გიორგი: დედას არ აქვს ფული, საჭმელი რომ გვიყიდოს, ამიტომაც არასწორი იქნებოდა ველოსიპედის ან სხვა რამის თხოვნა. არც ისე პატარა ვარ, რომ ეს ვერ გავიგო. აი, ეს ნაგავსაყრელზე ვიპოვე, ვიფიქრე, შევაკეთებ და ვისეირნებთ მე და ჩემი ძმა. შევკარი, დავაწებე, მაგრამ ორი მეტრიც არ მაქვს გავლილი და იშლება.

- ჩემი აზრით, იმსახურებ ველოსიპედს. შენ ხომ ძალიან კარგი ბიჭი ხარ.

გიორგი: რაც მამაჩემი გარდაიცვალა, დედაჩემს ვერაფერს ვთხოვ. მაშინვე ტირილს იწყებს.

- რას სთხოვდი, ფული რომ ჰქონდეს?

გიორგი: ვთხოვდი, ჩემთვის ველოსიპედის და პლანშეტის ყიდვას. სულ ეს არის ის! მეტი, მართლა არაფერი მჭირდება!