როდესაც ჩვენი ფონდის მზრუნველობის ქვეშ მყოფი ბავშვები, გახარებულები არიან, ჩვენც გვიხარია! გემრიელობებით პირჩატკბარუნებულ ბავშვებზე უფრო მეტადაც კი!
"აბა, თქვენი სათამაშოებიც მაჩვენეთ... მე თაგუნია ჯერი ამომივიდა Happy Meal-ში"
წარმოიდგინეთ, რომ ბავშვი ხართ და დაგპატიჟეს ისეთ ადგილას, სადაც ოცნებები ხდება, სადაც გემრიელი საჭმელი და უამრავი გასართობია. ეს რამდენიმე საათი, ნამდვილად დაუვიწყარი გახდა იმ ბავშვებისთვის, ვისაც ალბათ, ძალიან ცოტა ბედნიერი დღე ჰქონდა ცხოვრებაში. ვხედავდით, რომ აღფრთოვანებული ათვალიერებდნენ მენიუს, თავიანთი საყვარელი ბურგერებისა და სათამაშოების შეფუთვას ხსნიდნენ, შემდეგ კი, ტკბებოდნენ ყოველი ლუკმით, თითქოს, ეს რაღაც განსაკუთრებული იყო.
მაგრამ, მხოლოდ გემრიელობების გამო არ იყო განსაკუთრებული ეს დღე. McDonald's-ში ხომ, არის სათამაშო მოედანიც, სადაც ბავშვებს შეუძლიათ სრულად გამოავლინონ საკუთარი აქტიურობა და ფანტაზია. ისინი თამაშობდნენ, იცინოდნენ და დაუვიწყარი მოგონებები დარჩებათ, რომელიც აუცილებლად დაეხმარება რთული დღეების გადატანაში რომელიც, სამწუხაროდ ელით ცხოვრების რთულ გზაზე.
მაგრამ, ამ ღონისძიებამ არა მხოლოდ ბავშვებს, არამედ მათ მშობლებსაც სიხარულით აუვსო გული. ისინი ყოველდღიურად ხედავენ, მათი შვილები წარმოუდგენელ სირთულეებს როგორ ებრძვიან. ამ დღემ კი დაანახა, სიხარულისგან როგორ უბრწყინავთ სახე და გულიანი ღიმილი როგორ ამშვენებს მათ.
ჩვენ კი, ფონდის თანამშრომლებსა და მაკდონალდსის წარმომადგენლებს, ძალიან გვიხაროდა, რომ რამდენიმე საათი მაინც გავულამაზეთ ამ ბავშვებისთვის, რომლებიც მართლაც იმსახურებენ ბედნიერებას და ამის უფლება ნამდვილად აქვთ!
გვჯერა, რომ სიკეთისა და ბედნიერების ჩუქება თითოეულ ჩვენგანს შეუძლია, არა მხოლოდ საკუთარი შვილებისთვის, არამედ მათთვის, ვისაც ეს ყველაზე მეტად სჭირდება! დაე, ამ პოსტმა შეგვახსენოს, რომ სიკეთე და მზრუნველობა უფრო ნათელსა და თბილს ხდის ჩვენს სამყაროს. მოდით, გავუზიაროთ ერთმანეთს სიხარული და სიკეთე. საბოლოოდ ხომ, ამ ქვეყნად ყველაზე მნიშვნელოვანი ის კი არ არის, რამდენი ბედნიერი დღე გვქონდა ცხოვრებაში, არამედ ის, თუ რამხელა სიხარულს ვჩუქნით სხვებს.
მეგობრებო, თუ გაქვთ სურვილი დაეხმაროთ იმ ბავშვებს, ვისაც ცხოვრებაში არ გაუმართლა, თუ მათთვის დღესასწაულის მოწყობა გსურთ, ჩვენი ფონდის ანგარიშებია:
საქართველოს ბანკი GE64BG0000000470458000
თი ბი სი ბანკი GE15TB7194336080100003
ლიბერთი ბანკი GE42LB0115113036665000
(დანიშნულება: საბავშვო დღესასწაული)
რეკომენდებული პროექტები:
