ჩერნოვეცკის საქველმოქმედო ფონდი

დემირელის კოლეჯის სტუდენტები სტუმრად ჩვენს ბავშვებთან

ფონდის სიახლეები
წლის წინ

მცირე საოჯახო ტიპის სახლში ახალმა წელმა ნამდვილი ზარ-ზეიმით ჩაიარა. ბავშვებს ძალიან ბევრი ცნობილი და საინტერესო სტუმარი ეწვია. პატარები უამრავი საჩუქრით გაანებივრეს, თუმცა მათ შორის ყველაზე მნიშვნელოვანი და ძვირფასი ახალი მეგობრები და საზეიმო განწყობაა. ახალი წელი ბავშვებისთვის ახალი იმედებისა და ახალი სიხარულის პერიოდია, რაც ჩვენს სახლში განსაკუთრებით იგრძნობოდა. მოხალისეების საჩუქრებისა და ბავშვების აქტიურობის წყალობით სახლი სრულად გაფორმებულია საახალწლო სათამაშოებით, ბუშტებითა და ფერადი განათებით, რაც განსაკუთრებული საზეიმო ვითარების საწინდარი გახდა.

ჩვენ უკვე ავღნიშნეთ, რომ ყველაზე ძვირფასი და სასურველი საჩუქრები ახალი მეგობრები და მხიარული განწყობაა. სწორედ ასეთი სიურპრიზით ესტუმრნენ მცირე საოჯახო ტიპის სახლს დემირელის კოლეჯის სტუდენტები. ისინი ბავშვებისათვის საყვარელი დისნეის პერსონაჟების ფორმაში გადაცმულები გამოვიდნენ და ძალიან სახალისო წარმოდგენა გამართეს. პატარების ჟრიამულსა და აღტაცებას საზღვარი არ ჰქონდა.

„სოციალური პარტნიორობა“ დიდ მადლობა უხდის დემირელის კოლეჯის სტუდენტებს გამოჩენილი ინიციატივისათვის და  ესეთი თბილი დამოკიდებულებისათვის ბავშვების მიმართ.