პროექტის რეპორტი ცხოვრება ღია ცის ქვეშ, ვირთხებთან ერთად!.. - პროექტები - ჩერნოვეცკის ფონდი

ჩერნოვეცკის საქველმოქმედო ფონდი

Главное меню

ცხოვრება ღია ცის ქვეშ, ვირთხებთან ერთად!..

page info icon
2021 ნოემბერი 30
page info icon
1491
„კარგამინდში, ჩემისაწოლიდანვარვსკვლავებითმოჭედილცასვხედავ“ - გვეუბნება 11 წლისგიორგი. დაესარარისხუმრობა. მეცშემომთავაზა: წამოწექიდაშეხედეო. მართალიაახლაარარისღამედაცაზევარვსკვლავებიარ ჩანს, მაგრამამისწარმოდგენაშემიძლია. იმწუთიდან, რაცამსახლშიშემოვდგიფეხი, ხვრელებსვითვლიჭერსადაიატაკზე.
ჩვენი ფონდის ანგარიშები:
GE15TB7194336080100003
GE42LB0115113036665000
GE64BG0000000470458000
შეგროვებულია:
2,666 ₾
( 176 დონორი )
აირჩიეთ თანხა:
გადახდის ხერხი:
რამდენი ხანია ასეთი ბედნიერები არ ვყოფილვართ!
მალე დავასრულებთ სახლის მშენებლობას და ყველას დაგპატიჟებთ სტუმრად!
კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებსაც მონაწილეობა მიიღონ ღვთისნიერ საქმეში!
          „აივანზე უზარმაზარი ყუთები დაინახეს თუ არა, ბავშვები გიჟებივით გაცვივდნენ ოთახიდან“ - აღფრთოვანებული მიყვება მადონა  -  ,,მთელმა ოჯახმა, საჩუქრებს სიცილ-კისკისით წრე შემოვარტყით, როგორც საახალწლო ნაძვის ხეს... მართლაც საოცარი დღე გაგვითენეთ! გმადლობთ!“     
თხუპნია ლურჯთვალა მარიამი ტკბილეულით ძალიან ბედნიერია...
          „დიდი ხანია თქვენი საიტის გამომწერი ვარ. ყოველთვის თვალყურს ვადევნებდი თქვენს კეთილ საქმეებს. სანამ ასეთ დღეში ჩავვარდებოდი, მეც მიმიღია მონაწილეობა ქველმოქმედებაში, მაგრამ ახლა, თავად გავხდი დასახმარებელი... ჰოდა, უფალმა კეთილი ადამიანები მეც გამომიგზავნა... თქვენი ფონდი, ყველა ღატაკის მხსნელია. კიდევ ბევრი კარგი საქმე გაგეკეთებინოთ!“ - ამბობს მრავალშვილიანი დედა და თან, სიხარულის ცრემლებს ვერ მალავს.
         მადონა ონაშვილი-მუმლაძე სამი შვილის დედაა. მას ძალიან უჭირს. განსაკუთრებით, ცუდი საცხოვრებელი პირობების დაძლევა გახდა ოჯახის უმთავრესი პრობლემა. რომ აღარაფერი ვთქვათ საკვებზე, ტანსაცმელსა და საოჯახო ტექნიკაზე. დაზიანებული შენობა, დამსხვრეული სახურავით, ხვრელებით იატაკსა და კედლებზე, დაუპატიჟებელი სტუმრების - ვირთხების, ტარაკნების და ქვეწარმავლების  თავშესაფრად იქცა.
           ჩვენმა ფონმა მუმლაძეების შესახებ პოსტი 2021 წლის 30 ნოემბერს გამოაქვეყნა. იხ. ბმული:
 https://chernovetskyifund.ge/ge/projects/finished/805-mumladze/
,,ჩვენი მადლიერება და სიხარული მინდა ყველას გაგიზიაროთ!“
         - მადონა, გვიამბეთ, რა შეიცვალა თქვენს ცხოვრებაში მას შემდეგ, რაც ფონდმა თქვენი გაჭირვების შესახებ, სტატია გამოაქვეყნა? 
        მადონა: ყველაზე მეტად, იცით, რა მიხარია? სარეცხი მანქანა! რატომ? ჩემს ნინის რომ აღარ დავტანჯავ! რეცხვაში მეხმარებოდა. მე ხელით ვრეცხავდი, ისიც ხელით  ავლებდა სუფთა წყალში. გგონიათ, მსიამოვნებდა მისი დახმარება?! მაგრამ, ხედავდა, ასე რომ ვწვალობდი და გული არ უთმენდა. 5 ადამიანის სარეცხი, თანაც სოფელში, ცოტა არაა. მით უფრო, თუ პატარა ბავშვი გყავს ოჯახში.
,,ჩემი ნომერ პირველი დამხმარე შენ გახდები, მეგობარო!“
          ნინი (14 წლის) : დედა არ მავალდებულებდა, მაგრამ რომ ვხედავდი, როგორ წვალობდა... მარიამიც პატარაა. (უმცროს დას გულისხმობს.) მას დიდი ყურადღება სჭირდება. მისი დაძინებისას, ბევრი საქმე უნდა მოესწრო დედას. ამიტომ, რეცხვაში ყოველთვის  ვეხმარებოდი, როგორც შემეძლო.
         მადონა: კარგი რა ნინი, შენ ყველაზე კარგი შვილი ხარ! შენს გახეხილ მაჯებს რომ ვხედავდი, გული მტკიოდა. ახლა, ეს მანქანა ერთი ქალის მოვალეობას შეასრულებს  ჩვენს ღარიბ ოჯახში და შენც უფრო მეტი დრო დაგრჩება წიგნებისათვის. 
გაზის წყლის გამათბობელიც, ფასეული საჩუქარია ჩვენთვის, ახლა, ცხელი წყალიც გვექნება! მაცივარი კი, დაგვეხმარება, ცხელ ზაფხულში, ისედაც სიმწრით ნაშოვნი საჭმელი არ გაგვიფუჭდეს.
,,მაცივარო, ნეტა, რომ  გამოგაღებ, ტკბილეულით სავსეს გნახავდე!“
,,რამხელა ფუფუნებაა - ცხელი წყალი გვექნება!“
         - ახალი მეგობრები თუ შეიძინეთ:  ვინ  დაგეხმარათ, ვინ განუგეშათ, ვინ დაგამახსოვრათ თავი? 
         მადონა: თქვენი პოსტის გამოქვეყნების შემდეგ, დაგვიკავშირდა ერთი არაჩვეულებრივი გოგონა - სალომე თარხნიშვილი, რომელმაც საკვები შეუძინა ბავშვებს. ასევე გვესტუმრა ოთხი ახალგაზრდა ბიჭი. მათი არც სახელები ვიცი, არც გვარები, მაგრამ კეთილშობილება შუბლზე ეწერათ! დედა, რამდენი რამე მოგვიტანეს! თითქმის ერთი თვის სამყოფი საკვები, სარეცხი საშუალებები: ჭურჭლის ჟელეები, ფხვნილები... 
         გიორგი (11 წლის) : ეს ჭიქებიც იმ ბიჭებმა მოგვიტანეს. (ლამაზ ჭიქებს მაჩვენებს.) კიდევ, ჩემს პატარა დაიკოს სათამაშოები მოუტანეს. 
„გამომართვი, იცი, რა გემრიელია? ჭამით ვერ გაძღები!“
       მადონა: მინდა, გადავუხადო დიდი მადლობა იმ ადამიანებს, ვინც გულთან ახლოს მიიტანა ჩვენი გასაჭირი! თქვენი პოსტის წყალობით, ჩვენი ამბავი ჩვენმა შორეულმა ნათესავებმაც შეიტყვეს. გვესტუმრა დათო ფართლაძე - ძალიან კეთილი ადამიანი და მოგვიტანა ათი ტომარა ცემენტი. ამ ცემენტით, ამოვავსეთ ის ხვრელები, საიდანაც ვირთხები და ქვეწარმავლები გვსტუმრობდნენ. ქვის იატაკი გვაქვს. აბა, საიდან იმის საშუალება, რომ ხის იატაკი, ან ლამინატი დავაგოთ? მთავარია, ხვრელები აღარ არის და ბავშვები უსაფრთხოდ დაიძინებენ.
         - თუმცა ქვის იატაკი ძალიან ცივია და ზამთარში რთულია ოთახის გათბობა...
          მადონა: მაგას ვინღა ჩივის. უფრო მნიშვნელოვანი, ამ ეტაპზე, სახურავია, რომელიც შეკეთებას თუ დაექვემდებარება, ეგეც არ ვიცი... წყალი საშინლად ჩამოდის. ახლა წვიმიანი პერიოდი მოდის და გულები გვისკდება...
         - ადგილობრივ ხელისუფლებას თუ მიმართეთ, ან რაიმეთი თუ დაგეხმარათ?
         მადონა: დიახ! არჩევნებამდე სახურავის შეკეთება ვითხოვე, მითხრეს, იანვრამდე მომეცადა. იანვარში კი, უარით გამომისტუმრეს - შესაბამისი ქულები (სოციალურად დაუცველთა შეფასების ქულებს გულისხმობს.) არ გაქვთო. ვერ ვხვდები, ქულები რად უნდა სახურავს, საიდანაც ჩემს შვილებს აწვიმთ და ათოვთ. ჩემი მეუღლე,  სახლში თითქმის არ არის, დღედაღამ გადაბმულად მუშაობს, რომ შიმშილით არ დავიხოცოთ და პური მაინც რომ გვქონდეს. იგი ძალიან მშრომელი, მზრუნველი და ყურადღებიანი ადამიანია. ის რომ არა, საერთოდ რა გვეშველებოდა... მაგრამ, მაინც ვერ ვახერხებთ ნორმალურად ცხოვრებას. როგორ უნდა შევაკეთოთ ეს საზიზღარი სახურავი?! 
          თუმცა, არ დავუკარგავ იმ ფაქტს, რომ თქვენი პოსტის გამოქვეყნების შემდეგ, სამსახური შემომთავაზეს. დამლაგებლის ვაკანსია გამოჩნდა. დიდი სიამოვნებით წავიდოდი - როგორ მინდა ისევ  ვიმუშაო...  მაგრამ მარიამს, ჯერ ვერავის ვუტოვებ, ის პატარაა. ბაღის ასაკის არ არის. გიორგისაც ყურადღება სჭირდება, გაკვეთილების მომზადებაში დახმარებაც...  თან ჩემი მუშაობის შემთხვევაში, სოციალურ დახმარებას მოგვიხსნიან და ეს ძალიან ცუდი მიდგომაა, ჩემი აზრით. როცა ღატაკ ადამიანს ძალიან დაბალი ხელფასი აქვს, სოციალური დახმარება უნდა დაუტოვონ.
         - საინტერესოა, საჩუქრებიდან, გიორგის რა მოეწონა ყველაზე მეტად? 
          გიორგი: მე ტკბილეული მომეწონა, ძალიან გემრიელი იყო. ხშირად გვესტუმრეთ და ტკბილეული წამოგვიღეთ ხოლმე, მე ჩაიზე დაგპატიჟებთ, ლამაზი ჭიქებით დავლიოთ!
 ტკბილეული, მარიამს ყოველთვის კარგ ხასიათზე აყენებს...
         - აუცილებლად. ჭიქებიც ძალიან მოგეწონა, გატყობ... 
         გიორგი: ველოსიპედიც რომ ვინმეს ეჩუქებინა, გამეხარდებოდა. აქ ყველა ბავშვს ველოსიპედი აქვს, მე კი არ მაქვს. ნეტა, ვინმე გამომეხმაუროს და შემისრულოს ეს ოცნება. მართლა, ძალიან მინდა.
          აი, ნინის ტელეფონი უნდა. მასწავლებელი რაღაცეებს ავალებს, ინტერნეტში მოსაძიებელს და დედას ტელეფონით ვერ ახერხებს ხოლმე. მე კი ველოსიპედიც მეყოფა. ო-ო-ო-ო, როგორ ძალიან მინდა-ა-ა-ა...
        - ინტერნეტთან წვდომა არ აქვთ ბავშვებს? არანაირი გაჯეტი არ აქვთ?
        მადონა: კომპიუტერი ან ტელეფონი სჭირდებათ, მაგრამ მაგას როგორ ვითხოვ... სახლში ტელევიზორიც კი არ გვაქვს...  ონლაინ გაკვეთილებსაც, ხშირად ვერ ესწრებოდნენ... ამ პანდემიამ, ყველანაირად უკან დაგვწია...
           და მაინც, ჩემი უმთავრესი საზრუნავი და სადარდებელი სახლის სახურავია. ნეტა, წვიმა არ ჩამოგვდიოდეს... უფლის და კეთილი ადამიანების წყალობით, ამ გაჭირვებასაც გადავლახავთ, მჯერა! 
          - ხშირად ლოცულობთ? ტაძარში დადიხართ?
          მადონა: რა თქმა უნდა, უფლის მწამს!  ვლოცულობ!  თან იცით, რას დავაკვირდი? როდესაც ძალიან, ძალიან გამოუვალ მდგომარეობაში ვვარდები და უფალს ვთხოვ დახმარებას, ის ყოველთვის გამომიგზავნის ხოლმე კეთილ ადამიანებს.
          10 წლის წინ, როდესაც ჩემი პირველი მეუღლე ავტოკატასტროფაში დაიღუპა, ძალიან მძიმე მდგომარეობაში ჩავვარდით. გიორგი მაშინ სულ ციცქნა იყო და ავად გვყავდა. ის, გულის ღია სარქველებით დაიბადა. სასწრაფოდ გვესაჭიროებოდა ექიმთან რეგულარული ვიზიტები. მე კი, ფული არ მქონდა. ჰოდა, ვილოცე! მხურვალედ ვლოცულობდი, რომ ჩემი გიორგი კარგად მყოლოდა. ამ დროს, გაისმა ტელეფონის ზარი. ჩემი გარდაცვლილი მეუღლის თანამშრომელმა დარეკა. მან, მეორე დღესვე მოგვაწოდა ყველა ვიზიტის სამყოფი თანხა. 
          ასე მოხდა ახლაც... თქვენი თავი უფალმა გამომიგზავნა, ჩემო კეთილო ადამიანებო. კიდევ ერთხელ გადაგიხდით უდიდეს მადლობას!  უფალს ყოველთვის შევთხოვ - იმდენი შესაძლებლობა მოგცეთ, სხვა უამრავი გაჭირვებულიც რომ გაახაროთ და გააბედნიეროთ.
         მეგობრებო, თქვენი დახმარებით, კიდევ ერთ ოჯახს გავუთენეთ ბედნიერი და ლამაზი დღე. თუმცა, მათი პრობლემები, ამით არ დასრულებულა. მათ კვლავ სჭირდებათ ჩვენი თანადგომა და დახმარება. იმედია, შევძლებთ, ჩვენი საჩუქრებით, კიდევ გავუხაროთ გულები ნინის, გიორგის და პატარა მარიამს. ყველა ბავშვი იმსახურებს, იზრდებოდეს ნორმალურ, ადამიანურ პირობებში, არ სციოდეს და ჰქონდეს საკვები!
***
           თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე წუთს დაეხმარეთ.
          მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ გაჭირვებულებს.
          სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი უბედური ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გააგრძელეთ ამ ოჯახების დახმარება! სწორედ ეს არის საუკეთესო ღვთისმსახურება!
მეგობრებო, კიდევ ერთი თხოვნა გვაქვს თქვენთან: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: office-fsp@fsp.ge
          თქვენი სიკეთე არის შესაძლებლობა, რომ თავადაც ყველაფერში ბედნიერი იყოთ!
          მეგობრებო, კიდევ ერთხელ, დიდი მადლობა ყველას!
ჩვენი ფონდის ანგარიში:
#GE15TB7194336080100003
#GE42LB0115113036665000
#GE64BG0000000470458000.
(დანიშნულება: მუმლაძეების ოჯახი).
    თანხის ჩარიცხვა, ასევე შეგიძლიათ ჩვენი ვებ-გვერდის    მეშვეობით:
    https://chernovetskyifund.ge/ge/projects/finished/805-mumladze/
         თანხის ჩარიცხვა ასევე შესაძლებელია TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე https://goo.gl/GY2Gus).
         არაჩვეულებრივი სიახლე გვაქვს - ახლა ჩვენი ბენეფიციარების ისტორიები შეგიძლიათ წაიკითხოთ:
ინსტაგრამზე: https://www.instagram.com/chernovetskyi.fund/ და ტელეგრამზე: https://t.me/ChernovetskyiFund.
          მხოლოდ ერთ ზარს სპეციალურ ტელეფონის ნომერზე: 0901 200 270 შეუძლია ვიღაცის სიცოცხლე გადაარჩინოს!
          ვიფიქროთ იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!


მსგავსი პროექტები:

Главное меню

Как помочь როგორ დავეხმაროთ How to help How to help