„კეთილი ადამიანების იმედით ვცხოვრობ, კეთილ ადამიანებს მივანდე ყოველდღიური ლუკმაპური და საერთოდ, გადარჩენა. როდესაც ქუჩაში მოწყალების თხოვნა დავიწყე და ისინი მეხმარებოდნენ, მაშინ მივხვდი, რომ ისევ არის სიკეთე ამქვეყნად. დღეს კი, თქვენი პოსტის საშუალებით, უამრავი ადამიანი გამოჩნდა, დახმარება გამიწია  და სიცოცხლე გამიხანგრძლივა... ნამდვილი ადამიანების წყალობით, ჩვენც გადავრჩებით.

        როდესაც სახლში, თუნდაც ორი დღის სამყოფი მედიკამენტები მაქვს, თავი სიზმარში მგონია. ამდენი ხნის მერე, პირველად ვიგრძენი სიმშვიდე და ჩვეულებრივ ადამიანად პირველად ვიგრძენი თავი, მხოლოდ და მხოლოდ იმიტომ, რომ ვიცი, დღეს მაინც გადავრჩები. 

         ფეხის ისეთი ტკივილი მაქვს, ძალიან მიჭირს მისი ატანა. წარმოუდგენელ ჯოჯოხეთს გავდივარ, ცოცხალი ადამიანი. ჩემთვის, მართლაც რომ დაუჯერებელია, თუ შეიძლება ამაზე მეტი სატანჯველი, რომ არსებობდეს. როდესაც გტკივა, ეს ტკივილი გკლავს და ვერ შველი, რა უნდა იყოს იმაზე უფრო მძიმე და მწარე? დღეს, კეთილი ადამიანების წყალობით, მაქვს ის მცირედი წამლები, რომელიც დამეხმარება, ტკივილი დროულად მაინც რომ გავიყუჩო.“ 

„ხალხის წყალობით, ახალი დივანი გავქვს“

          - ქალბატონო ნონა, იქნებ მოგვიყევით, როგორ შეიცვალა თქვენი ცხოვრება მას შემდეგ, რაც თქვენს შესახებ პოსტი გამოვაქვეყნეთ?

         ნონა: შვილო, იცი რა მინდა გითხრა?! გარდა იმისა, რომ მატერიალურად დამეხმარეთ და შემიმსუბუქეთ ყოფა, პირველ რიგში,  თქვენ თავი მაგრძნობინეთ ადამიანად, ჩვეულებრივ, სრულფასოვან ადამიანად. კეთილმა ადამიანებმა მაჩვენეს, რომ შეიძლება სულ უცნობისთვის, ოდნავ მაინც მნიშვნელოვანი იყოს ჩემი ცხოვრება, ამიტომ, სიცოცხლის ხალისი დამიბრუნდა. მივხვდი, რომ მეც ჩვეულებრივი ადამიანი ვარ და ვიღაცას ვჭირდები. ხალხის დახმარებამ, ტკივილი შემიმსუბუქა.  წამლები,  რომელიც მათგან მივიღე, ჩემთვის სასიცოცხლოდ მნიშვნელოვანი იყო.  ტკივილის ვერ ვუძლებდი, ღმერთმა ნურავის გამოაცდევინოს როგორია, როდესაც მგელივით ყმუილი გინდა... გინდა, საკუთარი ხორცი რომ მოიჭამო. მათი დახმარება, ნამდვილად დროული იყო. ოდნავ მაინც გამიყუჩა ეს განცდები. სახლში წესიერი დასაჯდომი ადგილი არ გვქონდა, საშინელ პირობებში გვიწევს ცხოვრება. დღეს კი, მე და ჩემს შვილს კარგი დივანი გვაქვს და არ გვჯერა, რომ ჩვენია. კეთილი ადმიანების წყალობით, ნამდვილად უკეთესობისკენ შეიცვალა ჩვენი ცხოვრება. 

„უცნაურია, მაგრამ ჩვენთვის ბედნიერებაა, როდესაც წამლები გაქვს“

         - ძალიან მიხარია, ქალბატონო ნონა, რომ ცოტათი მაინც გაგიხალისეთ ცხოვრება. მაინტერესებს, იმ ადამიანებიდან, ვინც გეხმიანებოდათ, ვის გამოარჩევდით, ვინ არის თქვენთვის განსაკუთრებული ახალი მეგობარი? 

        ნონა: ღმერთო, ყველა დალოცე და დაიფარე, მათი შვილებით და ოჯახებით! ღმერთო, გთხოვ დღეგრძელი მიმყოფე ყველა ადამიანი, ვინც ჩვენზე იფიქრა და დრო დაგვითმო. შვილო, ვერავის, ვერავის გამოვარჩევ. ყველა უზომოდ მიყვარს და ყველას მადლიერი ვარ. ასე პირველად მოხდა ჩემს ცხოვრებაში, რომ ერთად დამეხმარა ამდენი ადამიანი, თან უანგაროდ. ვიცი, რომ დღეს, თითოეული თეთრი მათთვის სასიცოცხლოდ მნიშვნელოვანი და რთული მოსაპოვებელია. და მიუხედავად ამისა, მათ შეძლეს ჩემთვის დროისა და ყურადღების დათმობა, ამიტომ, ვერავის გამოვარჩევ. ერთადერთი, რაც შემიძლია, არის ის, რომ გულით დავლოცო ისინი და ასეც ვიქცევი სულ, ყოველ წამს. 

        - ნონა, ადგილობრივი ხელისუფლება თუ გამოეხმაურა ჩვენს პოსტს? რაიმე სახის რეაგირება თუ მოახდინეს?

        ნონა: შვილო სახელმწიფო ჩვენ, მე და ჩემს გოგოს, სოციალურ დახმარებას გვაძლევს - 120 ლარს. კიდევ, ინვალიდობის პენსიას ვიღებ - 140 ლარს.  ამ თანხას ადრეც ვიღებდი, და ახლაც. მაგრამ, ეს დახმარება კი არა, ავადმყოფი ოჯახისთვის შიმშილობაა, ან წამლის გარეშე სიკვდილი. მათგან არანაირი ყურადღება არ მიგრძვნია და არანაირი რეაგირება არ მოუხდენიათ. 

       ძალიან მწყდება გული, მით უმეტეს ახლა, როდესაც თქვენი წყალობით, კიდევ ერთხელ გაიგეს ჩემი საცხოვრებელი პირობების შესახებ. ნახეს თავზე ჩამოქცეული სახლი. ისინი კარგად ხვდებიან, რომ ყოველწუთიერად გვიწევს მე და ჩემს შვილს იმისთვის ბრძოლა, რომ უბრალოდ გავიხანგრძლივოთ სიცოცხლე, თუ ამას  საერთოდ სიცოცხლე ჰქვია. და მაინც, ამ ყველაფრის მერეც, არ შეგვხმიანებიან, არ დაინტერესებულან ჩვენით... ეჰ, შვილო, ჩვენ რაში ვჭირდებით მათ...

         - ნონა, მიამბეთ, რას ნიშნავს ეს დახმარება თქვენთვის და თქვენი შვილისთვის?

        ნონა: რა გითხრათ აბა, მე კი მხედავთ, რომ ავადმყოფი ქალი ვარ  და  სრულიად უენერგიო. თავს ძალას ვატან, რომ ვიმოძრაო, და სულ არ წავიქცე. ამიტომ, სარეცხის რეცხვა, ჩემთვის წარმოუდგენელი სირთულეა, არც ჩემს შვილს აქვს შესაშური ჯანმრთელობა, ამიტომ, ხელით რეცხვა მასაც უჭირდა. ან, ვის არ გაუჭირდება ყინვაში ცივი წყლით რეცხვა, ხელებს რომ ყინვა გიწვავს და საშინლად გტკივა. რამდენჯერ მინატრია, თუნდაც ძველი, გადასაგდებად გამზადებული მანქანა მქონოდა სახლში, ეგეც კი, უდიდესი საჩუქარი იქნებოდა ჩემთვის. დღეს კი, ჩვენ გვაქვს ახალი სარეცხი მანქანა. არც კი მჯერა, რომ ეს უჩვეულო, ფუფუნების ნივთი ჩვენია და შეგვიძლია, როგორც გვინდა, ისე გამოვიყენოთ. თავი სიზმარში მგონია. დავიძინე ტკივილისგან, გაჭირვებისგან, დარდისგან დატანჯულმა და გავიღვიძე ადამიანმა, რომელსაც ახალი სარეცხი მანქანა, დივანი და ცოტა ხნის სამყოფი მედიკამენტები აქვს. შესაძლოა, თქვენთვის დაუჯერებელია, მაგრამ ეს ყველაფერი არის ჩემთვის იმისი მანიშნებელი, რომ ისევ უნდა გადავრჩე და ვიცოცხლო, ვიცოცხლო აუცილებლად. 

“ „რეცხვის დროს ხელები აღარ გაგვეყინება, ახალი სარეცხი მანქანა  გვაქვს.“

     - ქალბატონო ნონა, ძალიან მიხარია, რომ ცოტათი მაინც შეგიმსუბუქდათ შრომა. მაგრამ ვიცი, რომ ისევ გაქვთ ძალიან მნიშვნელოვანი პრობლემები. იქნებ, მათ შესახებ მიამბოთ.

     ნონა: საავადმყოფოდან რომ დავბრუნდი, ეზოში ბევრი ბალახი იყო ამოსული და მისი მოთხრა დავიწყე. რა ჯანდაბა მინდოდა, გავჩერებულიყავი... მაგრამ, ვერ ვეგუები, რა ვქნა? მთელი ცხოვრება ვცდილობდი, რომ სუფთად ვყოფილიყავი, ჩემი პატიოსანი შრომით და წვალებით ვახერხებდი კიდეც. ახლა კი, აღარაფერი შემიძლია. ეს ბალახები რომ მოვთხარე, ის „საღი“ ფეხი, რომელიც მანამდე შედარებით კარგად მქონდა, ამტკივდა.  ახლა გამოდის, რომ ორივე ფეხი მტკივა და ეს ტკივილი, კიდევ უფრო დიდი ჯოჯოხეთია, ვიდრე მანამდე. ექიმთან ვერ მივდივარ, ექოსკოპია მაქვს გადასაღები. იქ ვიზიტის ფული მჭირდება, ათასი მალამო დამინიშნეს, მაგრამ არცერთი არ გამომიყენებია, ვერ ვიყიდე, შვილო. ან, როგორ მეყიდა? არ მქონდა საშუალება. სულ მეშინია სავადმყოფოში დაწოლა არ მომიწიოს. მაშინ სესხი გამოვიტანე და ისე ვიმკურნალე. ახლა რა ვქნა? ან, ვინღა მომცემს მე სესხს? ძალიან გაწვალებული ვარ, ისე მიჭირს, მეტი რომ არ შეიძლება. ალბათ, ვერასდროს წარმოვიდგენდი, რომ დახმარებას ხალხს ვთხოვდი, თუნდაც ქუჩაში, ან სოციალური ქსელის მეშვეობით. მაგრამ ამას, მხოლოდ და მხოლოდ ჯანმრთელობის გამო ვითხოვ. იმიტომ, რომ სხვა რამის კეთება ფიზიკურად არ შემიძლია. ძალიან რთულია, ხალხო, როდესაც გაუსაძლისად გტკივა და წამალი არ გაქვს, ექიმი გჭირდება და ვერ მიდიხარ...

„იმედი მაქვს, ისევ შევძლებ საჭირო წამლების მიღებას.“

***

       ადამიანებო, მეგობრებო, კეთილო ხალხო, მინდა მოგმართოთ თხოვნით: იქნებ შევძლოთ და კიდევ ერთხელ დავეხმაროთ ქალს, რომელსაც ტკივილი ტანჯავს და გამუდმებით უწევს არჩევანის წინაშე დგომა, შიმშილი აირჩიოს თუ უწამლობა. ვიცი, რომ მათი გასაჭირი გესმით და გტკივათ, გტკივათ მარტოხელა დედა-შვილის დამძიმებული ცხოვრება და ამქვეყნიური ჯოჯოხეთი. ამიტომ, იქნებ ისევ შევძლოთ და გავერთიანდეთ, მხოლოდ და მხოლოდ იმიტომ, რომ ჯანმრთელობა შევუნარჩუნოთ და სიცოცხლე გავუხანგრძლივოთ ადამიანს. 

       თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით გადაიტანეთ ყურადღება ჩვენი „ფეისბუქის“ პოსტებზე. ან, უმჯობესია, დაურეკოთ ჩვენს ნებისმიერ ბენეფიციარს და ყველა თქვენი პრობლემა უმნიშვნელოდ მოგეჩვენებათ, შედარებით მათთან, ვისაც მათი ცხოვრების ყველაზე მძიმე წუთს დაეხმარეთ. 

       მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ ხართ უბედნიერესი ადამიანი! გახსოვდეთ ეს და დაეხმარეთ გაჭირვებულებს. 

        სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გააგრძელეთ ამ ოჯახების დახმარება! სწორედ ეს არის საუკეთესო ღვთისმსახურება! 

        მეგობრებო, კიდევ ერთი თხოვნა გვაქვს თქვენთან - თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ, გამოიჩინოთ გულისხმიერება და მოგვწეროთ ამის შესახებ ელექტრონულ მისამართზე: office-fsp@fsp.ge

        თქვენი სიკეთე არის შესაძლებლობა, თავადაც ყველაფერში ბედნიერი რომ იყოთ!

მეგობრებო, კიდევ ერთხელ, დიდი მადლობა ყველას!

ჩვენი ფონდის ანგარიში:

#GE15TB7194336080100003

#GE42LB0115113036665000

#GE64BG0000000470458000.

(დანიშნულება: ტურაშვილების ოჯახი).

      ასევე, შეგიძლიათ თანხის ჩარიცხვა ჩვენი ვებ-გვერდის მეშვეობით:

https://chernovetskyifund.ge/ge/projects/finished/765-turashvili/

      თანხის ჩარიცხვა, ასევე შესაძლებელია TBCpay, ExpressPay

ტერმინალებიდან. ქვეთავში “ქველმოქმედება“ მოძებნეთ ჩვენი

ფონდი (ინფორმაციას ფონდის დამატებითი უფლება-

მოვალეობების შესახებ შეგიძლიათ გაეცნოთ ბმულზე

https://goo.gl/GY2Gus).

        არაჩვეულებრივი სიახლე გვაქვს - ახლა ჩვენი ბენეფიციარების ისტორიების წაკითხვა შეგიძლიათ:

ინსტაგრამზე: https://www.instagram.com/chernovetskyi.fund/ და

ტელეგრამზე: https://t.me/ChernovetskyiFund

       სპეციალურ ნომერზე, თქვენს მიერ განხორციელებულ

მხოლოდ ერთ ზარს, ადამიანის სიცოცხლის გადარჩენა შეუძლია!

0901 200 270

       ვიფიქროთ იმაზე, რომ გაჭირვებულთა დახმარებით და მათი

ტკივილის გაზიარებით, ჩვენ ვზრუნავთ საკუთარ სულზე და

ვუახლოვდებით უფალს!