რეგულარული გადახდების ფუნქცია ხელმისაწვდომია
შეგიძლიათ წარმოიდგინოთ, რომ მომაკვდავი, ჯერ კიდევ ახალგაზრდა, 41 წლის ქალი, სიკვდილის პირას მუდმივი 39–40 გრადუსი ტემპერატურით, საწოლიდან წამოდგომას თუ ახერხებს, ჯართის შესაგროვებლად მიდის, რათა წამლები და სულ ცოტა საკვები მაინც უყიდოს თავის მძიმედ დაავადებულ შვილებს?.. მათთვის, ბავშვებისთვის მაინც იყიდოს, რომლებიც საკუთარ სიცოცხლეზე მეტად უყვარს! ამ საშინელების გადმოცემა სიტყვებით შეუძლებელია! ნუ დაუშვებ, ღმერთო, რომ მსგავსი რამ გადავიტანოთ რომელიმემ!!! ფონდის მეგობრებო, გვხოვთ, გამოეხმაუროთ და გაითავისოთ ამ ოჯახის უბედურება! ყველაზე მთავარი, რაც ღმერთმა მოგვცა ამ ცხოვრებაში, ხომ ისაა, რომ გვერდი არ ავუაროთ სხვის გასაჭირს! უპირველესად, ვიზრუნოთ დედაზე, რადგან მას, ღმერთმა არ ქნას და რამე თუ დაემართა, საკუთარ თავს არ ვაპატიებთ! წარმოდგენაც კი რთულია, როგორ გაიტანენ თავს ავადმყოფი ბავშვები თავს დედის გარეშე. დედა მათთვის წმინდაა, ის ყველაფერია, რაც მათ გააჩნიათ.
Bank of Georgia
Ბანკის კოდი:
კოპირებულია
ნომერი:
კოპირებულია
TBC Bank
Ბანკის კოდი:
კოპირებულია
ნომერი:
კოპირებულია
Liberty Bank
Ბანკის კოდი:
კოპირებულია
ნომერი:
კოპირებულია
საქველმოქმედო ნომერი: ერთი ზარი გადაარჩენს სიცოცხლეს!
ტელეფონის ნომერი:
0901200270„მოვკვდები მე და ჩემთან ერთად ჩემი ვაჟებიც დაიღუპებიან! აუცილებლად, აუცილებლად უნდა ვიცოცხლო!“
შეგიძლიათ წარმოიდგინოთ, რომ მომაკვდავი, ჯერ კიდევ ახალგაზრდა, 41 წლის ქალი, სიკვდილის პირას მუდმივი 39–40 გრადუსი ტემპერატურით, საწოლიდან წამოდგომას თუ ახერხებს, ჯართის შესაგროვებლად მიდის, რათა წამლები და სულ ცოტა საკვები მაინც უყიდოს თავის მძიმედ დაავადებულ შვილებს?.. მათთვის, ბავშვებისთვის მაინც იყიდოს, რომლებიც საკუთარ სიცოცხლეზე მეტად უყვარს!
ამ საშინელების გადმოცემა სიტყვებით შეუძლებელია! ნუ დაუშვებ, ღმერთო, რომ მსგავსი რამ გადავიტანოთ რომელიმემ!!!
ლეილა შამოიანი (41 წლის): სულ მთლიანად დამჩეხეს. ცხრა უმძიმესი მრავალსაათიანი ოპერაცია და 12 ნარკოზი გადავიტანე. ამომჭრეს ნაღვლის ბუშტი, ორჯერ მქონდა ნაწლავების გაუვალობა, სამჯერ გამიკეთეს სტენტირება მარჯვენა თირკმელზე, რომელიც ბოლოს ამომკვეთეს, ამომჭრეს საშვილოსნო საკვერცხეებით. ციებ–ცხელება მაქვს, 40 გრადუსამდე სიცხეს მაძლევს, სხეულზე ადგილი არ დამრჩა, რომელიც არ მტკივა. ყველაზე ცუდი ისაა, რომ ქართველი ექიმები ვერ მეუბნებიან, რა მჭირს?!
„დახმარებისთვის ჩერნოვეცკის ფონდს მივმართე, სხვა გზა არ მაქვს“
ლეილა: დამეხმარეთ, დამეხმარეთ, რომ გამოკვლევა ჩავიტარო თურქეთში. ჩვენი ოჯახი მთელი ცხოვრება ვერ შეაგროვებს საჭირო თანხას – 4400 დოლარს. ეს ჩემი სიკვდილ–სიცოცხლის საკითხია! შეიძლება მალე მეორე თირკმელიც გამეთიშოს! გთხოვთ, გადამარჩინეთ! მე ხომ ჯერ კიდევ ახალგაზრდა, 41 წლისა ვარ. მინდა ვნახო, როგორ იზრდებიან ჩემი შვილები.
„თუ მე მოვკვდები, რა დაემართებათ ჩემს მძიმედ დაავადებულ ვაჟებს? ისინი დედაზე არიან მიჯაჭვულები“ ლეილა: ალექსანდრეს ეპილეფსია აქვს, ნიკუშას – მენინგიტის შედეგად განვითარებული გონებრივი ჩამორჩენილობა. თუ დროულად არ მიიღებენ აბებს, კრუნჩხვები და აგრესიის შეტევები ეწყებათ. ჩემი ბიჭი 13 წლისაა, მაგრამ დღემდე პამპერსი სჭირდება.
„ნიკუშამ რომ დაიძინოს, სამი სახეობის დამამშვიდებელს ვაძლევ ერთდროულად. ხშირად საწოლზე ზის დილის 5 საათამდე. მასთან ერთად ვზივარ მეც“
„ჩემი შუათანა ვაჟი, სტეფანე 14 წლისაა. სკოლის დატოვება მოუწია, რომ ავადმყოფი ძმისთვის მოევლო. მე მარტო ვერ ავუდივარ“
– რით ცხოვრობთ, ლეილა?
ლეილა: კი არ ვცხოვრობთ, ვარსებობთ სოციალური დახმარებითა და ჩემი ვაჟების ინვალიდობის პენსიით. მე და ჩემი ქმარი მშვიდად ვერ ვუყურებთ, როგორ იტანჯებიან ბიჭები. ქუჩაში ჯართს ვაგროვებთ, რომ ჩავაბაროთ და გამომუშავებული ფულით წამლები და პროდუქტი ვიყიდოთ.
„ჩემი ქმარი ძველ ტელევიზორებსაც შლის ნაწილებად და ყიდის. შავ მუშად მუშაობს, მაგრამ სამუშაო ყოველთვის არა აქვს“
ლეილა: ყველაფრისთვის მზად ვარ, რომ ბავშვები გამოვკვებო! მიჭირს ამაზე ლაპარაკი, მაგრამ იყო დრო, როცა ქუჩაში მოწყალებას ვითხოვდი. მაგრამ ახლა ათი წუთიც კი ვერ ვჩერდები ფეხზე! თანაც ძალიან მრცხვენია, ძალიან მრცხვენია! გთხოვთ, დამეხმარეთ, არ მინდა ძველ ცხოვრებას დავუბრუნდე! ნუთუ ისევ ხელგაწვდილს მომიწევს დგომა?
– დიდი ხანია, ამ სახლში ცხოვრობთ?
ლეილა: აქ უკვე 13 წელია ვცხოვრობთ. ადრე მხოლოდ კედლები იყო: არც შუქი იყო, არც წყალი, არც გაზი. წვიმა და თოვლი თავზე დაგვდიოდა, ჩვენ კი ცელოფანს ვიფარებდით. მას შემდეგ ბევრი არაფერი შეცვლილა.
„სახურავიდან როგორც წვეთავდა, ისევე წვეთავს. შეხედეთ, კარიც კი არა გვაქვს“
ლეილა: მე არ გთხოვთ, რომ შეკეთებაში დამეხმაროთ. აქ 14 ოჯახი ჩვენ მსგავსად უფლებების გარეშე ცხოვრობს. ჩვენ ყველანი ვცდილობთ, რომ ქალაქის ადმინისტრაციამ ოფიციალურად გაგვიფორმოს ეს სახლები. ძალიან მეშინია, რომ ჩემი ავადმყოფი შვილები ჩემი სიკვდილის შემდეგ ქუჩაში არ გაყარონ აქედან.
ფონდის მეგობრებო, გვხოვთ, გამოეხმაუროთ და გაითავისოთ ამ ოჯახის უბედურება! ყველაზე მთავარი, რაც ღმერთმა მოგვცა ამ ცხოვრებაში, ხომ ისაა, რომ გვერდი არ ავუაროთ სხვის გასაჭირს!
უპირველესად, ვიზრუნოთ დედაზე, რადგან მას, ღმერთმა არ ქნას და რამე თუ დაემართა, საკუთარ თავს არ ვაპატიებთ! წარმოდგენაც კი რთულია, როგორ გაიტანენ თავს ავადმყოფი ბავშვები თავს დედის გარეშე. დედა მათთვის წმინდაა, ის ყველაფერია, რაც მათ გააჩნიათ.
თუ გსურთ, მოინახულოთ ოჯახი და პირადად დაეხმაროთ, მათი მისამართია: ქ. თბილისი, სვანების ბაზრობის ტერიტორია, ადგილი 14/282.
ყოველ ჯერზე, როცა ვინმეს დახმარება შეგიძლიათ, უბრალოდ გააკეთეთ ეს და გაიხარეთ, რომ ღმერთი თქვენი მეშვეობით პასუხობს ვიღაცის ლოცვებს!
მეგობრებო, ჩვენი ფონდის დამფუძნებელმა ორჯერ გადაიტანა ლეილა შამოიანის მომაკვდინებელი დაავადებებიდან მხოლოდ ერთი და ორი 5-საათიანი ოპერაცია ნარკოზის ქვეშ. მას შემდეგ 20 წელი გავიდა. ის დღემდე მადლობას უხდის უფალს, რომ არ მოკვდა, რადგან ამ დაავადების საშინელებისა და მისი შედეგების აღწერა უბრალოდ შეუძლებელია!
მან სპეციალურად თქვენთვის მოიძია ინფორმაცია ამ დაავადების შესახებ, რადგან, ღმერთმა არ ქნას, ვინმე მოკვდეს ამ დაავადებით. საქართველოში ხომ ასე უყვართ ქეიფი… ფრთხილად იყავით და, რა თქმა უნდა, ჯანმრთელად იყავით, მეგობრებო! მაგრამ აუცილებლად წაიკითხეთ ეს სტატია! ასეთი რამ შეიძლება ნებისმიერს დაემართოს და თუ მალევე ვერ შეამჩნევთ მიზეზს, ყოველ საათში ნახევარი მეტრი ნაკლავი კვდება. ერთ დღეში შეიძლება სიცოცხლე დაკარგოთ! ღმერთმა ჯანმრთელობა მოგცეთ, ლეონიდ!
ნაწლავის გაუვალობა არის დაავადება, რომლის დროსაც საკვების მოძრაობა ნაწლავებში ნაწილობრივ ან მთლიანად ჩერდება. ყველაზე ხშირად ნაწლავის გაუვალობა ემართება ხანდაზმულ ადამიანებს, ასევე მათ, ვინც ნაწლავის ოპერაცია გაიკეთა.
ნაწლავის გაუვალობის მიზეზები შეიძლება განსხვავებული იყოს:
დღეს ნაწლავის გაუვალობა მუცლის ღრუს ერთ–ერთ ყველაზე საშიშ დაავადებად ითვლება. კლინიკური სურათის მიხედვით გამოიყოფა დაავადების შემდეგი სახეობები: ნაწლავის მწვავე გაუვალობა, ქრონიკული და მორეციდივე გაუვალობა. ასევე ნაწლავის გაუვალობა შეიძლება იყოს თანდაყოლილი ან შეძენილი. თანდაყოლილი გაუვალობა შეიძლება გაჩნდეს ნაწლავის განვითარების მანკების გამო. ყველა სხვა სახეობა კლასიფიცირდება როგორც შეძენილი.
გაჩენის მექანიზმის მიხედვით იყოფა დინამიური ნაწლავის გაუვალობა და მექანიკური გაუვალობა. თავის მხრივ, დინამიური ნაწლავის გაუვალობა იყოფა სპასტიკურ და პარალიზურ ფორმებად. ხოლო მექანიკური გაუვალობა შეიძლება იყოს ობტურაციული ან სტრანგულაციური. ამ დაავადების ერთ–ერთი ყველაზე გავრცელებული სახეობაა შეხორცებული ნაწლავის გაუვალობა, რომლის მიზეზია სისხლჩაქცევა ან მუცლის ტრავმა, ასევე ადრე გადატანილი პერიტონიტები.
დაავადების სიმპტომები დამოკიდებულია გაუვალობის ფორმაზე. დინამიური ობსტრუქციის სპასტიური ფორმის დროს ხდება ნაწლავის მცირე უბნის სპასტიური შეკუმშვა, ხოლო პარალიზური ფორმის დროს ნაწლავის კუნთების პარალიზება ხდება დიდ ფართობზე. გაუვალობის ამ ფორმების სიმპტომები მრავალფეროვანია: შებერილობა, არტერიული წნევის დაქვეითება, ტაქიკარდია, პერისტალტიკის ნაკლებობა, მუცლის ღრუს გაღიზიანება. ხშირ შემთხვევაში ხდება ღებინება და დიდი რაოდენობით სითხის დაკარგვის გამო პაციენტის ორგანიზმის გაუწყლოება.
ნაწლავის გაუვალობის მექანიკური ფორმის სიმპტომები დინამიური გაუვალობის სიმპტომების მსგავსია, მაგრამ უფრო გამოხატული. მთავარი სიმპტომია ძლიერი ტკივილი მუცლის არეში, ნაწლავის ბლოკირების ადგილზე და აქვს კრუნჩხვითი ხასიათი. თუ ნაწლავის ჩაბრუნება წარმოიქმნება, ტკივილი შეიძლება იმდენად ძლიერი იყოს, რომ პაციენტი შეიძლება შოკში ჩავარდეს. ასევე მექანიკური გაუვალობის სიმპტომია მუდმივი ღებინება.
ხშირად, ნაწლავის გაუვალობის მქონე პაციენტებს აღენიშნებათ გაზებისა და განავლის შეკავება. დაბალი გაუვალობის შემთხვევაში, დეფეკაციის ყველა სურვილი წარუმატებელია და საფაღარათო საშუალებების მიღება კიდევ უფრო აუარესებს მდგომარეობას. მაღალი გაუვალობის დროს ოყნის გამოყენება საშუალებას გაძლევთ გაწმინდოთ ნაწლავის ქვედა ნაწილები, ამასთან გამოიყოფა დიდი რაოდენობით აირები და განავალი. მაგრამ პაციენტის ზოგადი მდგომარეობა არ უმჯობესდება. დიაგნოზის დასადასტურებლად პაციენტს უტარდება მუცლის ღრუს რენტგენოლოგიური გამოკვლევა. ბავშვებში ნაწლავის გაუვალობისთვის გამოიყენება მაგნიტურ–რეზონანსული ტომოგრაფია.
ნაწლავის გაუვალობის მკურნალობა შესაძლებელია მხოლოდ ქირურგიულად. თუ პაციენტს არ აღენიშნება დიფუზური პერიტონიტის სიმპტომები, მაშინ ნაწლავის გაუვალობის მკურნალობა, უპირველეს ყოვლისა, გულისხმობს გამწმენდი ოყნის გაკეთებას. როდესაც გაზები და განავალი გამოდის, შეშუპება ქრება და ტკივილი ყუჩდება, პაციენტს შეუძლია ქირურგიული ჩარევა. ასევე, ოპერაციის დროს პაციენტს ეძლევა ინტრავენური გლუკოზის ხსნარი და კეთდება სისხლის გადასხმა.
ნაწლავის გაუვალობის ოპერაცია ტარდება ზოგადი ანესთეზიის ქვეშ. პოსტოპერაციულ პერიოდში, პირველ დღეს, პაციენტს უტარდება ნაწლავისა და კუჭის შიგთავსის ასპირაცია. მომავალში მიიღება ზომები ნაწლავის მოძრაობის აღდგენის მიზნით.
მეგობრებო, კიდევ ერთი თხოვნა გვაქვს თქვენთან: თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: office-fsp@fsp.ge
საქართველოს ბანკი GE64BG0000000470458000
თი ბი სი ბანკი GE15TB7194336080100003
ლიბერთი ბანკი GE42LB0115113036665000
თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.
თანხის ჩარიცხვა ასევე შესაძლებელია ტერმინალებიდან: ExpressPay, TBCpay, PayBox (OPPA). ჩვენს ფონდს იპოვით ქვეთავში “ქველმოქმედება“. ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე: https://goo.gl/GY2Gus
ერთად, ჩვენ დავეხმარეთ უკვე ათასობით შეჭირვებულს. გავუმართოთ ხელი ამ ოჯახსაც! ვინ იცის, იქნებ სრულიად უცხო ადამიანების დახმარება ოდესმე თავადაც დაგვჭირდეს?! რადგან არავინ იცის, რას გვიმზადებს ცხოვრება ხვალ!
სულ ხარჯები:
დატოვა: