სათამაშოები არასდროს მქონია!

 გიორგი: შეიძლება, ჩემი ოცნება რომ გითხრათ? დედას რომ ვუთხრა, ისევ იტირებს. მეტყვის, რომ ფული არ აქვს. მე კი ძალიან მინდა მქონდეს ველოსიპედი! ველოსიპედით ნამდვილი დიდი ბიჭი მეგონებოდა ჩემი თავი! როგორ გავიხარებდი! სასკოლო ჩანთა ჯერ არ მაქვს, სექტემბერში კი, სკოლაში უნდა წავიდე. არაფერი მაქვს, ჩანთაში რომ ჩავალაგო. როგორ მიმიღებენ სკოლაში ამ ყველაფრის გარეშე? დედა მეუბნება, რომ მიმიღებენ. მე კი მგონია, რომ - არა. შენ როგორ ფიქრობ? კიდევ, ახალი ფეხსაცმელი მინდა. ჩემი ძველი ჩუსტები სულ დახეულია და ფეხები ხშირად მისველდება, გარეთ როდესაც ვთამაშობ.