ქეთი, დედა:„თქვენს მკითხველებს ჩვენი კარგად ყოფნა თავადაც ბავშვებივით უხაროდათ. კეთილი ღიმილი და თვალები  აქვთ, მე კი ვგრძნობ, რომ მათგან მოწყალებას კი არა, მეგობრულ დახმარებას ვიღებ“.

კეთილო ადამიანო, დაუყოვნებლივ გააზიარე ეს პოსტი! დაეხმარე შენს მეგობრებს, იპოვონ უფლის გზა!

„ბავშვებმა მეგობრების მოყვანა დაიწყეს სახლში, ბარბარემაც და გაბრიელმაც, — თბილად იღიმის მათი დედიკო, ქეთი. — ამაყობენ და ბედნიერები არიან! სიხარულით აჩვენებენ ყველას, რომ ყველაფერი ისეა მათ სახლში, როგორც უნდა იყოს: საწოლები, მაცივარი და პლაზმური ტელევიზორი. ყოველთვის რცხვენოდათ, ასეთ გაჭირვებაში რომ გვიწევდა ცხოვრება, თუმცა ეს მათი ბრალი ხომ არ იყო?! ახლა კი, სულ სხვაგვარად გრძნობენ თავს.

სახლისკენ რომ მოვდივარ და ჩვენს ლამაზ, ახალ ფანჯრებს ვუყურებ, გულს უხარია! ადრე გულსაკლავი სანახაობა იყო, რადგან ფანჯრებზე მუყაო გვქონდა გაკრული. გარედანაც ცუდი შესახედავი იყო და სახლშიც ვიყინებოდით.

მადლობელი ვარ ღმერთის და კეთილი ადამიანების. მიუხედავად იმისა, რომ ოთხი შვილის მარტოხელა დედა ვარ, თქვენი დამსახურებით კვლავ გამიჩნდა იმედი, რომ ჩვენი ცხოვრება უკეთესობისკენ შეიცვლება.

ბარბარე (10 წლის): თქვენი მანქანა რომ მოვიდა, მე და ჩემი მეგობრები ეზოში ვიყავით. ვეუბნები: „ეს ჩიტიანი მანქანა ჩვენთან მოვიდა“. ისინი მეკითხებიან: „მერე რა?“ მე კი ვპასუხობ: „ახლა თქვენ თვითონ დაინახავთ!“ ჯერ ლეიბები ჩამოიღო თქვენმა მძღოლმა და ლიფტთან წაიღო. მერე კი, უცებ, ჯერ ერთი ველოსიპედი, მერე კი მეორე გადმოიღო საბარგულიდან!!! ბავშვები გაოცებუელები იყვნენ! მე ვეუბნები: „დაინახეთ? ახლა, ჩვენია ეს ყველაფერი!“

გაბრიელი (9 წლის): ბავშვებმა მკითხეს: „შეიძლება ჩვენც ამოვიდეთ თქვენთან სახლში, ვნახოთ, რა მოგიტანეს? დავთანხმდი და ყველანი ერთად ავედით ლიფტით ჩვენთან, მეშვიდე სართულზე.

– და რა აჩვენე, გაბრიელ?

გაბრიელი: სახლში ბევრი კარგი რამ არის სანახავი. საძინებელში შევიყვანე და ჩემი ორსართულიანი საწოლი ვაჩვენე. მაგრამ გავაფრთხილე, რომ კიბეებზე ასვლა არ შეიძლება.  ამის უფლება მხოლოდ მე, როგორც საწოლის პატრონს და ბარბარეს გვაქვს. პირველი სართული მისია.

ბარბარე: მე ელზას ზეწარი და საბანი მაქვს, გაბრიელს კი — სპაიდერმენის.

გაბრიელი: მერე შუშაბანდი, სამზარეულო და პატარა ოთახი ვნახეთ. მუშებმა ყველგან ახალი ფანჯრები დააყენეს და ყველა ღრიჭო შეავსეს ქაფით.

ბარბარე: მიხარია, ჩვენს სახლს რომ ვაჩვენებ ვინმეს. ასევე, ჩვენი მაცივარი, სარეცხი მანქანა, პლაზმური ტელევიზორი და პლანშეტი ვაჩვენეთ ბავშვებს. ცხოვრებაში არასდროს მიჩვენებია ამდენი რამ!

გაბრიელი: მთელი საღამო ჩვენს ნივთებს ეზიდებოდნენ ლიფტით. საწოლების ნაწილები ამოჰქონდათ, მერე ტელევიზორი, მერე მაცივარი... მეზობლებმა ლიფტი დაგვითმეს და გვითხრეს: „ჯანმრთელობაში და ბედნიერებაში მოიხმარეთო!“

– ველოსიპედებიც ლიფტით ჩაგაქვთ ხოლმე ეზოში?

გაბრიელი: თუ თავისუფალია, კი! თუ დაკავებულია, არაუშავს, მეშვიდე სართულიდანაც ჩავიტან კიბით, ოღონდ რაც შეიძლება მალე დავჯდე და ვისეირნო.

ბარბარე: მეც ერთი სული მაქვს ხოლმე, ველოსიპედზე როდის დავჯდები. ორ დღეში უქმეებია და ისევ პარკში ვისეირნებთ მე და გაბრიელი. ყველაზე მაგარია პარასკევს სკოლის შემდეგ ველოსიპედით სეირნობა!

– ქეთი, ჩვენი მკითხველებიდან ვინმე პირადად თუ გაიცანით?

ქეთი: უამრავი ადამიანი გვესტუმრა — ოჯახები, მეგობრები. განუწყვეტლივ რეკავდა ჩემი ტელეფონი. უამრავი საჭმელი მოგვიტანეს: ბანანი და იოგურტი ყუთებით, ფარში, ქათამი, კარგი ხორცი, კარაქი, მაკარონი, ტკბილეული... რითაც ძალიან გაახარეს ჩემი შვილები. ყველა ამ ადამიანისთვის ლოცვას ვკითხულობთ სადილის წინ. აბა, როგორ?! თქვენს მკითხველებს ჩვენი კარგად ყოფნა თავადაც ბავშვებივით უხაროდათ. კეთილი ღიმილი და თვალები  აქვთ, მე კი ვგრძნობ, რომ მათგან მოწყალებას კი არა, მეგობრულ დახმარებას ვიღებ.

სხვადასხვა ცხოვრებისეულ სიტუაციებში უცხო ადამიანებს არაერთხელ უწყენინებიათ ჩემთვის. ხანდახან უბრალოდ უნდათ, მატკინონ გული, ხაზი გაუსვან, რომ მარტო ვზრდი შვილებს. გვაგრძნობინონ, რომ მათგან განსხვავებულები ვართ. ასე რომ, თქვენი მკითხველი სულის წამალია ასეთი ამპარტავანი, ბოროტი ადამიანებისგან. ჩემი შვილები კარგად არიან! მათ აქვთ საჭმელი, ახალი ტანსაცმელი, სათამაშოები და ველოსიპედები. მადლობას ვუხდით თქვენს გულკეთილ მკითხველებს, მათ, ვინც დაგვიდგა გვერდში. მადლობა ჩერნოვეცკის ფონდის მთელ გუნდს ასეთი მზრუნველობისთვის! ღმერთმა გაგახაროთ ასეთი უბრალო და ადამიანური მიდგომა რომ გაქვთ!

კინაღამ დამავიწყდა: გარდა ამ ყველაფრისა, მკითხველებმა ჩვენი კომუნალური გადასახადებიც დაფარეს და „კარმა“, გაზის გამათბობელი მოგვიტანეს. სუპერ დამხმარეები არიან!

გაბრიელი: მე კიდევ ის მომეწონა, რომ საწყობში დაგვპატიჟეს და უფასოდ ავარჩიეთ ყველაფერი, რაც გვინდოდა — ტანსაცმელი, სათამაშოები...

ბარბარე: ქურთუკი, სვიტერები, მაისურები და სპორტული ფეხსაცმელი ავიღე ჩემთვის. ყველაფერი ახალი და ლამაზი არის!

— მაშ, გახარებულები ხართ?!

ბარბარე: ვგრძნობთ, რომ ვუყვარვართ ყველას. ყველა ცდილობს, რაიმე კარგი გააკეთოს ჩვენთვის, ჩვენც გვიხარია. აქამდე ასე არასდროს მიგრძნია თავი...

— ისიამოვნეთ! და რადგან ყველაფერი იცით, რაც სახლში ხდება, ბავშვებო, მითხარით, მოსაგვარებელი კიდევ რა პრობლემები დარჩა?

გაბრიელი: ძველი ატმორი გვაქვს, დედიკოს აშინებს. ვინმე რომ ბანაობს, გამაცხელებელი ნაპერწკლებს ყრის. სწრაფად უნდა დავიბანოთ ხოლმე, სანამ სულ გაგიჟდება.

ბარბარე: დედას ნამცხვარს ვთხოვთ ხოლმე, მაგრამ ღუმელი არ გვაქვს. ქურაზე გვიმზადებს საჭმელს. იქნებ, გაზქურა გვაჩუქოთ? რადგან იკითხეთ, გამახსენდა. თორემ არც გეტყოდით, ისედაც ძალიან დაგვეხმარეთ.

გაბრიელი: მადლობა დაფასებისთვის, დიდი მადლობა!

მადლობას ვუხდით ჩერნოვეცკის ფონდის ყველა მეგობარს, მოკვერაშვილების მრავალშვილიან ოჯახს კომფორტი რომ შეუქმენით. ოთხი შვილის მარტოხელა დედა, ქეთი, ყოველდღიურად სხვადასხვა განსაცდელის წინაშე დგას. ამ ოჯახისთვის თქვენი მხრიდან ნებისმიერი სახის ყურადღება მნიშვნელოვანია და ღირებული!

 თუკი გიმძიმთ საყოფაცხოვრებო სირთულეებისა და გადაუჭრელი საკითხების გამო, რამდენიმე წამით ყურადღება ჩვენს „ფეისბუქის“ პოსტებზე გადაიტანეთ; ან უმჯობესია, ჩვენს ნებისმიერ ბენეფიციარს დაურეკოთ და ყველა თქვენი პრობლემა უმნიშვნელოდ მოგეჩვენებათ მათთან შედარებით, ვისაც ცხოვრების ყველაზე მძიმე წუთს დაეხმარეთ.

მათ პრობლემებთან შედარებით, ჩვენი პრობლემები არაფერია! აი, ნამდვილი გაჭირვება! ის თქვენ წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ შეჭირვებულებს.

სამწუხაროდ, ამ და კიდევ უამრავი სხვა ოჯახის პრობლემები არ დასრულებულა, ამიტომ დროდადრო გადახედეთ ხოლმე ამ საბრალო ადამიანების ისტორიებს ჩვენს ვებგვერდზე და ესაუბრეთ მათ. ყოველ ჯერზე, როდესაც მორიგი შეჭირვებული ადამიანის ნომერს აკრეფთ, თქვენ აუცილებლად იგრძნობთ უფლის კურთხევას! აუცილებლად! განაგრძეთ ამ ოჯახების დახმარება! სწორედ ეს არის საუკეთესო ღვთისმსახურება! 

მეგობრებო, კიდევ ერთი თხოვნა გვაქვს თქვენთან — თუკი შეიტყობთ, რომ თქვენს ნაცნობს ან მეზობელს სჭირდება დახმარება, გთხოვთ გამოიჩინოთ გულისხმიერება და ამის შესახებ მოგვწეროთ ელექტრონულ მისამართზე: office-fsp@fsp.ge  

თქვენი სიკეთე არის შესაძლებლობა, რომ თავადაც ყველაფერში ბედნიერი იყოთ!

მეგობრებო, კიდევ ერთხელ დიდი მადლობა ყველას!

ჩვენი ფონდის ანგარიშები:

საქართველოს ბანკი GE64BG0000000470458000

თი ბი სი ბანკი GE15TB7194336080100003

ლიბერთი ბანკი GE42LB0115113036665000 

 (დანიშნულება: მოკვერაშვილების ოჯახი).

თანხის ჩარიცხვა შესაძლებელია ჩვენი ვებგვერდის მეშვეობით: „საქართველოს ბანკი“ (e-commerce), „TBC ბანკი“ (GeoPay), „ლიბერთი ბანკი“ (PayGe), PayPal.

   ვიფიქროთ იმაზე, რომ შეჭირვებულთა დახმარებით და მათი ტკივილის გაზიარებით, ჩვენ ვზრუნავთ საკუთარ სულზე და ვუახლოვდებით უფალს!