ჩერნოვეცკის საქველმოქმედო ფონდი

თბილისში გაიხსნა პირველი თავშესაფარი უსახლკაროებისთვის

ქველმოქმედება საქართველოში
წლის წინ

ოთხშაბათ საღამოს თბილისის გარეუბანში, მოსკოვის გამზირზე, გაიხსნა პირველი თავშესაფარი უსახლკაროებისთვის - გვატყობინებს  საქართველოს რეგიონული განვითარებისა და ინფრასტრუქტურის სამინისტროს პრეს-სამსახური ხუთშაბათს, 12 დეკემბერს.

„თბილისის გარეუბანში, მოსკოვის გამზირის დასაწყისში გაიხსნა პირველი თავშესაფარი უსახლკაროებისთვის. გაშლილია ოთხი კარავი, სადაც შესაძლებელია 80 უსახლკარო ადამიანის განთავსება. კარვები აღჭურვილია შეშის ღუმელებით, არის საწოლები, ლეიბები, პლედები, გაყვანილია ელექტრობა. ამავე ტერიტორიაზე გაშლილია კარავი 80 ადამიანზე, რომელიც შეასრულებს სამზარეულოს ფუნქციას“ - ნათქვამია უწყების ინფორმაციაში.

თავშესაფარში პირველი ბინადარი გამოჩნდა 02:00 საათზე. მთელი ღამის განმავლობაში თავშესაფრის ტერიტორიაზე მობილიზებული იყო საქართველოს რეგიონული განვითარებისა და ინფრასტრუქტურის სამინისტროს მორიგე ჯგუფები, საპატრულო პოლიციისა და საქართველოს შსს-ს გადაუდებელი დახმარების ოპერატიული სამმართველოს „112“-ის თანამშრომლები.

„დამატებითი ინფრასტრუქტურის კეთილმოწყობა მოცემულ ტერიტორიაზე სულ ახლახან დასრულდა. მუნიციპალური განვითარების ფონდმა ადგილზე დაამონტაჟა კოტეჯები, სადაც დილიდან საღამომდე ფუნქციონირებს მედპუნქტი და სამზარეულო. ასევე დამონტაჟდება სველი წერტილები - გვიპასუხეს უწყებაში.

თავშესაფრის მოწყობის პროცესს აქტიურად შეუერთდნენ საქართველოს რეგიონული განვითარებისა და ინფრასტრუქტურის, თავდაცვის, შინაგან საქმეთა, ფინანსთა, ეკონომიკის, ჯანმრთელობის სამინისტროები, მთავრობის კანცელარია.

საქართველოს მასობრივი ინფორმაციის საშუალებების მონაცემებით, საქართველოში ტემპერატურის მკვეთრი დაცემის გამო დეკემბერში დაიღუპა ორი უსახლკარო ადამიანი. 


რეკომენდებული პროექტები: