„მაკდონალდსმა“ ჩერნოვეცკის ფონდის პატარა ბენეფიციარებს დღესასწაული მოუწყო. შეჭირვებული ბავშვების თვალებში სევდა, ბედნიერების ღიმილმა შეცვალა
„მაკდონალდსი“ სწორედ ის ადგილია, რომელიც გამორჩეულად უყვართ ბავშვებს. თუმცა, შეჭირვებული ოჯახის შვილებისთვის ეს ოცნებაა, რადგან ხშირ შემთხვევაში, მათ მშობლებს, მაკარონის და მედიკამენტების ყიდვის საშუალებაც კი არ აქვთ. სამაგიეროდ, „მაკდონალდსს’’ არ ავიწყდება ასეთი ბავშვები. ალბათ, თქვენც შეამჩნევდით, რომ ჩერნოვეცკის ფონდის პატარა ბენეფიციარები „მაკდონალდსის“ სტუმრობით განებივრებულები ხშირად არიან. იციან, რომ მათ იქ ნამდვილი დღესასწაული ელით. მორიგი ასეთი დღესასწაული „მაკდონალდსმა“ ჩვენს პატარებს, ბავშვთა დაცვის დღეს მოუწყო. ფონდის მეგობრებო, დიდი სიხარულით გიზიარებთ ბავშვების ემოციების ამსახველ კადრებს, აქ ზედმეტია სიტყვები.
გარდა ამისა, „მაკდონალდსმა“ სათამაშოებიც აჩუქა ჩვენს ბავშვებს. მათ რეაქციას შეხედეთ და მიხვდებით, რომ ამ პატარებისთვის უცხოა ასეთი პოზიტიური სიურპრიზები. ეს მომენტები ცხოვრების ბოლომდე ემახსოვრებათ.
მეგობრებო, პოსტის წაკითხვის შემდეგ, ალბათ, კიდევ ერთხელ დარწმუნდით იმაში, რომ ფონდის ბავშვებს სითბო და მზრუნველობა ძალიან სჭირდებათ. ჩვენ კი, თუნდაც მცირედით, მათი გახარება შეგვიძლია. ვისაც გსურთ, ნებისმიერი ფორმით წვლილის შეტანა და შეჭირვებული ბავშვების გახარება, დაგვიკავშირდით და ჩვენ დაგეხმარებით ამაში.
რეკომენდებული პროექტები:
