რეგულარული გადახდების ფუნქცია ხელმისაწვდომია
„სოციალური პარტნიორობა“ იწყებს აქციას, ბატონი დავითისთვის ახალი ინვალიდის ეტლის შესაძენად.
Bank of Georgia
Ბანკის კოდი:
კოპირებულია
ნომერი:
კოპირებულია
TBC Bank
Ბანკის კოდი:
კოპირებულია
ნომერი:
კოპირებულია
Liberty Bank
Ბანკის კოდი:
კოპირებულია
ნომერი:
კოპირებულია
საქველმოქმედო ნომერი: ერთი ზარი გადაარჩენს სიცოცხლეს!
ტელეფონის ნომერი:
0901200270ადამიანის ცხოვრება, ერთმა უბედურმა შემთხვევამ შეიძლება თავდაყირა
დააყენოს.
ბიოფიზიკოსი, პროფესორი დავით შარვაშიძე
ავტოკატასტროფამდე სავსე, საინტერესო ცხოვრებით ცხოვრობდა. ახლა თავის არსებობას
ცხოვრებას არ ეძახის და აწმყოზე საუბარი არ უყვარს. იგი წარმატებული ადამიანი იყო. 1948 წელს ვერაზე დაიბადა, ცნობილი და გამოჩენილი ხალხის მეზობლად. ძნელი და საინტერესო
პროფესია აირჩია
– ბიოფიზიკა. სწავლობდა, ასწავლიდა და მუშაობდა რუსეთის წამყვან ინსტიტუტებში.
ახალგაზრდა ლექტორი, საინტერესო სამეცნიერო
კვლევები, ლამაზი
და ჭკვიანი სტუდენტები… კიდევ რა უნდა ენატრა ახალგაზრდას 30 წლის ასაკში? სიყვარული – სიყვარულიც იყო! დიდი და ზღაპრული… მაგრამ სამწუხაროდ გოგონამ სხვა
არჩია, და დავითი მარტო დარჩა. ოჯახი არ შეუქმნია
და შვილებიც არ ჰყავს. ნანობს ამის შესახებ?
-არაფერზე
არ ვნანობ, – ამბობს დავითი -რაც მოსახდენი იყო, მოხდა. წარსულით
ცხოვრება არ მიყვარს, მაგრამ სხვა გამოსავალი არ მაქვს.
90-იან წლებში სამშობლოში დაბრუნდა და საქართველოს ეროვნულ-განმათავისუფლებელ მოძრაობაში ჩაება. მას
არ აინტერესებდა არაფერი, სამშობლოს დამოუკიდებლობის გარდა. არც თავბრუდამხვევი კარიერა,
არც მაღალი ხელფასი და არც უზრუნველყოფილი მომავალი რუსეთში. მძიმე წლები იყო საქართველოში. არც შუქი, არც გათბობა, არც საჭმელი… სამეცნიერო მოღვაწეობაზე ფიქრიც ზედმეტი იყო. თავი
რომ ერჩინა, დავითმა რეპეტიტორად დაიწყო მუშაობა და მოსწავლეები აიყვანა.
ცოტა ხანში ავტოკატასტროფაში მოხვდა, ხერხემალი დაიზიანა… გადარჩა, თავიდან ისწავლა სიარული, მაგრამ სახლთან სეირნობისას, კიდევ ერთხელ დაარტყა მანქანამ… მეორედ! ამ შემთხვევამ, კი დავითი სამუდამოდ მიაჯაჭვა ინვალიდის ეტლს.
– ბედის ირონიაა – ამბობს დავითი. – ორგანიზმში მიმდინარე ყველა ის ბიოფიზიკური მოვლენა, რომელსაც ადრე, მეცნიერის რანგში შევისწავლიდი და ვაკვირდებოდი, ახლა ჩემში მიმდინარეობს. უკვე 34 წელია უმოძრაოდ ვარ, და
აღარც მახსოვს, როგორი ვიყავი ავტოკატასტროფამდე. ზოგჯერ მგონია, რომ ეტლიანად დავიბადე
– ხუმრობს დავითი.
ასე ცხოვრობს დავითი მარტო, ინვალიდის ეტლს მიჯაჭვული.
ერთადერთი ორგანიზაცია, რომელიც მას უსასყიდლოდ ეხმარება, საქველმოქმედო ფონდი „სოციალური
პარტნიორობაა“. ფონდის პროფესიონალური გუნდი, ექიმები ექთნები და სოციალური მუშაკები
ზრუნავენ ბატონ დავითზე, ისევე როგორც 500 სხვა საწოლს მიჯაჭვულ, მარტოხელა, სიღარიბის
ზღვარს ქვემოთ მყოფ ადამიანზე. მათთვის ფონდის მხარდაჭერა და დახმარება სასიცოცხლოდ მნიშვნელოვანია. ფონდი ამარაგებს ბატონ
დავითს საჭირო წამლებით და ჰიგიენური საშუალებებით. პროფესიონალი ექთნები უზრუნველყოფენ
მის მკურნალობას და პირადი ჰიგიენის მოწესრიგებას.
„სოციალური პარტნიორობა“ იწყებს აქციას, ბატონი
დავითისთვის ახალი ინვალიდის ეტლის შესაძენად. ძველს, რომელშიც ის უმეტეს დროს ატარებს, სერიოზული
დაზიანება აქვს. ახალი სავარძელი მისთვის, სამწუხაროდ, მიუღწეველი მიზანია.
ვისაც გაქვთ სურვილი ამ კეთილ საქმეში თქვენი წვლილი შეიტანოთ და ბატონ
დავითის ცხოვრება შეუმსუბუქოთ, შეგიძლიათ თანხა
ჩარიცხოთ ფონდის ანგარიშზე : GE15TB7194336080100003 დანიშნულებაში მიუთითეთ:
დავით შარვაშიძე
ან პირდაპირ ფონდის საიტის მეშვეობით: https://fsp.ge/ge/donate/103/
©ყველა უფლება დაცულია. მასალის გადაბეჭდვა დასაშვებია მხოლოდ პირველწყაროს ლინკის მითითებით.
სულ ხარჯები:
1179.00₾დატოვა:
0₾