ვარჯიშს დავიწყებ და ყველაზე ძლიერი გავხდები!
შეგროვებულია:
500.5 ₾
(დონორი: 47)
ამ ტელევიზორს რომ ვუყურებ, რომელიც დიდი ხანია აღარ მუშაობს, წარმოვიდგენ ხოლმე, როგორი ბედნიერები არიან ბავშვები, რომლებსაც ის აქვთ! იქ ხომ ყველაფერია: მულტფილმებიც და საინტერესო გადაცემებიც! მიხარია, რომ აქვთ. მაგრამ ხანდახან ძალიან, ძალიან მოვიწყენ ხოლმე...
ამინა: აი, ჩვენი ტელევიზორი. დიდი ხანია არ მუშაობს მაგრამ, მაინც ყოველდღე ვრთავ იმ იმედით, რომ უცებ ამუშავდება. ღილაკებს ვატრიალებ, მაგრამ არც ხმა აქვს, არც აჩვენებს. ხან გველივით სისინებს, ხან საერთოდ არაფერს აკეთებს.
- ტელევიზორი რომ გქონდეს, რას უყურებდი?
ამინა: ძალიან მომწონს გეოგრაფიული გადაცემები. იმდენი საინტერესო რამის სწავლა შეიძლება, აჩვენებენ ისეთ ქვეყნებს, სადაც ალბათ, ვერასდროს მოვხვდები.
- ტელევიზორის გარდა, უფრო სერიოზული ოცნებები თუ გაქვს? ისეთი, რომელიც შენს მომავალს ეხება?
ამინა: 12 წლის ვარ და ჯერ არ ვიცი, ვინ გამოვალ. მაგრამ, სწავლა მიყვარს. ალბათ, უფრო ლეპტოპი მინდა, ვიდრე ტელევიზორი, მაგრამ ეს მხოლოდ ჩემთვის არის, ტელევიზორი კი, ყველასთვისაა.
- რას უყურებდი, ლეპტოპი რომ გქონდეს?
ამინა: ო-ოჰ, ინტერნეტში იმდენი ინფორმაციაა! ალბათ, სულ წაიკითხავდი! ქვეყნებს შევისწავლიდი.