადაც სამი ოთახია, ნივთები კი მათ არ ეკუთვნით. მათი შემოსავალი არის სოციალური შემწეობა – 100 ლარი და პენსია 300 ლარის ოდენობით.

ლია: „ზოგჯერ იძულებული ვხდები ავირჩიო, წამლები ვიყიდო თუ საჭმელი… მარის არაფერს ვეუბნები… მაგრამ, გული მიკვდება, მუშაობა არ შემიძლია, მარტოს ვერ ვტოვებ… როდესაც მისი მდგომარეობა არ იყო ამდენად მძიმე, დამლაგებლად ვმუშაობდი სხვადასხვა ადგილას… მაგრამ ახლა, ვეღარ ვტოვებ.“

მათ უკვე გაყიდეს ყველაფერი, რისი გაყიდვაც შეიძლებოდა. ყველაფერი ითხოვეს, რისი თხოვნაც შეეძლოთ. Facebook-ზე 700 ლარი შეაგროვეს. ეს მხოლოდ ანალიზებისთვის და საბუთების თარგმანისთვის აღმოჩნდა საკმარისი. გერმანიაში ხელახლა მკურნალობისთვის, საჭიროა – 34 000 ევრო. მარიამმა უკვე გამოიარა ჯოჯოხეთი. ის 15 წელია იბრძვის. მაგრამ, მარტო ვერ უმკლავდება. მას მკურნალობის გაგრძელება სჭირდება, წინააღმდეგ შემთხვევაში, ყველაფერი, რაც დღემდე გაკეთდა, წყალში ჩაიყრება.

მარიამის ოცნებაა, ფოტოგრაფი გახდეს და ფოტოგრაფია შეისწავლოს.

კეთილო ადამიანებო, გთხოვთ, მიეცით შანსი, ეს დაავადება რომ დაამარცხოს!

ეს გაჭირვების ისტორია არ არის. ეს არის ისტორია გოგონაზე, რომელსაც ახალგაზრდობა მოპარეს და მიუხედავად ამისა, სიცოცხლე სწყურია. რომელიც ეკრანიდან გვიყურებს და გვეუბნება: „დამეხმარეთ!“

 ის ამბობს: „ძალიან ვეცადე, მედგრად ვმდგარიყავი. მაგრამ, ახლა, თქვენი დახმარების გარეშე ვერ ვუმკლავდები…“

რადგან აქამდე წაიკითხეთ, ესე იგი, გულგრილი არ ხართ. ეს იმას ნიშნავს, რომ მისი გადარჩენა შეგიძლიათ. შანსი მიეცით. ერთი შანსი. რადგან ჩვენი დახმარების გარეშე, არცერთი არ აქვს. სიკვდილი ელის. ჩვენ კი, შესაძლებლობა გვეძლევა, ის შევაჩეროთ. ახლა სწორედ ამის დროა!

თუ გსურთ, მოინახულოთ და დახმარება პირადად გაუწიოთ ამ ოჯახს, მათი მისამართია: თბილისი, გვაზაურის ხევის 38.

ყოველ ჯერზე, როდესაც ვინმეს დახმარება შეგიძლიათ, უბრალოდ დაეხმარეთ და გაიხარეთ, რომ ღმერთი თქვენი მეშვეობით პასუხობს ვიღაცის ლოცვებს!

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

მეგობრებო, კიდევ ერთი თხოვნა გვაქვს თქვენთან: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: [email protected]

ჩვენი ფონდის ანგარიში:

(დანიშნულება: რობაქიძეების ოჯახი).

თანხის ჩარიცხვა შესაძლებელია ჩვენი ვებ-გვერდის მეშვეობით: „საქართველოს ბანკი“ (bogpay.ge), „TBC ბანკი“ (tbcpay.ge), „ლიბერთი ბანკი“ (PayGe), PayPal (paypal.me).

თანხის ჩარიცხვა ასევე შესაძლებელია ტერმინალებიდან: ExpressPay, TBCpay. ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება–მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus

თქვენ შეგიძლიათ გადაარჩინოთ ვინმეს სიცოცხლე და დაუახლოვდეთ ღმერთს! გაგზავნეთ SMS ნომერზე 97100. 

სპეციალურ ნომერზე: 0901200270 განხორციელებულ მხოლოდ ერთ ზარს, ადამიანის სიცოცხლის გადარჩენა შეუძლია! დალოცვილები ყოფილიყავით!