ჩვენო ძვირფასო მკითხველო, განა, რამდენ ადამიანს იცნობთ საქართველოში ისეთს, ვისაც ერთადერთი შვილი მოუკვდა, ამავდროულად ქვრივია, ფეხმოკვეთილი და თან, უსახლკარო? ამ საბრალო ქალს, კატის მეტი აღარავინ დარჩა. წარმოიდგინეთ, კატა მარტოს არ ტოვებს. ნუთუ ჩვენ, ადამიანები, დიდ განსაცდელში ჩავარდნილ ადამიანს დახმარების ხელს არ გავუწვდით? კიბის გვერდით პატარა პანდუსი მოწყობა რომ შევძლოთ, საბრალო ქალის წამებას ბოლო მოეღება. ეტლით პანდუსზე ჩამოვა ეზოში და მზეს მაინც მიეფიცხება, დილით სუფთა ჰაერს ისუნთქებს. ახლა კი, ბნელი ოთახიდან ვერ გადის, რადგან კიბეზე ჩასვლა არ შეუძლია.

არავინ ვიცით, ვის რა გველოდება ხვალ. სამყარო კი, ბუმერანგის პრინციპით მოქმედებს. რასაც გავცემთ, ის დაგვიბრუნდება. ხოლო, როდესაც დადგება ჟამი და უფლის წინაშე წარვდგებით, რა პასუხს გავცემთ მას, თავს რით ვიმართლებთ? იმისთვის, რომ სასოწარკვეთილ ადამიანს დახმარების ხელი გაუწოდო, ბევრი ფული სულაც არ არის საჭირო, მთავარია კეთილი გული.

სამი მძიმედ დაავადებული ძმა ჯართს აგროვებს, შიმშილით რომ არ დაიხოცონ! მათ სასწრაფოდ სჭირდებათ საკვები და მედიკამენტები! ყოველგვარი გაზვიადების გარეშე, ისინი დაიღუპებიან, თუ არ დავეხმარეთ! ნინო, დედა (55 წლის): „ჯართს ვაბარებთ, ხან 3 ლარს გვაძლევენ, ხან 20-ს. იცით, რა გულსატკენია, როდესაც ბავშვები საჭმელს ითხოვენ, მაგრამ ავადმყოფობის გამო, არ ესმით, ხმელი პურის ნატეხსაც კი, რატომ ვერ ვაძლევ! მეტირება!“ ეს, 17 წლის ტყუპები, ნია და ნიკოლოზი არიან. ბიჭი მჯდომარე მდგომარეობაში დაიბადა, მშობიარობა ძალიან რთული იყო, ბავშვი „მაშებით“ ამოიყვანეს. უჟანგბადობის გამო, ნიკოლოზს თავის ტვინი დაუზიანდა. საბრალო, საბრალო ნიკოლოზი! ბიჭი ვერ ლაპარაკობს და დამოუკიდებლად არაფრის გაკეთება შეუძლია. უკვე 17 წელია, დედა როგორც ჩვილს, ისე უვლის. ყველაზე დიდი საშინელება კი ის არის, რომ მის გარდა, კიდევ ორი ასეთი ​​​​„დიდი ჩვილი“ ჰყავს! შოთიკო ასთმური შეტევებით იტანჯება. ბავშვობაში მენინგიტი გადაიტანა. ვერ ლაპარაკობს, მხოლოდ ერთ სიტყვას ამბობს: „დედა“. ოჯახის წევრებს კი, ჟესტებით აგებინებს, რა უნდა.

მეგობრებო, ამ ოჯახის ისტორია ნამდვილი ტრაგედიაა! საერთო დიდი ძალისხმევა დაგვჭირდება, უფლის ნათელი სული ამ სახლში რომ აღვადგინოთ! ეს, ჯეირანაშვილების უსაზღვროდ უბედური ოჯახია, სრული შემადგენლობით. ტახტის კიდეზე 48 წლის თინაა ჩამომჯდარი, რომელიც ჯერ კიდევ ახალგაზრდა იყო, როდესაც ექიმების უპასუხისმგებლობის გამო, პირველი შვილი გარდაეცვალა! თქვენ მიერ გაღებული ერთი ლარიც კი, დიდი წვლილის შეტანას ნიშნავს იმაში, რომ ამ საშინელ ოთახში პირველ რიგში, დეზინფექცია გაკეთდეს, შპალერი გაეკრას, იატაკი დაიგოს, ჩატეხილი ფანჯრებიდან კი, აღარ შედიოდეს წვიმა და ქარი. შემდეგ, აუცილებლად გაგიზიარებთ ვიდეო მასალას, რათა თავად დარწმუნდეთ იმაში, რომ ეს განწირული ოჯახი სწორედ თქვენ გადაარჩინეთ. ეს დიდი სიკეთე კი, თქვენი ცხოვრების ყველაზე რთულ გზაზე, აუცილებლად დაგხვდებათ წინ. უკვალოდ ხომ, არაფერი იკარგება…

მოხუცებს ახალი გაზქურაც აჩუქეს. რა საოცრებაა! ბებია ოლიკოს ასანთი აღარ სჭირდება, რომელიც ადრე, სულ დანესტილი იყო და სტანჯავდა მას… ოლიკო ბებომ ფონდის თანამშრომელი გულში ჩაიკრა და ბედნიერებისგან ატირდა კიდეც, სარეცხი მანქანა რომ დაინახა. გივი ბაბუს ეზოში ეძინა, ძირკვზე თავმიდებულს. დანგრეულმა რკინის საწოლმა დატანჯა. ოჰ, რა სიხარულით დაუძახა ოლიკო ბებომ, როდესაც ახალი საწოლები აეწყო სახლში: „დაწექი, გივი, დაიძინე ადამიანურად. ახლა, ნორმალურად დაისვენებ“.

მეგობრებო, უფალი სცდის ჩვენ გულებს აღდგომის დღესასწაულზე და შესაძლებლობას გვაძლევს, რომ დახმარების ხელი გავუწოდოთ ლევანს ამ უდიდესი ადამიანური განსაცდელის დროს! ასეთ დიდებულ დღეებში ჩვენ გვწამს, რომ ადამიანთა გულები იხსნება და სასწაული ხდება! მეგობრებო, ყოველდღე სამი პატარა ევედრება ღმერთს, რომ მამიკო გამოჯანმრთელდეს. ის, რაც ჩვენთვის შეუძლებელი ჩანს, უფლისთვის შესაძლებელია და ოჯახი სასწაულის მოლოდინშია. მაგრამ ის რომ მოხდეს, თქვენი დახმარებაა საჭირო! გამოკვლევების გარდა, ლევანს რეაბილიტაციის, ფიზიოთერაპიისა და მასაჟის ხანგრძლივი კურსი ესაჭიროება. ოჯახი ვერ გაუმკლავდება ამას ჩვენ გარეშე! სულ მცირე თანხამაც კი, რომელსაც თქვენ გაიღებთ ლევანის გამოსაჯანმრთელებლად, შეიძლება მისი სიცოცხლე გადაარჩინოს!