„გაყინულ იატაკზე, არცერთ ჩვენთაგანს აღარ სძინავს! - ამბობს თინათინ შამოევი. - ჩვენი ოჯახი მრავალწლიანი ტანჯვისგან განთავისუფლდა!!! ეს საშინელება დასრულდა!

ღმერთია მოწმე, მთელი ამ წლების მანძილზე, მე, დედაჩემი და ჩემი გოგონები გადარჩენისთვის ვიბრძვით, არაადამიანურ პირობებში, ვშიმშილობთ დღეგამოშვებით. თითქოს, არც გამოსავალი, არც გადარჩენის იმედი არსაიდან ჩანდა. ნათესავებმა ზურგი გვაქციეს. ზამთარში განსაკუთრებით გვიჭირდა, სახლში ხომ ისევე ციოდა, როგორც გარეთ. აღარც ვიცოდი, ვისთვის მიმემართა, ყმუილი მინდოდა სასოწარკვეთილებისგან. თქვენ აღმოჩნდით ჩემი უკანასკნელი იმედი!

გაყინულ იატაკზე აღარავის სძინავს - სახლში ორი ახალი საწოლია!

ჩემთვის მთავარია, ბავშვებს საჭმელი და საწოლები ჰქონდეთ, თორემ იატაკზე ეძინათ... დიახ, დიახ, აი ამ გაყინულ ბინძურ იატაკზე. 

არც მოველოდი, რომ მთელი საქართველო შეისმენდა ჩემს მუდარას და ჩემი ოჯახისთვის თანხას შეაგროვებდა. მაგრამ, სწორედ ასე მოხდა! სარეცხი მანქანა, მაცივარი, საწოლები, საკვები პროდუქტი, ტანსაცმელი - ეს ყველაფერი თქვენ გვაჩუქეთ, ჩემო ძვირფასებო! არ ვიცი, რა ვთქვა. მხოლოდ შვებით ტირილი შემიძლია! მხოლოდ მადლობის თქმა თქვენთვის და ღმერთისთვის!“

გახსოვთ შამოევების ოჯახის ისტორია?

https://chernovetskyifund.ge/ge/projects/finished/707-shamoev/description/ 

ეს ოჯახი ცოტათი უფრო ბედნიერი გახდა.

მჯერა, რომ საკმარისია ადამიანს ერთხელ მაინც დაურეკო, მოიკითხო, ლუკმა პური გაუნაწილო, დახმარების ხელი გაუწოდო, და სიყვარულის ასეთი გამოხატვა ყველაზე გაყინულ გულსაც კი გაათბობს, სასიცოცხლო ძალას და იმედს მისცემს, ჩვენს შემთხვევაშიც სწორედ ასე მოხდა!

თინა: „ჩემო ძვირფასებო! თქვენს საჩუქრებს რომ ვხედავ, მაშინვე მიჩნდება სურვილი სახლში ვიტრიალო, ოჯახის საქმე გავაკეთო. გვეღირსა ის დღე, როცა ჩვენც გვაქვს ცოტაოდენი კომფორტი“

თინა: ავღმოვაჩინე, რომ გარშემო იმდენი გულღია, ღვთისნიერი ადამიანია! თქვენ კი, ჩვენს მიმართ თქვენი სიყვარული სიტყვით კი არა, საქმითაც დაგვიმტკიცეთ. 

ის, რაც ახლა უნდა ვთქვა, შესაძლოა გაგიკვირდეთ. ძალიან ბევრ რამეს ვნანობ: საყვარელი ადამიანები დავკარგე, ვენდობოდი, ვპატიობდი, ვცდებოდი... ბოლოს და ბოლოს, დავრჩი ორი შვილით მარტო. ძალიან მეშინოდა და გული მტკიოდა, ხშირად ვტიროდი. ვფიქრობდი იმაზე, რომ ჩემი შვილები ასეთ ბავშვობას არ იმსახურებენ! არ იმსახურებენ შიმშილსა და სიცივეს. მაგრამ!!! ამ შავბნელი დღეების გამოვლა, ნამდვილად ღირდა, მზის ამოსვლა რომ გვენახა. ღირდა! იმიტომ, რომ თქვენ გიპოვეთ! (თინა ვეღარ იკავებს ცრემლებს, და გულში იკრავს თავის ერთი წლის გოგონას.)

მარტო რომ ვიყავით, ვიტანჯებოდით და ვიღუპებოდით მხოლოდ. არაფერი შეგვეძლო. რა საოჯახო ტექნიკა?! გეხვეწებით! პურისა და მაკარონის ფულს ძლივს ვაკოწიწებთ. ჩემმა შვილმა სარეცხი მანქანა პირველად ნახა! თქვენ მხოლოდ შიმშილისგან კი არ გვიხსენით, არა! გაგვილამაზეთ ყოველდღიური ცხოვრება! თქვენ ჩვენი მფარველი ანგელოზები ხართ, მართლა, ღმერთმა გაგახაროთ! თქვენ ხართ ჩვენი დღესასწაული!

თინათინი: ყველაფერი მახსოვს, თითოეული ზარი... როცა შენი შვილებისთვის საკვებს ეძებ და აცნობიერებ, რომ უკვე ორი დღეა არაფერი უჭამიათ, როგორ დაივიწყებ მათ, ვინც სიკვდილს გადაარჩინა? იცით, უბრალო ადამიანი ვარ, შესაძლოა ბევრი რამ არ მესმოდეს და არ ვიცოდე, მაგრამ ცხოვრებამ მეც მასწავლა რაღაც. არაფერია იმაზე უფრო მნიშვნელოვანი, ვიდრე სიყვარული და სიბრალული მოყვასის მიმართ!

თქვენი დამსახურებით ერთი ახალგაზრდა, კეთილი ქალბატონი გავიცანი, თამუნა ჰქვია. წარმოგიდგენიათ, მან ჩემსა და ბავშვების შესახებ, თავის მეგობრებს უამბო, ფული შეაგროვა, და გვიყიდა საწოლები, რომელზეც ამდენ ხანს ვოცნებობდით. ახლა მეც და გოგონებსაც დასაძინებელი ადგილი გვაქვს. ეს ჩემი ტანჯვის დასასრული იყო! მორჩა! მადლობა ღმერთს! ცივ იატაკზე წოლა ნამდვილი საშინელება იყო!.. უცნობმა ადამიანებმა, საკუთარი პრობლემებით და დარდით, რაღაც მოიკლეს, რაღაცაზე ეკონომია გააკეთეს ჩემსა და ჩემი შვილების გამო. ძალიან მადლობელი ვარ თქვენი, ყველასი, ამას მთელი გულით ვამბობ!

  ბავშვები იღიმიან და ბრწყინავენ - ახლა ყველაფერი ისეა, 

თინათინი: არჩევნების წინ მოგვიტანეს პროდუქტი და სასკოლო ნივთები უფროსი გოგოსთვის. ეჰ, ნეტავ არჩევნები იყოს ყოველ თვე! (იცინის) ჩვენ ხომ სოციალური დახმარებით ვცდილობთ თავის გატანას, მაგრამ ეს მიზერული თანხა საჭმელსა და ჰიგიენის საშუალებებშიც კი არ გვყოფნის.

 „გემრიელობები ჯერ არ გაჩნდა, მერე კიდევ ერთხელ ვნახავ“

თინათინი: თქვენ უკვე იცით ჩემი ისტორია. როცა  თქვენთვის მომართვა გადავწყვიტე, ნერვები ძალიან ცუდ მდგომარეობაში მქონდა. აღარაფრის ძალა შემწევდა... დილით გაღვიძებაც კი არ მინდოდა. რას მომიტანდა ახალი დღე? მეზობლებს ჩემი გოგონებისთვის, ხანდახან წვნიანი მოაქვთ, ან ფაფა, ხან ტანსაცმელს გვჩუქნიან, რომელიც აღარ ერგებათ თავიანთ შვილებს. ჩვენს მაღაზიაში ხშირად მიწევს პროდუქტის ვალად აღება. ყოფილა შემთხვევა, როცა ფულის სესხება მომიწია წამლის საყიდლად. ხომ ხედავთ, ყოველთვის მყავს გვერდში ადამიანი, რომელიც შეძლებისდაგვარად მეხმარება. ხანდახან მცირედით, მაგრამ ამ დახმარების გარეშე, მე და ჩემი შვილები ვერ გადავრჩებოდით. საქართველოში ბევრი გულიანი ადამიანი ცხოვრობს. თქვენ კი, მათ აერთიანებთ. 

ფონდის ძალიან დიდი იმედი მქონდა. მჯეროდა, რომ ჩვენი ხალხი გულთან ახლოს მიიტანს ჩემი ოჯახის ისტორიას. მაგრამ, საიდან უნდა მცოდნოდა, რომ ამდენი ადამიანი დაგვეხმარებოდა?! შოკში ვიყავი. ბავშვივით მიხაროდა ასეთი ყურადღება და მზრუნველობა. აღარც მახსოვს, ბოლოს როდის ვიყავი ასეთი ბედნიერი. ან კიდევ როდის ვიქნები...

„შეხედეთ, როგორ შეიცვალნენ ბავშვები. გული მშვიდად მაქვს, როდესაც კარგად არიან“

სალომე (12 წლის): დიახ, 13 წლის ვხდები. იცით, კორონავირუსის გამო, დისტანციურ სწავლებაზე გადავედით, და ონლაინ-გაკვეთილების გაცდენა მიწევს. უბრალოდ, დედას ტელეფონი გაფუჭებულია, და ყოველთვის ვერ ვახერხებ ჩართვას. დედას, ამის გამო გული ძალიან სტკივა. ის ამბობს, რომ ნასწავლი უნდა ვიყო, ჭკვიანი, თორემ არაფერი გამომივა. მეც ძალიან მინდა ყველა ჩემი მეგობარივით ვისწავლო. თუ შეიძლება რომ გთხოვოთ, არც ტკბილეული მინდა არც რაიმე სხვა საჩუქარი, მხოლოდ ტელეფონი, რომ ვისწავლო. ეს საუკეთესო საჩუქარი იქნებოდა ჩემთვის და დედასთვის!

სალომე: და შეიძლება, კიდევ რამე რომ ვითხოვო? ვაიმე, რა თქმა უნდა, ძალიან მინდა ლამაზი ტანსაცმელი... გამიხარდა კიდეც, სკოლაში სიარული რომ აღარ მომიწევს, იმიტომ, რომ მთელი ჩემი ტანსაცმელი ძველმოდურია და ასჯერ ნაცვამი. ძალიან შემრცხვებოდა, და არ მინდოდა კლასელებს ასეთ მდგომარეობაში რომ ვენახე. ძალიან მინდა მაგარი ჯინსი და ფეხსაცმელი, ან მხოლოდ ჯინსი მაინც, თუ ორივე ერთად არ გამოვა.

თინათინი: როგორ მერიდება კიდევ რაიმეს თხოვნა... ვაიმე, ძალიან. (თინა იბნევა, მაგრამ აგრძელებს.) მაგრამ, ძალიან მინდა შვილის თხოვნას რომ შევუერთდე. შვილები, ჩვენი ერთადერთი იმედია, რომ ისწავლიან, და ოდესმე ამ გაჭირვებას დავაღწევთ თავს. ძალიან ვდარდობ, ბავშვმა ახლა რომ შეწყვიტოს სწავლა, რა მომავალი ექნება? თქვენ ხომ თავადაც ხედავთ, რა გაჭირვებაში ვცხოვრობთ. სამწუხაროდ, პრობლემები არსად გამქრალა. ვიყინებით, იმიტომ, რომ გამათბობელი არ გვაქვს, ფანჯრებიდან კი უბერავს. პროდუქტის არქონის მუდმივი პრობლემა, ბავშვები სრულფასოვნად ვერ იკვებებიან... ზამთრის ტანსაცმელიც კი არ გვაქვს, ამიტომ, გოგონები ხშირად ცივდებიან... ელემენტარული რამეები გვაკლია. ვიღაცისთვის ელემენტარულია, ჩვენთვის კი თითქმის ოცნება. მაგრამ ჩვენი ოცნებები სწორედ თქვენ აასრულეთ. თქვენ უკვე ყველაფერი იცით ჩვენს შესახებ, ჩემო ძვირფასებო, მუდმივად ვლოცულობ თქვენთვის.

***

ძვირფასო მეგობრებო! სულ ცოტა ხნის წინ, ჩვენ გავერთიანდით თინას და მისი შვილების დასახმარებლად,  შევუმსუბუქეთ ცხოვრება. რამდენიმე დღე, ბავშვებს მშივრებს აღარ დაუძინიათ! მაგრამ პრობლემები არსად გამქრალა: ბავშვებს ისევ სჭირდებათ საჭმელი, ტანსაცმელი, სახლში არ არის არც გამათბობელი, არც ელემენტარული პირობები... და კიდევ, ძალიან სამწუხაროა, რომ სალომე ვერ ესწრება ონლაინ-გაკვეთილებს, იმის გამო, რომ არ აქვს არც ლეპტოპი, არც ტელეფონი, ყველაზე უბრალოც კი... ჩვენ უკვე დავანახეთ ამ იმედგადაწურულ ოჯახს, რომ ძალა ერთობაშია. გავაკეთოთ ეს კიდევ ერთხელ! თუკი თითოეული ჩვენთაგანი მცირედ წვლილს მაინც შეიტანს მოყვასის დახმარების კეთილ საქმეში, ქვეყანაში ერთი მშიერი ბავშვით ნაკლები იქნება... ჩვენ შევეჭიდეთ ძალიან რთულ, მაგრამ დიდებულ საქმეს და შუა გზაში ვერ დავნებდებით.

და თუ კი გიმძიმთ საყოფაცხოვრებო სირთულეებისა და გადაუჭრელი პრობლემების გამო, - რამდენიმე წამით გადაიტანეთ ყურადღება ჩვენს პოსტებზე... ან უმჯობესია დაურეკოთ ნებისმიერ ჩვენს ბენეფიციარს და ყველა თქვენი პრობლემა უმნიშვნელოდ მოგეჩვენებათ, იმასთან შედარებით, ვისაც დაეხმარეთ მისთვის ცხოვრების ყველაზე მძიმე მომენტში. 

             ამასთან შედარებით ჩვენი პრობლემები არაფერია! აი, ნამდვილი გაჭირვება! ის თქვენს წინაშეა! უფალს მადლობა შესწირეთ იმისთვის, რაც გაგაჩნიათ! თქვენ უბედნიერესი ადამიანი ხართ! გახსოვდეთ ეს და დაეხმარეთ გაჭირვებულებს. 

სამწუხაროდ, ამ ოჯახისა და კიდევ ბევრი სხვა გაჭირვებულის პრობლემები არ დასრულებულა. გთხოვთ, ხანდახან დაათვალიერეთ  ამ საბრალო ხალხის ისტორიები ჩვენს ვებგვერდზე. ყოველთვის, როცა მორიგი გაჭირვებულის ნომერს აკრეფთ, უფალი დაგლოცავთ. თქვენ ამას იგრძნობთ! აუცილებლად! გთხოვთ, შემდგომშიც დაეხმაროთ ამ ოჯახებს, ესაა საუკეთესო ღვთისმსახურება!

თქვენი სიკეთე -  იმის შანსია თქვენც ყოველთვის ბედნიერი რომ იყოთ! 

         კიდევ ერთხელ, დიდი მადლობა თითოეულ თქვენთაგანს!

   თანხა შეგიძლიათ ჩარიცხოთ: 

#GE15TB7194336080100003

#GE42LB0115113036665000

#GE64BG0000000470458000

(დანიშნულება: შამოევების ოჯახი)

ვებ-გვერდიდან: https://chernovetskyifund.ge/ge/projects/finished/707-shamoev/description/ 

       ასევე, თანხის ჩარიცხვა შესაძლებელია TBCpay და ExpressPay ტერმინალებიდან. ქვეთავში “ქველმოქმედება“ მოძებნეთ ჩვენი ფონდი (ფონდის დამატებით უფლება-მოვალეობებს შეგიძლიათ გაეცნოთ ბმულზე https://goo.gl/GY2Gus). 

თქვენთვის კარგი ამბავი გვაქვს - ახლა ჩვენი ბენეფიციარების ისტორიები შეგიძლიათ წაიკითხოთ: 

ინსტაგრამზე: https://www.instagram.com/chernovetskyi.fund/ და 

ტელეგრამზე: https://t.me/ChernovetskyiFund.

 სპეციალურ ნომერზე განხორციელებულ მხოლოდ ერთ ზარს, სიცოცხლის გადარჩენა შეუძლია - 0901 200 270 

 ვიფიქროთ იმაზე, რომ გაჭირვებულთა დახმარებით და მათი ტკივილის გაზიარებით, ჩვენ ვზრუნავთ ჩვენს სულზე და ვუახლოვდებით უფალს!