პროექტის რეპორტი „როდესაც ძალიან გვშია, დედა თითო ნაჭერ პურს გვაძლევს ხოლმე. თვითონ და მამა კი, მშივრები რჩებიან.“ - პროექტები - ჩერნოვეცკის ფონდი

ჩერნოვეცკის საქველმოქმედო ფონდი

Главное меню

„როდესაც ძალიან გვშია, დედა თითო ნაჭერ პურს გვაძლევს ხოლმე. თვითონ და მამა კი, მშივრები რჩებიან.“

page info icon
2022 ივნისი 23
„როდესაც ძალიან, ძალიან გვშია, დედა ცოტა პურს მოგვიჭრის ხოლმე. თითო ნაჭერი ყველას. ხანდახან, დედა და მამა თვითონ მშივრები რჩებიან, ჩვენ რომ გვაჭამონ,“ - ამბობს ჯემალი. კიდევ, მან ხვრელები გვაჩვენა იატაკში. იქიდან ვირთხები რომ წამოჰყოფენ ხოლმე თავს, ის ხალისობს, მისი დები კი შიშისგან კივიან. მას ეცინება, მე კი ტირილი მომინდა...
ჩვენი ფონდის ანგარიშები:
GE15TB7194336080100003
GE42LB0115113036665000
GE64BG0000000470458000
საქველმოქმედო ნომერი:
შეგროვებულია
2,049.52 ₾
( 147 დონორი )
აირჩიეთ თანხა:
გადახდის ხერხი:
რა ხანია, დედა ასეთი გახარებული არ გვინახავს!
კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებსაც მონაწილეობა მიიღონ ღვთისნიერ საქმეში!
        „არასოდეს დამავიწყდება,  დედიკოს თვალები როგორ უბრწყინავდა, საჩუქრები რომ მოგვიტანეს.“ - გვეუბნება პატარა ჯემალი - „სასწრაფოდ შემოვაცალეთ ყველაფერს ცელოფნები. ერთმანეთს არ ვაცდიდით... ისეთი მხიარულება იყო-ო-ო-ო... წარმოუდგენელი... ასე მეგონა, მდიდარი ოჯახი ვიყავით!“ 
„დედიკოს მზესავით უბრწყინავდა თვალები... მან პირველად მიიღო ასეთი ძვირფასი საჩუქარი.“
        ჩვენი ფონდის მეგობრებმა კიდევ ერთ ოჯახში შეიტანეს სითბო და სიხარული. ეს არის სარსევანიძეების, უკიდურესად გაჭირვებული, ხუთშვილიანი ოჯახი. ჩვენ  უკვე გიამბეთ მათ  შესახებ. ოჯახს არ აქვს საკუთარი ჭერი. ქირის გადახდა კი, ძალიან უჭირთ, მით უფრო ახლა, როდესაც იჯარის საფასური უზომოდ გაზრდილია. მშობლები ხშირად შიმშილობენ, ხუთი შვილისთვის რომ გაანაწილონ ის მცირე საკვები, რომელსაც სოციალური შემწეობის თანხით ყიდულობენ. მიჰყევით ბმულს და აუცილებლად წაიკითხეთ, როგორ პირობებში ცხოვრობენ ქართველი მრავალშვილიანი ოჯახები: 
        შეძლებულო ადამიანებო! ჩვენო ქართველებო! მხოლოდ თქვენი წრით ნუ განსაზღვრავთ საერთო მდგომარეობას, შეაღეთ სხვა, უფრო პირქუში სამყაროს კარიც, ცალი თვალით მაინც შეიჭყიტეთ იქ და ნახეთ, როგორ იტანჯებიან შიმშილით, სიცივით და ტკივილით ადამიანები! რაც ყველაზე მთავარია, ხელი გაუწოდეთ მათ! იხსენით ისინიც და გადაარჩინეთ თქვენი სულებიც! ერთხელ მაინც დაეხმარეთ  ისევე, როგორც ამას ჩვენი ფონდის მეგობრები აკეთებენ სისტემატიურად.
„ცოტა ხნით თავი მდიდარ ბავშვად წარმოვიდგინე, მათ ხომ ყველაფერი აქვთ...“
         - ჯილდა, პირველ რიგში მოგიკითხავთ, როგორ ხართ?
         ჯილდა (41 წლის დედა): გმადლობთ,  ყველაზე კარგი ფონდის წყალობით უკეთესად. (იღიმის.) 
         თქვენ ძალიან დიდი საქმე გაგვიკეთეთ. რამდენი ოჯახიც გაგიხარებიათ, არსებობის იმდენი წელი შეგმატებოდეთ! იმ ადამიანებს,  ვინც გვერდში უდგას ამ ფონდს,  მინდა, ჩემი ოჯახის და ჩემი შვილების სიყვარული გავუგზავნო. მადლობა იმისთვის, რომ შეგვამჩნიეთ... რომ შეგვეწიეთ... რომ გაგვახარეთ!   ქედს ვიხრი იმისთვის, რომ მოაკელით საკუთარ შვილებს და დაეხმარეთ ჩემს ხუთ შვილს. 
         - როგორც ვხედავ, ძალიან გახარებული ხართ საჩუქრებით... 
        ჯილდა: აბა, როგორ არ ვიქნები, ისეთი ნივთები მოგვიტანეთ... ყველანი გახარებულები ვართ დიდიან-პატარიანად. სარეცხი მანქანა, ჩათვალეთ, ჩემთვის ერთი მოსამსახურის დაქირავებას ნიშნავს. ვერ წარმოიდგენთ, რამხელა დროს მართმევდა ეს პროცესი. ამდენი ხანი ხელით ვრეცხავდი. შვიდი ადამიანის სარეცხი რამდენია, კარგად იცის ნებისმიერმა დიასახლისმა. სხვა რამისთვის ცოტა დრო მრჩებოდა... 
„დედამ თქვა, ეს ჩვენი ოჯახის ახალი მეგობარია, რომელიც რეცხვაში დაგვეხმარებაო...“
        ბარბარე (10 წლის): დედას ხელები სულ გაუხეშებული ჰქონდა. ახლა, მეც კი შევძლებ ამ მანქანის გამოყენებას!
       - დედას საოჯახო საქმეებში ეხმარები ხოლმე?
        ბარბარე: ჩვენ, ყველანი ვეხმარებით ერთმანეთს. 
        ჯემალი (9 წლის): ახლა, დედა მუშაობს კიდეც...
        -  ეს რა კარგი ამბავია, ჯილდა, დასაქმდით?
        ჯილდა: სოციალური პროგრამით, მეეზოვედ, სახლთან ახლოს. მართალია, ანაზღაურება ძალიან მცირეა, მაგრამ ჩემს შვილებთან ახლოს ვარ, მე კი ეს ძალიან მჭირდება. 
        - ჯემალ, შენ რა გაგიხარდა საჩუქრებიდან ყველაზე მეტად?
        ჯემალი: უკვე აღარ ვიცი, სარეცხი მანქანა გითხრათ, თუ ტელევიზორი.
       - რატომ, არ იცი?
        ჯემალი: იმიტომ, რომ მე ის გამიხარდა, რაც დედას გაუხარდა... ისე კი, ტელევიზორი. 
„ძველი დიდი ხანია გაფუჭებულია. ჰოდა, ახლა ახლით შევცვლი! ისეთი მსუბუქია-ა-ა-ა, შიგნით კი მთელი სამყარო ეტევა!“
         ბავშვებს, რა თქმა უნდა, ტელევიზორი უხარიათ ყველაზე მეტად!
        ჯემალი: შენ რა... ვითომ ძალიან დიდი ხარ... 
       - ტელევიზორი უფროსებსაც უხარიათ, უბრალოდ სხვა ინტერესები აქვთ. უფროსები ფილმებს და პოლიტიკურ გადაცემებს ადევნებენ თვალ-ყურს. თქვენ რას უყურებთ? 
“დიდებსაც და პატარებსაც, ერთნაირად გვიხარია ახალი ტელევიზორი!“
        ბექა: მე ფილმები მიყვარს.
        ბარბარე: მე და ჯემალიკოს მულტფილმები.
        სალომე (5 წლის): მე მიყვარს „მაშა და დათვი“, „ტომი და ჯერი“. პატარა ნატალი ჯერ ვერ გეტყვით, რა უყვარს უფრო მეტად, მაგრამ ჩემთან ერთად, მულტფილმებს წყნარად უყურებს ხოლმე და იცინის. დედასაც აცდის საქმის კეთებას. 
        ჯილდა: ძალიან გაგვიხარდა პროდუქტი, რომლითაც არაერთხელ დაგვეხმარეთ. პროდუქტი ისეთი რამაა, რაც მუდამ გჭირდება ადამიანს. 
       - ახალი მეგობრები თუ გაიჩინეთ? ჩვენი ფონდის გარდა კიდევ თუ გამოგეხმაურათ ვინმე?
       ჯილდა: თქვენი ფონდის ყველა მეგობარი, ჩვენი მეგობარი არაა?! უხილავი მეგობრები გვყავს და ჩვენ დაუსწრებლად გვიყვარს ყოველი მათგანი!
       დავითი (54 წლის მამა): ერთი ვაჟკაცი კაცი მოვიდა, გულიანი და კეთილი. უამრავი პროდუქტი მოიტანა. ბავშვებს ბურთი მოუტანა. თქვა, რომ ეს დახმარება გერმანიიდან იყო. შეიძლება, თავადაც გააკეთა ეს სიკეთე და სხვას „გადააბრალა“. არ ვიცი. ვინც არ უნდა ყოფილიყო ამ დახმარების „ავტორი“, ღმერთმა სიკეთე მისცეს!  „სანთელ-საკმეველი თავის გზას არ დაკარგავს!“ - ეს ხომ ჭეშმარიტებაა! 
       - ადგილობრივი ხელისუფლება თუ დაგეხმარათ რამით?
       დავითი: მე დამასაქმეს. გამგეობის დარაჯად ვმუშაობ, მის ტერიტორიას ვიცავ. ხელფასი 300 ლარი მაქვს, მაგრამ როდესაც სახლში ხუთი შვილი გყავს მშიერი, ეს შემოსავალიც არ არის დასაკარგი. სულ არარაობას სჯობს!
       - დარწმუნებული ვარ, კიდევ უამრავი საჭიროება გაქვთ. ის რაც გაკეთდა, ზღვაში წვეთია და ხუთშვილიან ოჯახს კიდევ ბევრი რამ სჭირდება.
       ბექა: ოჯახში არ არის ნორმალური ტელეფონი. თქვენ რომ უნდა დაგერეკათ, მეზობლისგან ვითხოვეთ. პატარა და-ძმა მყავს, ღმერთმა ნუ ქნას, რამე გაუჭირდეთ, ან ავად გახდნენ, მეზობელთან ხომ ვერ ვირბენთ ღამით? 
       ჯილდა: ტელეფონზე მეტად მაცივარი მჭირდება. საკვები ისედაც არ გვაქვს და რაც გვაქვს, ისიც რომ არ გაგვიფუჭდეს ხოლმე. გოგონები ცეკვაზე ტარებას მთხოვენ, იქ კი, იმდენი რამ სჭირდებათ - ქამრები, ფორმები... ძალიან რთულია, ბავშვებისთვის უარის თქმა. მათ მუდმივად გულს ვწყვეტ. მერე სხედან და ჩუმად ტირიან, მე რომ ვერ შევამჩნიო. ძალიან რთულია, ამ ქვეყანაში ყველაფრის ნულიდან დაწყება. ალბათ, ათასი წელი დამჭირდება იმისათვის, რომ ცოტათი მაინც გავიმართო წელში.
***
        ჩემო მეგობრებო, ვიცი, ძალიან ბევრი რამ გააკეთეთ ამ და სხვა ოჯახებისათვის, ბევრსაც აკეთებთ და მწამს, მომავალშიც ასე იქნება! დედა, რომელიც ხუთ შვილს უზრდის გმირების ქვეყანას - ჩვენს ლამაზ საქართველოს, იმსახურებს პატივისცემას, დაფასებას და გვერდში დგომას. ბოლო პერიოდში, სარსევანიძეების ოჯახს კიდევ ერთი პრობლემა დაემატა - ბინა გაუძვირა მეპატრონემ. ამიტომ,  მათ კიდევ  უფრო სჭირდებათ ჩვენი მხარდაჭერა და დახმარება. ეს საუკეთესო საქმე იქნება, რომელსაც არ გადადებთ და გააკეთებთ სწორედ დღეს!
         თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ იმათთან შედარებით, ვისაც მისი ცხოვრების ყველაზე მძიმე წუთს დაეხმარეთ.
       მათ პრობლემებთან შედარებით ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.
       სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ, დროდადრო დაათვალიერეთ ხოლმე ამ საბრალო ხალხის ისტორიები ჩვენს ვებ-გვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! გააგრძელეთ ამ ოჯახების დახმარება! სწორედ ეს არის საუკეთესო ღვთისმსახურება!     
        მეგობრებო, თქვენთან კიდევ ერთი თხოვნა გვაქვს - თუკი შეიტყობთ, რომ თქვენს ნაცნობს ან მეზობელს დახმარება სჭირდება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge 
        თქვენი სიკეთე, არის შესაძლებლობა, თავადაც ყველაფერში ბედნიერი რომ იყოთ!
        მეგობრებო, კიდევ ერთხელ დიდი მადლობა ყველას! 
ჩვენი ფონდის ანგარიშია:
#GE15TB7194336080100003
#GE42LB0115113036665000
#GE64BG0000000470458000.
(დანიშნულება: სარსევანიძეების ოჯახი). 
        თანხის ჩარიცხვა ასევე შესაძლებელია TBCpay, ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ინფორმაციას ფონდის დამატებითი უფლება-მოვალეობების შესახებ შეგიძლიათ გაეცნოთ ბმულზე https://goo.gl/GY2Gus). 
       არაჩვეულებრივი სიახლე გვაქვს - ახლა ჩვენი ბენეფიციარების ისტორიები შეგიძლიათ წაიკითხოთ:
ინსტაგრამზე: 
https://www.instagram.com/chernovetskyi.fund/   
და ტელეგრამზე:
 https://t.me/ChernovetskyiFund
        სპეციალურ ნომერზე განხორციელებულ მხოლოდ ერთ ზარს ადამიანის სიცოცხლის გადარჩენა შეუძლია: 0901200270
        ვიფიქროთ იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!
   


მსგავსი პროექტები:

Главное меню

Как помочь როგორ დავეხმაროთ How to help How to help