გუდაუთის ქუჩაზე ხანძრის შედეგად გარდაცვლილთა ოჯახებს მერია დაეხმარება.
ამის შესახებ თბილისის მერმა დავით ნარმანიამ დედაქალაქის სხდომაზე განაცხადა.
ნარმანიამ სათანადო დავალება რაიონის გამგეობებისა და შპს "ჰერმესის" ხელმძღვანელებს მისცა.
„სამწუხაროდ ხანძარს ორი ჩვენი თანამოქალაქე ემსხვერპლა. მინდა, მათ ოჯახებს მიუსამძიმრო. ასევე, მინდა, ხაზი გავუსვა, რომ თბილისის მერია ამ ოჯახებს გვერდით დაუდგება და შესაბამისი მომსახურება, საჭიროებები ჩვენი მხრიდან იქნება უზრუნველყოფილი", - განაცხადა დავით ნარმანიამ.
გუდაუთის ქუჩაზე გაჩენილი ხანძრის შედეგად ორი ადამიანი გარდაიცვალა, დაშავდა - 5 ადამიანი. მათგან 3 დამწვრობის ცენტრში გადის მკურნალობას.