ნუთუ ისევ ცოცხალი ვარ?!

47 წლის ხათუნას აღარც კი ახსოვს, ბოლოს ასე ბედნიერად როდის იღიმოდა.

„თქვენი წყალობით მეგობრებიც შევიძინე და სიცოცხლის ხალისიც მომეცა... უამრავი ხალხი მირეკავდა, ცდილობდნენ გვერდში დამდგომოდნენ!“ - ამბობს ქალი და თავისი ბედნიერების დაჯერება უჭირს, რადგან ამდენწლიანმა მარტოობამ ხალხის სიკეთე და მზრუნველობა გადაავიწყა.

ჩვენი პოსტის გამოქვეყნების შემდეგ მისი მოკრძალებული სახლი სიმყუდროვით აივსო, თავად მას კი თვალებში სიცოცხლის ნაპერწკალი აუკიაფდა!

„ახლა მაცივარიც მაქვს და წამლებიც, მაგრამ ეს ყველაფერი არ არის... საკუთარ თავს აღარ ვესაუბრები, რადგან ახლა ტელევიზორი მაქვს!“

რამდენი გაჭირვების ატანა აღარ მოუწია ამ ნაზ, ტანჯულ ქალს; რამდენის გაძლება, რამდენი წლის გატარება დამქანცველ სიჩუმეში... მაგრამ ჩვენმა ყურადღებამ და მოყვასისადმი სიყვარულმა ხათუნას ცხოვრებაში ნამდვილი სასწაული მოახდინა.

„თანდათან ვიჯერებ, რომ მალე გამოვჯანმრთელდები, ფეხზე მყარად დავდგები, მუშაობას დავიწყებ და თქვენსავით ხალხს დავეხმარები.“

შენთან ერთად ამის ჩვენც გვჯერა, ხათუნა! ერთად, უფლის მოწყალე მზერის ქვეშ, ჩვენ ხალხის განკურნება და გამოცოცხლება შეგვიძლია!  

პოსტამდე  პოსტის შემდეგ

  –ხათუნა, მოგვიყევით, როგორ შეიცვალა თქვენი ცხოვრება მას შემდეგ, რაც თქვენ შესახებ პოსტი გამოვაქვეყნეთ?

  ხათუნა:ყოველ დილას თქვენზე და თქვენს მკითხველებზე ლოცვით ვიწყებ; უფალს ვევედრები, რომ წყალობა არასდროს მოგაკლოთ! პოსტის გამოქვეყნების შემდეგ ჩემი ცხოვრება მკვეთრად შეიცვალა. როცა პირველად მესტუმრეთ და მკითხეთ, ყველაზე მეტად რა მჭირდებოდა, ძალიან მეუხერხულებოდა რამის თხოვნა, რადგან ქვეყანაში ბევრი მშიერი ბავშვია; მაგრამ საკუთარ თავს მაინც გადავაბიჯე და წამლები და მაცივარი გთხოვეთ. თქვენი წყალობით ახლა მაცივარიც მაქვს და წამლებიც, მაგრამ ეს ყველაფერი არ არის... საკუთარ თავს აღარ ვესაუბრები, რადგან ახლა ტელევიზორი მაქვს და არც ესაა ყველაფერი... ღუმელი, უთო, საწოლის თეთრეული... ყველაზე მთავარი კი ისაა, რომ ახლა მარტო აღარ ვარ. თქვენი წყალობით მეგობრებიც შევიძინე და სიცოცხლის ხალისიც მომეცა... ქედს ვიხრი თქვენ წინაშე. ყოველდღე ვილოცებ ყველა თქვენგანისთვის.

  –ახალი მეგობრებიდან ვინმეს განსაკუთრებით ხომ არ აღნიშნავდით?

  ხათუნა:თქვენი პოსტის გამოქვეყნების შემდეგ ბევრი მირეკავდა - როგორც უბრალო ხალხი, ისე სხვადასხვა ორგანიზაცია და ცდილობდნენ გვერდში დამდგომოდნენ. იცით, ამდენწლიანი მარტოობის შემდეგ, ეს ზარები ჩემთვის უდიდესი საჩუქარი და ყველაზე ძლიერმოქმედი წამალია და თანდათან ვიჯერებ, რომ მალე გამოვჯანმრთელდები, ფეხზე მყარად დავდგები, მუშაობას დავიწყებ და თქვენსავით ხალხს დავეხმარები.

   –ყველაზე მეტად ვინ დაგამახსოვრდათ? მათი სახელები თუ გახსოვთ?

  ხათუნა:რა თქმა უნდა, მახსოვს! მახსოვს და ყველასთვის ვლოცულობ! მინდა განსაკუთრებული მადლობა ნინო ქებურიას გადავუხადო - მან მე ნამდვილი ახალი წელი მაჩუქა. ასევე მანანას - „რადიო თავისუფლების“ ჟურნალისტს. განსაკუთრებული მადლობა „კარიტასის“ თანამშრომლებსაც, რომლებიც, პოსტის წაკითხვის შემდეგ, დღემდე შეძლებისდაგვარად მეხმარებიან. თქვენ და თქვენი მკითხველები ჩემთვის ოჯახის წევრებივით გახდით და დიდი მადლობა ამისთვის!

  – თქვენს გასაჭირს ადგილობრივი ხელისუფლება თუ გამოეხმაურა? ჩვენს პოსტზე რაიმე სახის რეაგირება თუ მოახდინეს?

  ხათუნა:დიახ! პოსტის გამოქვეყნების შემდეგ სოციალური მომსახურების სააგენტოდან დამიკავშირდნენ და ახლა სასადილოში სოციალურად დაუცველთათვის კუთვნილ დღიურ ულუფას ვიღებ. დიდი მადლობა მათ!

   –რას ნიშნავს ეს დახმარება და მხარდაჭერა პირადად თქვენთვის?

  ხათუნა:მარტოობის ბოლო წლებში თითქმის ყველაფრის გარეშე გადარჩენა ვისწავლე. დიახ, სიცოცხლისათვის ვიბრძოდი! ახლა კი, თქვენი მხარდაჭერის წყალობით, ვგრძნობ, რომ ცოცხალი ვარ და მარტო აღარ ვარ. ბევრი მეგობარი შევიძინე; თქვენი და თქვენი საჩუქრების წყალობით ყოველდღიური ცხოვრებისეული სირთულეებიც ბევრად გამიიოლდა; ჩემი ოთახი გარდაიქმნა - მასში სიმყუდროვემ დაისადგურა... და რაც მთავარია, აღარ მეშინია, რომ დილას გავიღვიძებ და მოუგვარებელი პრობლემების წინაშე მარტო ვიქნები. ვიცი და დარწმუნებული ვარ, რომ მარტო აღარ ვარ და ეს თავდაჯერება თქვენმა ფონდმა და ფონდის მრავალრიცხოვანმა მეგობრებმა შემმატეს. უფალი გფარავდეთ!

  – იქნებ კიდევ გაქვთ რაიმე პრობლემა, რომლის გადაჭრაშიც ჩვენს მკითხველებს შეუძლიათდახმარება?

  ხათუნა:იმ ყველაფრის შემდეგ, რაც ჩემთვის გააკეთეთ, ამ კითხვაზე პასუხის გაცემა ძალიან მერიდება; მით უმეტეს, რომ ვიცი, რამდენ ადამიანს სჭირდება დახმარება... მაგრამ მაინც მინდა ერთი თხოვნით მოგმართოთ: „კარიტასის“ თანამშრომლები მზად არიან მასაჟის უფასო სარეაბილიტაციო კურსის ჩატარებაში დამეხმარონ, მაგრამ ამისთვის თავის ტვინის ტომოგრაფიის გაკეთებაა საჭირო. მინდა გთხოვოთ, რომ ამ გამოკვლევის ჩატარებაში დამეხმაროთ. მინდა კიდევ ერთხელ გადავუხადო მადლობა ყველას, ვინც თქვენს პოსტს გამოეხმაურა! უფალმა დაგლოცოთ! ბედნიერი ვარ, რომ თქვენ მყავხართ! დიდი მადლობა, ქედს ვიხდი თქვენ წინაშე!

  მეგობრებო, დიდი მადლობა ყველას, ვინც ხათუნა გვენეტაძეს დაეხმარა! იმედი გვაქვს, რომ ამ მამაც ქალბატონს კიდევ არაერთხელ დავუჭერთ მხარს, რადგან მას ჯერ კიდევ ბევრი პრობლემა აქვს. ჩვენ გვეძლევა შანსი, რომ მას ჯანმრთელობა და სრულფასოვანი ცხოვრების გაგრძელების შესაძლებლობა დავუბრუნოთ. ხათუნას თავის ტვინის ტომოგრაფიის გაკეთება სჭირდება და მას ნებისმიერი დახმარება გაახარებს. 

ჩვენ, ერთად, ბევრი ღვთისთვის სათნო საქმის კეთებას ვახერხებთ, მაგრამ მიუხედავად ამისა, გვინდა კიდევ ერთხელ მივმართოთ ყველას: წაიკითხეთ ჩვენი პოსტები, მოუყევით მათ შესახებ თქვენს მეგობრებს; სხვების გასაჭირს გვერდს ნუ აუვლით, რადგან ამ ცხოვრებაში სამი ჭეშმარიტად ღირსეული საქმე არსებობს და ეს არ არის „ხის დარგვა, სახლის აშენება და ბავშვის აღზრდა“. ეს არის: პირველი - იმის დახმარება, ვისაც დახმარება სჭირდება, მეორე - იმის დაცვა, ვინც დაუცველია და ყველაზე მთავარი - იმედის მიცემა მისთვის, ვისაც ის დაკარგული აქვს!

ხოლო თუკი გიმძიმთ ყოფითი სირთულეებისა და გადაუჭრელი საკითხების გამო, რამდენიმე წამით გადაიტანეთ თქვენი ყურადღება ჩვენ FB პოსტებზე; ან უმჯობესია, დაურეკოთ ჩვენს ნებისმიერ ბენეფიციარს და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე მომენტში დაეხმარეთ.

მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ გაჭირვებულებს!

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როცა მორიგი უბედური ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გთხოვთ, განაგრძოთ ამ ოჯახების დახმარება. სწორედ ეს არის საუკეთესო ღვთისმსახურება!

თქვენი სიკეთე – ეს არის შესაძლებლობა, რომ თავადაც ყველაფერში ბედნიერი იყოთ!

კიდევ ერთხელ, დიდი მადლობა თითოეულ თქვენგანს, მეგობრებო!

ჩვენი ფონდის ანგარიშია:

#GE15TB7194336080100003

#GE42LB0115113036665000

#GE64BG0000000470458000

(დანიშნულება: ხათუნა გვენეტაძე).

თანხის გადმორიცხვა შეგიძლიათ ჩვენი ვებ-გვერდის მეშვეობითაც:  https://chernovetskyifund.ge/ge/projects/finished/650-gvenetadze

თანხის ჩარიცხვა ასევე შესაძლებელია OPPA, TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus).

ერთი ზარი გადაარჩენს სიცოცხლეს - 0901 200 270

დაფიქრდით იმაზე, რომ ჩვენ სწორედ გაჭირვებულთა დახმარებით და მათი ტკივილის გაზიარებით ვზრუნავთ საკუთარ სულზე და ვუახლოვდებით უფალს!