ნინო: მთელი ჩემი ტანსაცმელი კვამლის სუნით არის გაჟღენთილი. უფრო სწორად, მთელი ჩვენი ტანსაცმელი დაიწვა და სხვის მოცემული გვაცვია. მაგრამ იმასაც კვამლის სუნი აქვს. ყველაფერი მქონდა, მაგრამ ფერფლად იქცა რამდენიმე საათში. ჩემი საწოლი, ჩემი მაგიდა, სადაც ვმეცადინეობდი და ვხატავდი, ჩემი ფანქრები, ჩემი კაბები და ჩემი კომპიუტერი... დედა ამბობს, ღმერთმა გადაგვარჩინა, რომ ჩვენც ფერფლად არ ვიქეცით. მაგრამ, მე ასე არ ვფიქრობ. ჯობდა ყველაფერი ისევ ისე ყოფილიყო და არ დამწვარიყო