თქვენც საშინელი ხმები გაქვთ მუცელში? თუ სიჩუმეა, ეს იმას ნიშნავს, რომ ნაჭამი ხართ, თუ საშინელი ხმაური, იმას, რომ გშიათ.
ექვსი წლის სოფიას და მის სამი წლის ძმას ანდრიას, მუცელში ხშირად აქვთ მსგავსი ხმაური. მათი მამა ძალიან ავად არის, – ხუთი წლის წინ სიკვდილს ბეწვზე გადაურჩა. მოგვიანებით გიამბობთ ამ ისტორიას. იმასაც, თუ როგორ აქცია ერთმა უბედურმა შემთხვევამ, ბედნიერი ოჯახის უდარდელი ცხოვრება ჯოჯოხეთად. არა, არა, არ გაშინებთ; უბრალოდ ვცდილობთ, გამოგაფხიზლოთ.

მარიამი (5 წლის): დედიკო ტირილს იწყებს სიტყვა „კანფეტის“ გაგონებაზე. შენ გეშინია? კანფეტი, კანფეტი! არა, არ გეშინია! მაშინ, „ორი ფული“ მაჩუქე, კანფეტს ვიყიდი. დედიკოსაც ვუყიდი და შენც. გინდა? ან „პეჩენიას“.

„იცით, რომ მალე შობაა? შვილები გყავთ? მათთან თოვლის ბაბუა მოვა? კარგად იქცეოდნენ? თქვენც აჩუქებთ რამეს? თოჯინებსაც? კანფეტებსაც? ისეთ კაბებსაც, პრინცესა ელზას რომ აქვს?“ –მოგვაყარა უამრავი დამაბნეველი შეკითხვა 6 წლის ბარბარემ.

ორი წლის რამაზისთვის, კანფეტი – ყველაზე დიდი საოცრებაა მსოფლიოში! როგორც დედიკო, როგორც და! დედიკოს იშვიათად აქვს ერთი კანფეტის ყიდვის საშუალება და ეს ბიჭუნასთვის, ნამდვილი დღესასწაულია. ისე უფრთხილდება, როგორც ყველაზე ძვირფას საჩუქარს, კოცნის კიდევაც.

თუ არ იცით, ვისზე ვსაუბრობთ, გაიღიმებთ და იტყვით: „ვაიმე, რა სასაცილო ბავშვია“. ნეტავ როგორი იქნება თქვენი რეაქცია, თუ გეტყვით იმას, რომ ამ ბიჭუნას, მთელი თავისი ბავშვობის მანძილზე, მხოლოდ რამდენიმეჯერ აქვს ნაჭამი ტკბილეული? თუ გეტყვით, რომ ხანდახან, მისი ერთადერთი საჭმელი ჩაია? თუ გეტყვით, რომ ძალიან შურს დაიკოსი, რომელსაც დედა რძეს აჭმევს? ისევ იტყვით, რომ საყვარელია, თუ შეგეშინდებათ?

ეს სიტყვები 54 წლის ქალს ეკუთვნის, ევროპაში რომ გაფურჩქვნის ასაკს ეძახიან.მაგრამ ელისო სიკვდილს გაუმიჯნურდა…
როცა თითქმის მთელ ოჯახს მიწაში ჩადებ – მამას, დედას, ძმას, დას, დისშვილს – საკუთარ სიცოცხლეს აღარ აქვს მნიშვნელობა. დარდმა ელისო გაანადგურა, უბედურებებს კი ბოლო არ უჩანდა. დღემდე გრძელდება.

იცოდით, რომ ძალიან დიდხანს თუ არ შეჭამ, მუცელი ბუყბუყს იწყებს? ხანდახან იმდენად ხმამაღლა, რომ შეიძლება მეზობლებმაც კი გაიგონ. და ის თუ იცოდით, ბუყბუყის გასაჩერებლად, მუცელზე რომ უნდა დაწვე და ფუმფულა დათუნიას ჩაეხუტო? სცადეთ! რვა წლის მარიამი და შვიდი წლის ანანო გვიმტკიცებენ, რომ შველის. სწორედ ასე იწვნენ და ცდილობდნენ „მშიერი ბუყბუყას“ დამშვიდებას.