ჩერნოვეცკის საქველმოქმედო ფონდი

შვიდი წლის, მშვენიერ როზალინდას სასწაულების ჯერ კიდევ სჯერა. ნეტა, სასწაული თუ მოხდება?

2020 დეკემბერი 2
„მჯეროდა, ძალიან, ძალიან მჯეროდა და გელოდით“ - წკრიალა ხმით შემომეგება მშვენიერი როზალინდა (7 წლის). „სასწაულები არ ხდება... 13 წლის ვარ და ზუსტად ვიცი... თუ ხდება?“ - გაკვირვებით მკითხა ხათუნამ (13 წლის) და გაუბედავად შემომხედა. გული მეტკინა სრული უიმედობისგან, რომელიც თვალწინ გადამეშალა.
1,939.13 ₾
140
დონორები
შეგროვებულია

დიახ, თქვენი წყალობით სასწაული შეგვემთხვა!

   „განა ასეთი რამ შესაძლებელია? ნუთუ სიყვარულს და მზრუნველობას ჩვენც ვიმსახურებთ? ამდენწლიანი იმედგაცრუებისა და გულდაწყვეტის შემდეგ, მე და ჩემმა შვილებმა პირველად ვიგრძენით, რომ ვიღაცას ვჭირდებით... ის, რაც ჩემთვის სისხლით ნათესავებს არ მოუციათ, სრულიად უცხო ადამიანებისგან მივიღე!“ - ცრემლებს ვერ იკავებს მრავალშვილიანი დედა, ნინო გაბიდაური.

ეს ამბავი, რომელიც სულ ცოტა ხნის წინ გაგიზიარეთ (https://chernovetskyifund.ge/ge/projects/657-gabidauri/) და რომელიც ყველასგან მიტოვებულ, სამშვილიან დედას ეხებოდა, სევდიანი და სამწუხარო იქნებოდა, რომ არა მზრუნველი ხალხის დროული დახმარება, რამაც მისი შვილები შიმშილს გადაარჩინა.

„შიმშილს, სიღარიბეს, ყოველდღიურ გაჭირვებას და მარტოობას!“ - აგრძელებს ნინო. – „იცით, შეძლებისდაგვარად ვცდილობდით გადარჩენას... მე კიდევ არა მიშავს, მაგრამ ჩემი საწყალი შვილები... თქვენ რომ არა, არც კი ვიცი, ახლა სად ვიქნებოდით...“

ნინო, თქვენი ამბის გამოქვეყნების შემდეგ ცოტა დრო გავიდა. გვითხარით, როგორ შეიცვალა თქვენი ცხოვრება მას შემდეგ?

ნინო: მართლაც, პოსტის გამოქვეყნებიდან მხოლოდ რამდენიმე თვეა გასული, მაგრამ ჩვენს ოჯახში უკვე ბევრი რამ შეიცვალა! ჩემთვის ყველაზე მნიშვნელოვანი ის არის, რომ ჩემი შვილები აღარ შიმშილობენ, დანაყრებულები და კმაყოფილები არიან; ცოტა წონაშიც მოიმატეს, ლოყები შეუვარდისფრდათ... მიმოიხედეთ გარშემო - ჩვენი მოკრძალებული საცხოვრებელი ბევრად მყუდრო გახდა! უკვე აღარ გვცივა, რადგან გამათბობელი გვაქვს; ახალ მაცივარში კი გემრიელობებს ვინახავთ, რომელიც ფონდის მეგობრებმა ბავშვებს მოუტანეს. გაიცანითჩემი მთავარი დამხმარე ოჯახში - სარეცხი მანქანა, რომლის წყალობითაც დროს ვზოგავ; თან ყველაფერი უნაკლოდ სუფთაა და მალე შრება! სიტყვებით ვერ აღგიწერთ, როგორი ბედნიერი ვარ! ვერასდროს წარმოვიდგენდი, რომ ასეთ მოკლე დროში ჩვენი ცხოვრება ასე გაუმჯობესდებოდა! ყველა თქვენგანის ისეთი მადლიერი ვარ!..

  ნინო, ძალიან გვიხარია, რომ დაგეხმარეთ. გვითხარით, ყველაზე მეტად რა დაგამახსოვრდათ? იქნებ მათი სახელები გახსოვთ, ვინც დახმარების ხელი გამოგიწოდათ?

  ნინო:ჩვენი ამბის გამოქვეყნების დღიდან ჩემს ტელეფონზე ზარები არ წყდება. სრულიად უცხო ადამიანები მირეკავენ და აზუსტებენ, რა გვჭირდება, როგორ შეიძლება ჩვენი დახმარება; საკვები, ტანსაცმელი, საყოფაცხოვრებო ქიმია და ბავშვებისთვის სათამაშოები მოაქვთ... როგორ მინდა ყველა იმ ადამიანის შესახებ მოგიყვეთ, ვინც ჩემი შვილების მიმართ თანაგრძნობა და გულმოწყალება გამოიჩინა - ათეულობით კეთილ ადამიანზეა საუბარი... მაგრამ ყველაზე მეტად ალბათ სტუდენტები - ქეთი, ანანო და გიორგი დამამახსოვრდნენ. თითქოს ჯერ კიდევ ბავშვები არიან, მაგრამ ისეთი პასუხისმგებლობის გრძნობით სავსეები!.. მოვიდნენ და საკვები, ტკბილეული, წამლები მოგვიტანეს... სამხედრო პირები - რევაზი, კახა და მათი ამხანაგებიც გვესტუმრნენ, ტანსაცმელი და სურსათი მოგვიტანეს... არადა, იმდენი ხანია ჩემს შვილებს ხორცი, თევზი და თაფლი არ უჭამიათ... მათი გემო საერთოდ დაგვავიწყდა. თითოეული ადამიანი შეძლებისდაგვარად გვეხმარებოდა: ვიღაცას „პამპერსები“ მოჰქონდა ჩემი ბიჭისთვის, ვიღაცას - მზესუმზირას ზეთი... თქვენი უზომოდ მადლიერი ვარ! ძალიან ძნელია იმის სიტყვებით გადმოცემა, თუ როგორ დამეხმარეთ!

  ნინო, ადგილობრივი ხელისუფლება თუ გამოგეხმაურათ?

  ნინო: არა, არ გამოგვხმაურებია...

  ფონდის მეგობრებისგან ასეთ მხარდაჭერას ელოდით? თქვენი ემოციების შესახებ მოგვიყევით.

  ნინო: ხალხის სიკეთის ყოველთვის მჯეროდა; მჯეროდა, რომ საქართველოში მეზობელს შეუძლია შიმშილით სიკვდილისგან გიხსნას და ეს ჩემს ცხოვრებაშიც არაერთხელ მომხდარა! მაგრამ როგორ ვიფიქრებდი, რომ სრულიად უცხო ადამიანები ფულს გამომიგზავნიდნენ, ჩემს შვილებს სათამაშოებს უყიდდნენ და დიდი ჩანთებით საჭმელს მოგვიტანდნენ?! ამის წარმოდგენაც კი არ შემეძლო, მით უმეტეს, ასეთ რთულ დროს და კრიზისის პერიოდში, როდესაც ყველა შეძლებისდაგვარად ცდილობს გადარჩენას... გამათბობლის, მაცივრისა და სარეცხი მანქანის ფულს, მთელი ცხოვრება რომ მემუშავა, ალბათ მაინც ვერ ვიშოვიდი! მე და ჩემი შვილები ასეთი ყურადღებისა და მზრუნველობისაგან უბრალოდ შოკში ვიყავით!  

  ფონდის დახმარების შესახებ ისე ემოციურად ჰყვებით... რას ნიშნავს თქვენთვის ეს დახმარება?

  ნინო: მშვიდად როგორ ვიქნები,როცა საქმე ჩემს შვილებს ეხება?! ბავშვები დღეები შიმშილობდნენ, წარმოგიდგენიათ? მხოლოდ ის დედა გამიგებს, ვისაც ეს ტკივილი და იმედგაცრუება, ეს საზიზღარი უსაშველობის შეგრძნება განუცდია, როცა არ იცი, შეძლებ თუ არა ხვალ ბავშვებს პური მაინც რომ აჭამო! თქვენი დახმარება ჩემთვის ხსნაა, იმის ნიშანი, რომ სასწაული არსებობს და ის ჩვენ შეგვემთხვა. ღმერთმა ჩემი ვედრება შეისმინა და მარტო აღარ ვართ - ჩვენ გვერდით თქვენ ხართ!

  მადლობას გიხდით კეთილი სიტყვებისთვის, ნინო. თუ შეიძლება, როზალინდასაც გავესაუბრები. პატარავ, მოგვიყევი, რა საჩუქრები მიიღე?

  როზალინდა (7 წლის): ყველაზე მაგარი საჩუქარი ექიმის ნაკრებია! ავადმყოფის გასასინჯად მასში უამრავი სხვადასხვა ხელსაწყოა. საღამოობით ვთამაშობთ ხოლმე და დედას და ხათუნას ვმკურნალობ. ისეთი სახალისოა!.. ჩვენი სარეცხი მანქანა ნახეთ? დედამ მასში ჩემი სათამაშოები გარეცხა და ახლა ყველაფერი ისეთი სუფთაა!

  რა მაგარია! ტკბილეული ბევრი ჭამე?

  როზალინდა(7 წლის): დიახ, ძალიან! დედა ამბობს, რომ ამდენი ტკბილის ჭამა არ შეიძლება, მაგრამ იმდენი ხანია შოკოლადი არ მიჭამია... ლამაზი ტანსაცმელიც მაჩუქეს, ამიერიდან სკოლაში მოდურად ჩაცმული ვივლი!

  გვიხარია, რომ საჩუქრები მოგეწონა! ხათუნა, შენ რა დაგამახსოვრდა ყველაზე მეტად?

  ხათუნა (13 წლის): ადრე თოვლის ბაბუის არ მჯეროდა. არც ახლა მჯერა, რადგან გავიზარდე და უკვე ყველაფერი ვიცი... მაგრამ იცით, მივხვდი, რომ ნებისმიერ ადამიანს შეუძლია ნამდვილ თოვლის ბაბუად იქცეს და ნებისმიერი სურვილი აგისრულოს! უამრავი საჩუქარი მივიღეთ და ყველაფრისთვის უზომოდ მადლიერი ვარ, მართლა!

  ძალიან კარგი გოგო ხარ, ხათუნა! იცოდე, ყველაზე წარმოუდგენელი სასწაულები ჯერ კიდევ წინაა! ნინო, ჩვენს საუბარს დავუბრუნდეთ! დაგრჩათ თუ არა პრობლემები, რომლის გადაჭრაშიც შეგვიძლია დაგეხმაროთ?

  ნინო: დიახ, სამწუხაროდ, პრობლემები ჯერ კიდევ გვაქვს. ხათუნას ამაზე საუბარი ძალიან ერიდება, მაგრამ ჩვენ არც კომპიუტერი გვაქვს, არც ტელეფონი და არც ინტერნეტი, რომ ონლაინ გაკვეთილებში ჩავერთოთ... ძალიან მრცხვენია თხოვნა, რადგან ისედაც შეუძლებელი შეძელით, მაგრამ ნამდვილად არ მინდა ჩემს შვილს განათლების და უკეთესი ცხოვრების შესაძლებლობა წავართვა. ახლა მას გაკვეთილების გაცდენა უწევს... ასევე, ტელევიზორზეც ვოცნებობთ. წარმომიდგენია, როგორ ვწევართ ოთხივე ერთმანეთს ჩახუტებულები საღამოობით და კომედიას ვუყურებთ, ცხოვრების ყველა სირთულეს ვივიწყებთ და უბრალოდ იმით ვტკბებით, რომ ერთმანეთი გვყავს! მაგრამ ყველაზე მტკივნეული საკითხი ის არის, რომ ყოველთვიურად ბინისა და კომუნალური მომსახურებების თანხა მაქვს გადასახდელი და ყოველი თვის ბოლოს თითქოს მიწა მეცლება ფეხქვეშ, როდესაც არჩევანს ვაკეთებ: შუქის ფული გადავიხადო თუ ბავშვს საჭმელი ვუყიდო? არც ერთ დედას არ ვუსურვებ ამ ტკივილს! გემუდარებით, ნუ მიგვატოვებთ!  

***

  ძვირფასო მეგობრებო, გაბიდაურების ოჯახს ძალიან უჭირს და ისინი მეტად რთულ მდგომარეობაში იმყოფებიან. მარტოხელა, საბრალო ქალი მთელი ძალებით ცდილობს შვილები შიმშილით სიკვდილს გადაარჩინოს. ერთხელ ჩვენ უკვე შევძელით, რომ მათთვის გავერთიანებულიყავით და დავხმარებოდით. მჯერა, რომ ჩვენი თანამოქალაქეების მხარდაჭერას ახლაც შევძლებთ! მათ ნებისმიერი დახმარება გაახარებთ, მაგრამ ყველაზე მთავარი მათი მატერიალური დახმარება, ბავშვისთვის ტელეფონის ან ლეპტოპის ჩუქება და ოჯახისთვის ინტერნეტის გაყვანაა, რომ ბავშვებმა სწავლა და განვითარება შეძლონ! ერთად ჩვენ შეუძლებელს შევძლებთ!

და თუკი გიმძიმთ ყოფითი სირთულეებისა და გადაუჭრელი საკითხების გამო, რამდენიმე წამით გადაიტანეთ თქვენი ყურადღება ჩვენ FB პოსტებზე; ან უმჯობესია, დაურეკოთ ჩვენს ნებისმიერ ბენეფიციარს და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე მომენტში დაეხმარეთ.

მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ გაჭირვებულებს!

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როცა მორიგი უბედური ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გთხოვთ, განაგრძოთ ამ ოჯახების დახმარება. სწორედ ეს არის საუკეთესო ღვთისმსახურება!

თქვენი სიკეთე – ეს არის შესაძლებლობა, რომ თავადაც ყველაფერში ბედნიერი იყოთ!

კიდევ ერთხელ, დიდი მადლობა თითოეულ თქვენგანს, მეგობრებო!

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000.

(დანიშნულება: გაბიდაურების ოჯახი).

თანხის გადმორიცხვა შეგიძლიათ ჩვენი ვებ-გვერდის მეშვეობითაც: https://chernovetskyifund.ge/ge/projects/finished/657-gabidauri.

 ასევე, თანხის ჩარიცხვა შესაძლებელია OPPA, TBCpay და ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

ერთი ზარი გადაარჩენს სიცოცხლეს - 0901 200 270

დაფიქრდით იმაზე, რომ ჩვენ სწორედ გაჭირვებულთა დახმარებით და მათი ტკივილის გაზიარებით ვზრუნავთ საკუთარ სულზე და ვუახლოვდებით უფალს!

მსგავსი პროექტები: