როცა ძალიან შიათ და სახლში პურის ნატეხიც კი არ არის, ტყუპები ანა-მარია და ანასტასია, რომლებიც ძალიან ჰგვანან ერთმანეთს, მღერიან ან ლექსებს ამბობენ. ასე ივიწყებენ ისინი შიმშილსა და სხვა პრობლემებს.

გაიღიმეთ, მეგობრებო! თქვენ ბედნიერება აჩუქეთ პატარა მეგის! ის პირადად თქვენთვის იღიმის! მეგი: მე და ჩემს დებს ერთ საწოლზე გვეძინა და ერთმანეთს ვაწუხებდით. დედას სულ უნდოდა ჩვენთვის საწოლის ყიდვა, მაგრამ ფულის შეგროვება ვერ მოახერხა. გვეგონა, რომ ჩვენი საწოლი მალე დაიშლებოდა და აღმოვჩნდებოდით იატაკზე. მაგრამ, თქვენ დროულად მოხვედით და გადაგვარჩინეთ! საწოლი კი არა, ნამდვილი სასახლე მოგვიტანეს! ისეთი კარგია, ისეთი ლამაზი და მყუდრო! აქ, მხოლოდ ძილი კი არა, ცხოვრება მოგინდება! ლამაზ ფარდებს დავკიდებთ და ნამდვილი პრინცესებივით ვიქნებით!

გაიღიმეთ, მეგობრებო! თქვენ ბედნიერება აჩუქეთ პატარა მათეს! ის პირადად თქვენთვის იღიმის! მათე: ახლა, მათე ყველაზე ბედნიერია! ნახეთ, ძიამ რა მოუტანა! მანქანით მოვიდა და მომიტანა ეს სათამაშო! ჯერ ჩავეხუტები, მერე კი ვითამაშებ! იცი, თავისით დადის? ზუსტად ასეთზე ვოცნებობდი. საბავშვო ბაღშიც კი არ გვაქვს ასეთი მანქანები. ჩემი მეგობრებიდანაც, ასეთი არავის აქვს! ძალიან დიდი მადლობა!

გაიღიმეთ, მეგობრებო! თქვენ ბედნიერება აჩუქეთ პატარა ანდრიას! ის თქვენ გიღიმით! ამდენი სათამაშო ერთად, მაღაზიაშიც კი არასდროს მინახავს! ოთხი და და ერთი ძმა მყავს და ყველას სათამაშოები რომ მოგვიტანეს, სათამაშოების მაღაზიის დირექტორი მეგონა ჩემი თავი. ახლა, თავისი სათამაშოებით თამაშობს ყველა. მერე კი, რომ დაიღლებიან, ყველას ერთად მოვაგროვებ და ლამაზად დავალაგებ. რა მაგარი იქნება!

იცით როგორია ცრემლის გემო? 8 წლის ლიზი გვიმტკიცებს, რომ საჩუქარი რომ მოუტანეს ტკბილი ცრემლით ტიროდა! ახლა უკვე თქვენც იცით, რომ ტკბილი ცრემლის გემო აქვს უზომო ბედნიერებას. უღრმესი მადლობა, მეგობრებო, პატარა ლიზი ხომ, თქვენ აქციეთ ნამდვილ პრინცესად!

ანასტასია: ეს თოჯინა როგორც კი დავინახე, მაშინვე შემიყვარდა! შეხედე, რა ლამაზია! ისეთივე თმა აქვს, როგორც მე! და ისეთივე თვალები! ღმერთო ჩემო! ასეთი ლამაზი თოჯინა არასდროს მინახავს! -რას დაარქმევ? ანასტასია: ტასოს! ჩემი დედიკო მეძახის ასე და ძალიან მომწონს. დიდი მადლობა! მადლობა ყველას, ვინც მაჩუქა. ასეთი სილამაზე არასდროს მქონია. ტასო ყველაზე ლამაზია ჩვენს სახლში! გპირდები, კარგად მოვუვლი. თმას დავვარცხნი და ვაბანავებ. ჩემს საწოლში დავაძინებ, მარტოს რომ არ შეეშინდეს. ოღონდ, სასეირნოდ არ წავიყვან, თორემ ვინმეს მოეწონება და შეიძლება ჭუჭყიანი ხელით შეეხოს!

გაიღიმეთ, მეგობრებო! თქვენ ბედნიერება აჩუქეთ პატარა ლიზის! ის პირადად თქვენთვის იღიმის! ლიზი: დედა მეუბნება, რომ ჩემი ახალი თოჯინა ჩემსავით ლამაზია! მე კი ვფიქრობ, რომ მსოფლიოში ყველაზე ლამაზია. ნახე, როგორი თვალები აქვს! მან მასწავლა ღიმილი! რომ ვუყურებ, უბრალოდ არ შემიძლია, არ გავიღიმო! სასეირნოდ რომ გავიყვან ხოლმე, ყველა გოგო მეკითხება: "რა ლამაზია, შეიძლება, მეც ვითამაშო?" მე კი ვეუბნები: "არა, ძილის დრო აქვს..."

გაიღიმეთ, მეგობრებო! თქვენ ბედნიერება აჩუქეთ პატარა ბორიას! ის თქვენ გიღიმით! აბა, ვინმემ სცადოს და დაეწიოს ჩემს მანქანას! ეს მსოფლიოში ყველაზე სწრაფი მანქანაა! ვჟ-ჟ-ჟ-ვჟ-ჟ-ჟ და უკვე სამზარეულოშია. მთავარია, არავინ დაადგას ფეხი და ჩემი ოცნება არ დამიმტვრიოს! ამიტომ, თამაშს რომ ვიწყებ, ყველას ვეუბნები: „აბა, ყველამ გაწიეთ ფეხები, ჩემი უსწრაფესი მანქანა გაატარეთ!“

ზურა: შეხედე, ჩემზე სწრაფად დარბის! აქ უნდა დააჭირო, მერე პულტზე რგოლი დაატრიალო და ივლის! ისეთი ლამაზი „მწვანეფერია“! - მანქანის სანაცვლოდ კოცნას შეგვპირდი, გახსოვს? ზურა: არა, მაგრამ, მომე ლოყა. მაინც გაკოცებ!

რატი: ეს ყველაზე კარგი რამეა, რაც მაქვს! -კიდევ რას ისურვებდი, რატი? რატი: ბევრი „სასისკები“ და „პეჩენიები“. მეტი ალაფელი.